تبي تتحدى شاعر ؟؟ تعااااااااااال ..

[سعود الخليل]

والله الدعوى حماس لكن هين ما بعد طلعنا الخطه يا دفين الجرح هذي جس نبض بس ولا تحسب ان الدعوى خذني جيتك ،،،، ورد على عاشقة سدير الحين وتشوف الهجمة اللي عقبها وش تصير ،،

السبعين لا يهمونك وسع صدرك وعدهم قدااااااااااااااام ،،

تحياتي..

[سعد القاسم]

اقول ياربع الا الان منابعد تحداني احد ولا انا نايم ... ولا ادري وش القصه..هه

[عبدالله الصالح]

طيب طيب


الظاهر ما فيه الا انا وابو ريان

بس ابو ريان كنه جموس الجح ما نشوفها الا بالموسم خخخخخخخ


المهم استلمي

حرٍ فقش راسي مثل فقشة البيض &&& مسجون جسمي فيه حتى وانا حر

واللي يحسبه حر يجلس بذالقيض &&& ونشوف من يصبر بجوٍ وهو حر


خخخخخخخخخخخخخخخخخخخخخخخخخ


هذي الله يسلمكم قايلتها بنتي ميار وهي تهمز رجلي عقب الظهر

==============


راعي الاوله : اللي بالقدر يجيبه الملاس

============

سقم ماعاد فيه تحديد

اللي يسبق يقول


===============


ومن واجه الشعااااااااااااااااار ***** مهما صمد ينهاااااااااااااااار



النتيجه الحين


التحدي : 1 ، الشعار 4


وينك ياللي تبي تضحك


والله ما نكبكم الا المحترف اللي اسمه السبعين


والجايات احلا

خخخخخخخخخخخ

[الراسي]

ما شاء الله وش هالتحدي

سجلني من ضمن الشعراااااء <>>>>> أطقطق


[c][gl]و تــــقــــبـــ تحياتي ــــلـــــوا[/gl] [/c]

[عبدالله الصالح]

ما يحملووون يالراسي


انا توني مابعد لبست كنادري للحين العب معهم برجل فيها شراب والثانيه حافي

المهم خلك اجل راس حربه ونغزهم لا اوصيك ترى اللي متوزين في الربع واجد

خخخخخخخخخخخخخخخخخخخخخخ

حياك يالراسي

[الملتمس]

مسيكم بالخير جميع 000

ماش اشوف الدعوى مدحدرة يالربع وش السالفة 00 وبعدين تعال انت وياه يا للي تسمون انفسكم فريق الشعراء انتم تلعبون علينا والا وشلون 000 الحين اللي يطلب هو فريق التحدي ( فريقنا ) واللي يجاوب فريق حارتكم ( متأثر بفرق الحواري منول ) 00 اكيد بكذا بتكون النتيجة لصالحكم 00 ولو نبتل تبي تكبر النتيجة 00 اسمع يا حبيبي انت وياه 00 اذا طلب منكم احد من فريقنا شي وجاوبتو عليه لابد ان تحطون سؤالكم بعده على طول 00 ترا الدعوى مهيب انحن نحط الطلب وانتم تجاوبون بس 00 واذا حاولنا نعدل النتيجة لقينا اللي حاط(ن ) الطلب من فريقنا 00 ولا نقدر نجاوب علشان ما نغششكم 00 المهم اسمعوني اذا طلب احد من اعضاء فريقنا شي وجبتوه حطوا بعده طلبكم علشان نجيبه وتكون النتيجة سجال ( قوية ذي ) بيننا وبينكم 00 والا وش رايك ياريس الفريق ( حقنا انحن ) 000

وتحياتي لكم 0

[عاشقة سديـــر]

دفين الجرح ....ليش تخلي بنتك تغششك .... ممنوع التغشيش << منقهره من النتيجه ...

الملتمس ...

لاتوهقنا وانا اختك ....ترى الشعر من جهه وانا من جهه ..

ننتظر قذيفة مشرفنا ( راعي الاوله ) ...

