حبيب لاذكرته قلت انا مغليه ؟ لا ما غليه
وزوله لا تهيا لي اصد وكن ما اشوفه
اليا مني طردته عن خيالي خافقي يدعيه عسى الله لا يردك يا الزمان اللي جمعني فيه
وايا مني دعيته قلت مافيه حبة أحسوفه
تذكرت الغلا وايام كانت في يدي ويديه
وتذكرت القصيد اللي عجز لا يوفي اوصوفه
زمان لا طرالي لو طلب عمري اجي و اعطيه
وانا مابي سوى حظنت غلاه ومسكت كفوفه
ولكن غرته دنيا يحسب ان البشر تغنيه
عن اللي صان حبه في ردات الوقت وصدوفه
رحل حزني معي في حاضري و اثر السبب ماضيه
وصارت رحلتي بهالزمن ماهيب معروفة
الا ربي حسيبه باع قلب بالغلا شاريه
نقض كل الوعود اللي مضت وياه وحلوفه
عسى الله لا يرده يوم صد وخافقي يدعيه
وعسى الله يرحم القلب المعذب منه ويروفه
بقول اني ناسيه ولكن ماني ابناسيه
اليا مني نسيته رجعتني للغلا طيوفه