لعبه تحدي للشعراء او انقش من الجوال ارجو التفاعل كبدايه%%

[أبو حمـد]

ياهلا يا هلا يا هلا ،،، والحمدلله على السلامه أخوي أحمد


يهزمني حضوره يوم جاني في عيونه شيّ &&& ويبشر لو طلب مني أحقق له مطاليبه

معه علم وخبر أنه كواني في غيابه كـيّ &&& ثلاث أيام ما جانا ولا وصلت مناديبه

[احمد الحقيل]

الله يسلمك ياحمد .. على فكرة الابيات قويه ماشاء الله ..!!
بهديك ياحمد قلب(ن) ساريـه جــــار """ ولك غير القلوب الهاويه اعيونها
انت تستاهل النخوة بلاشك واجـدار """ وغيره كفو بس ما تهمني اسلومها

تستاهل ياحمد ..
سلامتكم

[أبو حمـد]

الله يارب يسلمك واشكرك أخوي أحمد ،،، وعز الله أنك مكسب وهديتك غاليه ومن غالي


بالنسبة لقوة البيت فهذا من طيبك ،،، ولا أنت ما يخفاك كلنا جايين هنيا نتعلم الشعر واوزانه ونتمتع بالمشاركة وصحبة الطيبين امثالك ،،


هاضن دموعي وجن على الخد تحدار &&& من بعد ما شفت البيوت الكريمه

وقمت اتفكر في كلامك تفكار &&& يا عود جاوي زاده الحرق قيمه

[أبو حمـد]

مهموم قلبي وزاد الهم هميني &&& يا قلت طابت جروحي زاد جرحيني

[مصعب بن عبدالله]

نيتي نية عبد(ن) مخلص****ماهي نية عبد(ن) مفلس


أتمنى يكون البيت صحيح لأني لاأعرف من تأليف الشغر ريشة
لكن أحب مثل هالمواضيع وقلت لازم أترك بصمة

ليتكم تعلموني صح ولا غلط بدون مجاملات

وأحب أشكركم
وأستمروا الله يوفقكم..

[أبو حمـد]

بيتك ممتاااااااز ، اهم شي حضورك ومشاركتك والوزن يجي بعدين ،، لاحقين عليه

[أبو حمـد]

.

لسان الحال يحكي لك عن الي دهور اوضاعه &&& رصيده صار بالسالب وبعد ذاك القصر شقه

وكل له غبي باع الحلال ولو قدر باعه &&& وعلى هالحال لين أمسى فقير وهالمرض دقه

[احمد الحقيل]

مساكم الله بالخير ...
قهور الزمان مالها تصريف %%% ولا لها من العله طــــــــــــــــــــاري
اذا كنت ميت قلب ورديـــف %%% اضملك سعادة انت لها خـــــــــاوي

[أبو حمـد]

مساك الله بالنور ويا هلا أخوي أحمد

[أبو حمـد]

ياهلا يا أحمد والمعذره على التأخير ،، انشغلت شوي هههه


وياك يا أحمد انا هالشعر حبيته &&& فياعل ربي يدومه دوم هالصحبه

يكفيني أنك أول شخص حييته &&& واول بيوتي تشرف بأسمك وحبه

لو أنسى ،،، ما راح أنسى تشرفي بالكتابه معك في أول مشاركه لي بالمنتدى بعد تسجيلي ،، واستمرارك الكريم بالمشاركه فجزاك الله كل خير ،،

شكرا لك

[أبوعدي]

مساكم الله بالخير...

..

بها المنتدى قروم على الطيب ماشيه ==== مدري طبع فيهم وإلى أنا غادي


تقبلو مروري ...

مع العلم ان هذه اول مشاركة لي...

تقدري لكم..

[أبو حمـد]

صباح الأنور أبو عدي ،،، ويا هلا ،،، وأقول ريح هالندى وين ،، أثره هنيا


ديار السعد يا أبو عدي معروفه &&& فيها مواري العين ، لا شك تدريها

فيا بعد ديرتنا عن ديرة الكوفه &&& وعين ٍ خلقها الله ، لاشك يحميها

[أبو حمـد]

ديار السعد يا أبو عدي معروفه &&& فيها مواري العين ، لا شك تدريها

فيا بعد ديرتنا عن ديرة الكوفه &&& وعين ٍ خلقها الله ، هو الي يحميها

[أبوعدي]

مسائك الله بالخير ياحمد وهلابك اكثر ..ولاهنت على الكلاام العذب...


جاك البيت



هل الهلال ياحمد وأنصرم شهر شوال ====== عد اليالي ياخوي وعد باقي اثرها



دمت بود

[احمد الحقيل]

المشاركة الأصلية كتبت بواسطة حمد ولد أبو حمد   لو أنسى ،،، ما راح أنسى تشرفي بالكتابه معك في أول مشاركه لي بالمنتدى بعد تسجيلي ،، واستمرارك الكريم بالمشاركه فجزاك الله كل خير ،، شكرا لك

العفو ياحمد .. والشرف لي الله يجزاك الجنه يابعدي ..!!
ودخولي للمنتدى الصراحة عشان
جلستن معك خصيصا .. وعامتن المنتدى كله ..
فمان الله ..