وبنجهز سيارات الاسعاف لشعرائنا عقب القذيفه خخخخخ

تحياتي

[عبدالله الصالح]

والله اللي ما افلحتوا كان راعي الاوله هو اللي بينقذكم

عموما يالملتمس رايك على عيني وراسي بس المسابقه والتحدي فكرتها كذا ولو غيرنا زي ما قلت بتصير طرطشلي يعني حوسه

عاشقة سدير

بنتي هي اللي ذبت عقالها وقالت طالبتك يبه قلت جاك قالت ابرد عنك وانت العب الشوط الثاني


خخخخخخخخخخخخخخخخخخ

في انتظار ما سيسفر عنه رجوع راعي الاوله ولو اني اتوقع انه بيزبن الاستراحه الليله


تحيااااااتي

[فهد المنيع]

سيبووووووووووووووووووه سيبووووووووه


جاك الموت يا دفين الجرح

مخليك تضحك وترد ابيك تنبسط شوي لكن الحين بخليك مثل راعي الطلحة

اسمع يا طويل العمر والسلامة

ابيك تحط لي كلمة ( دعه )

دعه ( اتركه ) في نهاية الشطر الاول من البيت الاول

دعه ( راحه ) في بداية الشطر الاول من البيت الثاني


واذا قدرت تجيب المطلوب ( بيزرع فجل ) ما تحط نقطة الا الين اشوفها واعلمك هل هي صحيحه ومناسبه للمطلوب والا لا ..

يالله رح لك من الحين الى السنة الجايه مثل هل الوقت كاننا من الحيين

مع تحيات حالم نسايم ليل

[من يفهمني]

دفيـن الجرح اشوفك تحدى ولا نشوف شي الميدان يا حميدان
وانا انشاء الله قد التحدى تدري ليه لني رديت على ابو ريان وانا توني تلميذ في الشعر ولقيت صدى كبير وشجعني اخوض التحدى
ام شغل سولف انتها نبي العمل خلو عنكم الهرج اللي ماله سنع
انا الحين العن عليكم الحرب واتحدى كل اللي يطلب التحدي
يا الله نبي الشعر مو خربيط كلام طائر في الهواء بس اتحدى والثاني يقول التحدى
يالله ورنا شاطرتكم يالي التحدى
وصح لسانكم مقدم

[من يفهمني]

القلب يشكوى من دعه .. دعه يموت واحيد

[هرمنا]

<<<< السبعين يغادر ارض الملعب ويتجه نحو دكة الاحتياط بعد استبداله بالسهم الملتهب (الملتمس ) وسوف يعود بعد ان يلتقط انفاسه .وبعد ان يراجع الخطة جيدا .وسيقوم باذن الله بتسجيل هدف ثاني وثالث ورابع


=========


قالت العرب : من يضحك اخيرا يضحك كثيرا










===============


بنرجع للشرط السابق اللي فيه تحديد اسم الشاعر واذا تأخر عن الجواب مدة 18 ساعة يعتبر هدف لفريق التحدي <<<<مالنا الا هالطريقة عشان نلحقهم




(((( لن نتنازل عن شرط تحديد اسم الشاعر )))))

[سعود الخليل]

والله انك صادق يالسبيعن،، هذا شرط مهم وبعدين لازم يا دفين الجرح تحدد لنا منهم فريقك علشان نعرف من نختار ،،،

يالله شد حيلك
،،

تحياتي..

[أبو ريان]

حالم ليل ردد يا ليل مطولك واستلم طلبك وفوقه بوسه امووووووة

اذا دعاك السفيه بفعلا فأبتعد عنه ودعه &&& البعــد خــيرا من مناجــة ســفـــيه
دعه ولو اهداك شي فــأسترح منه وبـعه &&& حتما سيهـديـك سفها وطبعا كـريه

[فهد المنيع]

من يفهمني وش ذا ؟؟

ابو ريان تسلم على المشاركة لكني اخترت اتحدى دفين الجرح وهذا شرطي والا انت قدها وقدود ( معليش ابو ريان ودي احجره لان الربع بيضحكون عليه )

بعدين ( دعه ) بالعاميه

يعني تكون الابيات نبطي



لازلت انتظر دفين الجرح !!