احلى مقلقل من الشيف حالم .. بالصور

[فهد المنيع]

جمهوري الكريم ..



عارف انكم متلهفين لطبخاتي لكن وش اسوي مهنا وقت


اليوم قايم من فجر الله ورحت للمطبخ كالعادة كني قطو


الصدز نيتي اقلي لي بيض وافطر عليه لكن يوم جيت للمطبخ والقى لحم مقطع صغار وجاهز مدري منهو له



يوم مسكت على مقلقل وانا اللي اقطع البصل وازهب السواطير وابدا في الطبخه السحريه ( مقلقل )

المقادير :

لحم - بصل - معجون طماطم - ملح - بهارات - سمن مدري وشو لقيته في علبه وخذت منه

حمست البصل ولحقته باللحمه وكلشن جميع الين استوى ورميته


وهذي الصور
















ان شاء الله تكون الطبخة عجبتكم

[سعود الخليل]

كخخخخخخخخ

الله يرجك يا حويلم على هالطبخات الرائعه أنا قايل لك ان عندك مواهب وتصلح مشرف في الطبخ .!!!









أقول أفلقني يا شيخ كانك تفطر على طاولة وكراسي !!!!!

[ربى الجنان]

يسلموووووووووو

طقتني الجوووووووووووووووووع

مقلقل يم يم

تصدق عرفت من تكووون من صحوون بيتكم في رمضان أهلك مرسلين لنا لقيمات في الصحن هذا

صراحه مقلقل شي خطيرررررر

أقوووول شرايك نتبادل المناصب ياشيف حالم تراااك قدها قل تم

وصدق تذكرني أخوووي ياحبه للحميسات ====>يمديكم على الجمع
يحب يطبخ مثلك.......

لاتحرمنا ابداعك

[سمسومه]

يمممممممممممم

ماشاء الله مقلقل يفتح النفس
<<<تراها محرومه من اللحم!!!

<<<لو يدخل البيت طلقها زوجها!!

لكن ياحالم بصراحه ناقصه الطبخه!!

ونقصانها مشينها لآآآآآآخر درجه!






















وين البردقان خخخخخخخخخخخخخخخخ

الله يرجك كل ماذكرت البردقان عصبت بطني هههههههههههه

تسلم يدياتك

لكن يصلح أزينها بس بدل اللحم صدور دجاج!

ودمتا شيفنا الغالي.......

[فهد المنيع]

هلا راعي الاوله جابتك الريحه هع هع هع

والله يا وخيي لي خدمة في شقق العزوبية اكثر من ثلاث سنين الين ما جاني نقل وانا اطبخ وانفخ واغسل المواعين واكنس ويا حظها اللي تبي تاخذني هع هع هع خبره في اعمال المنزل



تبي الصدز صورت على الطاوله وظفيت المقلقل والشاهي للملحق وافطرت على الارض وانا اقرا الجريدة خنبقنا بعد طاولات وكراسي هع هع هع عز الله انك صدتني خخخخخخخخخخخ


مشكور على المرور وابشر بالمضغوط بس انت سير ..

[فهد المنيع]

ربى الصحون هذي انا مستاجرها لمدة نصف ساعة ورجعتها --------> طقته الروعه



حالم ليل
مشرف منتدى الطبخ







مشكوره ام عبد الله على الرد وعقبال ما نشوف مرقة البصل والطماط من يديتس

[فهد المنيع]

هلا بالشيفه سمسومه خخخخخخخخخخخخخخخ


وراه ما ياكل لحم ابو العيال ؟؟


تنفع الطبخه بصدور دجاج لكن باللحم اطعم يم يم يم ودي ازينها مره ثانيه ..


البرقدان ( عدلناها ) ناسيه والا تسان رزيت لي كمن حبه عشان تكيفين هع هع هع يا ملا الكربه خخخخخخخ


يالله شدي حيلتس وسوي لنا مرقوق والا قبابيط وان حصل صبيب يكون احسن خخخخ مافيه امل تسوي صبيب


مشكوره على الرد ..

[شريك المشاكس]

أما أحلا شي التعريف : بصل لحم خخخخخ


أقول حوليم ورا ما دقيت علي !!؟؟ تراني أقدر الفطور الي زي كذا << يا شين النشبه ...


اقول وش اخبار اخوك جالم ذلك اليوم افطرت انا وياه سندويش ودفعت عنه الحساب ومن عقبها ما شفته خخخ


مشكور اوي على الطبخه يا سعدها من بتاخذك

[بن جعيثن]

[align=center]تسلم ياحالم...

وعليك بالعافية...

عسى باطنه مثل ظاهره تكفا...[/align]

[السنبلة]

[frame="2 80"]والله مصوّر حالم عفواً طباخ وانا مادرينا؟؟



المرة الجاية نبي طريقة طبخ المفطّح <--- متوحشة منه ما تخيل يجي يوم وتطبخ ذبيحة..


أرشّحك مشرف لـمنتدى الطبخ..





* السنبلة *[/frame]

[فهد المنيع]

شريك القلم
عضو نشيط ---------> يمدحون النسخ واللصق خخخخخ

اقول يا ابو الشباب ترى فيه ناس ما يعرفون البصل ولا اللحم --------> انواع التسليك هع هع


جالم مسافر لسوسرا يجيب غنم نعيمي اذا جاء قلت له يرجع لك فلوس السندوشات اللي افطرتوا بها هاك اليوم ولا يهمك -----> عطوه قطته


مشك ور عل ى ال ر د تل غب خه يس رؤ بااااااااااااااااااااع طح

[ابو عبد العزيز]

حالم ليل اقول مشاء الله تبارك الله طبخة حلوه وبالفعل الحاجه ام الاختراع وياليت انك جلست عزوبي لو سنتين زود علشان تعرف للمشخول بس يدين ان شاء الله ما نعدمها

[فهد المنيع]

هلا بن جعيثن وين طلعتااااااااااا منه مبيت اشوفك في هالشتويه !!

داخله مثل باطنه قصدي خارجه مثل طالعه


مشكور على الرد وترى الربيع طلع ومحاريها دفوه الايام الجاية اظهر بس --------> ضب

[فهد المنيع]

* السنبلة * 1426

مسيتس بالخير والعوافي ..


عطينا الخروف وابشري بالمفطح وبالصور


لكن هذا من تخصص راعي الاوله لانه كان يشتغل في مطبخ قبل كمن سنه


مشكوره


حالم ليل 1426

[فهد المنيع]

المشاركة الأصلية كتبت بواسطة وادي أبا المياه   [frame="7 80"][align=center]شي جميل ياحالم [/align][/frame]

بالله عليك خخخخخخخخخخخخخخخخخ


ذكرتني بمحمد رمضان ---------> وش جابه ذا












هاه ركدت جنيتك ؟؟




الله يهديك غصبن عليك