تبي تتحدى شاعر ؟؟ تعااااااااااال ..

[هرمنا]

بما اننا فريق التحدي نمتلك روح رياضية عالية



سنقبل هدف التعادل بابتسامة



ونرجو من فريق التحدي اختيار كلمات اصعب من ما سبق كي نخبرهم اننا اسم على مسمى

((( اوووووو يالاتي ياموج البحر )))))


=========

دفين الجرح : بنشوف في الاخير من يقول : جالسين ليـه ماتقوموا تروحوا ..وبنقول بمشيئة الله : نحمد الله جت على ما نتمنا



========


في انتظار احد اعضاء فريقنا بكلمة عجز عنها السابقون وسيعجز عنها اللاحقون :o

[عاشقة سديـــر]

روعه يادفين الجرح ...قدها وقدود << تحسونها فرحانه ان الشعراء خذوا نقطه << هبله ...شكلها بتنطرد من فريق التحدي خخخخخخخ :f

بس تراني متعنيه اسهل الطلب << كثري منها

لا من جد ...لاني ابغى ارفع معنويات الشعراء ...بما اننا تونا في البدايه عشان يتحمسون اكثر ويعطونا ابيات حلوه

يالله يافريق الشعراء ...مبروك عليكم هالنقطه واتوقع انها كفايه ...وعاد باقي النقاط للتحدي

تحياتي

[عبدالله الصالح]

السبعين وعاشقة سدير


لا تكثر بربرتكم وهاتو كلمة ترانا متحمسين بزياده


من عاند الاعصاااااااااااار ==== مهما صمد ينهاااااااااار


نبي مواهب جديدة وكلمات حلوة


عاشقة سدير لا تصدقين انك جايبه كلمه صعبه

البيت اللي كتبته هذا قالته لي بنتي ميار من زود السهوله

معليش فكروا اكثر

[هرمنا]

والله ماودي احتكر التحدي لحالي وودي فريقنا يشاركون .لكنهم ابطوا عاد قلت مابدهاش (نرزحكم ) بتحدي ان شاء الله ما تجيبون له خبر

====الكلمة هي : الحيا

الشروط هي :


ابيها مرتين في بيتين شعريين وتكون قافية البيت الاول كلمة الحيا (( بمعنى المطر ))


وفي قافية البيت الثاني تكون الحيا : بمعنى ((الخجل ))


<<<<<<<<<<< انواع التعقيد
=========

ملاحظة مهمة . اي خلل في الشروط على طول بيصير هدف لفريق التحدي


((( هي ياشبك من شربكك من هزك منهو حركك ......طبعا فريق التحدي )))

[خيال]

أنا أتحدى

[خيال]

يلا يافريق الشعراء <------ الاخت داخله عرض

[الملتمس]

مسيكم بالخير 000
انا ودي اشارك مع فيق التحدي 00 تسانكم تبوني والا ترا عندي عرض مغري من فريق الشعراء 00

هاه وش قلتوا يا شلة التحدي 00

لكم تحياتي

[سعود الخليل]

هلا بالملتمس ،، الله يحييك معنا وأبشر بسعدك وتراك أساسي ونبي نحطك راس حربه ،،،
بس مدري عن اللياقه ؟!!

تحياتي..

[عاشقة سديـــر]

دفين الجرح ...

ماشاءالله ...اجل هذه الشبله من هذا الاسد خخخخخخ

وبعدين هذا بدال ما تشكروني على تسهيل السؤال ...طيب ان ما خليناكم ياشعرائنا ...من القهر تدورون في قوقل من الصبح لين اخر الليل تدورون بيت يطبق الشروط وما تلقون ...مانكون فريق التحدي

على فكره ..

وش رايكم نغير المسمى من ( فريق التحدي ) الى ( فريق النصر ) << عشان نهتف بهتافات النصر مو الاتحاد << امزح معكم ...شكلي بنجلد

بنتظار الابيات ..

تحياتي

[عبدالله الصالح]

استلم مدام الشباب مقززين


الجادل اللي وصلها ينعش وتزهر منه روح

00000000000 مثل الفياض اللي وطاها باول الوسم الحيا

فيها من الزهر الندي عطرٍ ورى الطرحة يفوح

0000000000 لونه مثل خدٍ تلون بالحمار من الحيا


ملاحظه للي ما يفهمون ويعرف نفسه /

الحمار : يعني الاحمر وليس الحيوان صاحب الاذان الطويله والنهيق
خخخخخخخخخخخخخخخخخخخخخ


اعتقد ان النتيجه الحين


التحدي 1 ،،، الشعراء 2


هعهععهعهعهعهعهعهع


ومن واجه الشعار ........ مهما صمد ينهار

واللي بعده

[أبو ريان]

عشت انا ذكرى اليمه نقظت فيني الجروح &&& وصفـها وصف السحاب ليا جلب معه الحيا


أسمها خمسة حروف هرجها كـله مـزوح &&& وان حكـت صارت تلعثم بـس من زود الحيا

[عبدالله المهيدب]

ياليت تشرحون لي الطريقة بشكل سريع وأنا مع الشعراء مع الشكر لاخوي السبعين على دعوته لي

[هرمنا]

<<<< شكل الروح الرياضية ماتنفع معكم

بنلعب بخطة هجومية ثلاثة ثلاثة اربعة



(((( معليش يافريقنا والله ودي اشوف هجماتكم لكن الظاهر هاليومين انا راس الحربة ومن بكرة برجع دفاع واخلي غيري يهاجم . عشان كذا برسل لهم ظربة راس في الثمنيات الحين واوعدكم اني ارجع اساند الدفاع ))))


===========

استلموا يافريق الشعراء

ابي بيتين موزونات زي اللي عطيتونا وابي فيهن الكلمة التالية في قافية البيتين

الكلمة هي : ابط

ابيها في قافية البيت الاول بمعنى (( تأخر )) فعل امر من كلمة أبطأ

وابيها في البيت الثاني بمعنى (( الابط وهو المنطقة التي في اعلى اليد وينبت فيها شعر غير مرغوب فيه ولا في ريحته )) اكرمكم الله وأعلى مقامكم


اعتذر والله لكن بجد مالقيت اصعب من التحدي هذا واذا كان غير مناسب ارجو من المشرف حذف هذا التحدي مع اعتذاري سلفا


=====


تقبلوا تحياتي


((( دور فيها يالتحدي دور فيهاااااااااااا )))

[عبدالله الصالح]

استلم يالسبعين هذي بالثمنيات


صاحبي مني تعقد عقدتين وقال طاط
000000 ان تباطا قلت عجل وان تسرع قلت ابط

قال لي ناقصك عقلٍ مع قليل الانضباط
000000 وقلتله ليتك تعطر وانت ريحك ريحة ابط



اللي بعدوووووووووووووووووووووووووو


النتيجه الان

المتحدين ( فريق الدجة ) 1 : الشعراء ( فريق الابطال ) 3



وجالسييييييين ليه متقوموا تذلفواااااااااا


تحياتي يالسبعين اذا ما خليتك عشرين خخخخخخخخخخخخخخخ


يافريق الدجة حطوا السبعين احتياط وتفوزووووون

ههههههههههههههههههههههههههههه

[عاشقة سديـــر]

رووووووعه يادفين الجرح وابو ريان ...قدها << شكلي بنطرد من جد ..

معليش باستلم الهجوم شويتين ...بعد اذن فريقنا ...

....................................

وش رايكم تعطونا بيتين ...فيها كلمة ( حر )..متكرره اربع مرات ..

بحيث انها تكون مره ....في بداية الشطر الاول من البيت الاول وبمعنى ( صفه من الحراره ...مثال "الجو اليوم حر ") والمره ثانيه تكون قافيه للشطر الثاني من البيت الاول وبمعنى ( صفه من الحريه ..مثال " انا حره بما افعل ")...<< اصبروا تونا ما بعد خلص الطلب خخخخخخخ

والمره الثالثه تكون في منتصف الشطر الاول من البيت الثاني وبمعنى ( صفه من الحريه )
والمره الثالثه والاخيره ..تكون اكيد قافيه للشطر الثاني من البيت الثاني ولكن بمعنى ( صفه من الحراره )

ياررررررررب ما يجيبونها

تحياتي