★ عطلتنا الجميله في دار الهدى بالتويم ★

[[م]]

-



السلام عليكم ورحمة الله وبركاته

أسعد الله جميع أوقاتكم بكل خير

حياكم الله جميعاً في هالموضوع اللي المفروض نازل من شهر وزياده
لكن الظروووف العامل الاكبر في هذا هالتأخير ، فعذراً حبيباتي طالبالتي الجميلات
اللي شكلهم ينتظرونه من زمـاان
وعذراً منكم أيضاً ..

المهم مالكم بالطويله على قولتهم
ونبداً بتغطيتنا البسيطه للدار وبعض النشاطات والدورات المُقامه فيه أثناء شهر شعبان


أولاً النشاطات المُخصصه للحلوات الصغار وكانت عباره عن :

1- اصنع طعامي بيدي لمدة ثلاثة ايام
اليوم الأول : سلطة فواكه
اليوم الثاني : تزيين الكب كيك
اليوم الثالث : سلطة خضار






جنى ريما حفصه



دانه خوله إيلاف



لبى السنعات اسم الله عليهم


★



2 - عمل الاكسسوارات ، للصغيرات أيضاً




★




3- عمل الديكوباج ، للكبار



سهل للي مروق ويبي يسويه
ماغير جيبوا الادوات الموضحه في الصوره
صمغ ومقياسه يكون (ثلاث ارباع مويه + ربع صمغ)
+ ورنيش + ريشه + مناديل سفره ملونه والا مايقوم بمقامها
وماننسى راس المال اللي راح تلزقون عليه
ياكرتون حلو شكله .. يا صحون ورق مثل بالصوره
او خذوا كرتون الثياب حق الدفه وهذولي
مثل اللي استخدمناه هنا




طبعاً نجيب الصمغ وندهنه بالريشه ع الكرتون ونبدا نلزق المناديل بشكل مرتب ونظيف
(وننتبه اننا لازم نشيل النصف الثاني من المنديل ، ونستخدم اللي عليه الوان فقط)
وبعد مانخلص منه كله ، نرشه بورنيش يعطيه لمعه
وكانت نتيجته جميله وسهلة .. استخدمناه لوضع الملفات داخله
وسلامتكم




★





دروة اللغه الانجليزيه
وبهالشهر هذا ، تخللها ايضاً عدة دورات ممتعه ومفيده
ومن بينها دورة اللغه الإنجليزيه للمستوى الأول مع الاستاذه منال الزامل
تعرفوا فيها ع الحروف والارقام الانجليزيه وبعض الكلمات البسيطه
وخصصنا يوم كل مااجتزنا مرحله نسوي فيه مسابقات وانشطه تدور على اللي اخذناه
وكان تفاعل الأمورات فيها جميل .. ياحلوووهم بس

إليكم بعض الصور



خوله



إيلاف دانه ريما خوله


من فوق
الجوهره أفياء أروى



إيلاف



















★




لقطات ومقتطفات من الحفل الختامي

تسلم يديات اللي معلقه هالفوانيس ع السقف


زوايا من الحفل



هدايا المشاركات
+
عيديات قبل رمضان والعيد




وبكذا نكون وصلنا لختام هذه التغطيه المتواضعه
ونعتذر عن جودة بعض الصور ، لكن شي بجوال وشي بكام وشي بجوال ثاني وهكذا


وقبل مااختم احب اقدم شُكري الكثير للإداره الجميله
وعلى راسهم المديره الفاضله أم أنس وأم رند
عسى الله يوووفقهم ويسعدهم دنيا وآخره


وشُكراً لكم أنتم ع تشريفكم الموضوع
والسلام عليكم =)

[العَربْ.]

-
وعليكم السلام ورحمة الله وبركاته , ماشاء الله, وش خلّيتوا وش خلّيتوا
صح متأخّر التنزيل لكن يشفع لكم نشاطات/ فعاليّات/ تغطية/ تجهيزات/ تنويع , كل حاجة حلوة بصدق , وبدون مُجاملة, تمنّيت لو أنّ الصور لم تنتهِ .
عساكم عالقوّه بكلّ عام, ونعم بالتويم وأهل التويم ()

[[م]]

المشاركة الأصلية كتبت بواسطة العَربْ.   - وعليكم السلام ورحمة الله وبركاته , ماشاء الله, وش خلّيتوا وش خلّيتوا صح متأخّر التنزيل لكن يشفع لكم نشاطات/ فعاليّات/ تغطية/ تجهيزات/ تنويع , كل حاجة حلوة بصدق , وبدون مُجاملة, تمنّيت لو أنّ الصور لم تنتهِ . عساكم عالقوّه بكلّ عام, ونعم بالتويم وأهل التويم ()

ولك تسلمين ياعيوني
قولي آميين ، الله يجبر خاطرك ع هالرد هههههههههههه
كلك ذوق يابعدي ، وماعليك زووود يالغلا
يسلملي هالمرور الجميل وصاحبته الأجمل

[سعود الخليل]

بارك الله فيكم وفي جهودكم ...

تقرير مميز وتغطية رائعه ونشاط لافت ..

[[م]]

المشاركة الأصلية كتبت بواسطة سعود الخليل   بارك الله فيكم وفي جهودكم ... تقرير مميز وتغطية رائعه ونشاط لافت ..

شكراً لك استاذ سعود على هذا الإطراء

حياك الله وبياك

[بسمة فرح]

بارك الله فيكم

[[م]]

المشاركة الأصلية كتبت بواسطة بسمة فرح   بارك الله فيكم

وفيك أختي

حياك ربي (F)

[ام القمر]

ماشاء الله تبارك الله
تغطيه جدا رااائعه واضحه في وجيه البنوتات
الله يسعدكم وعن النار يبعدكم

[قوتشي]

[همسة العاشق]

ياهلا ياهلا
وش ذآآآ الزيـــن والكشخه والحركات
ياملحهم تكفين
ما شا الله ,,, الله يخليهم لهاليهم
فعاليات واشيائات جميله جدا عساكم ع القوه دوم 3> 3>

[[م]]

المشاركة الأصلية كتبت بواسطة ام القمر   ماشاء الله تبارك الله تغطيه جدا رااائعه واضحه في وجيه البنوتات الله يسعدكم وعن النار يبعدكم

الروعه مرورك عزيزتي
وياك يارب ياكريم =)
تسلمين يالغلا

[[م]]

المشاركة الأصلية كتبت بواسطة قوتشي

تسلم، حياك ربي =)

[[م]]

المشاركة الأصلية كتبت بواسطة همسة العاشق   ياهلا ياهلا وش ذآآآ الزيـــن والكشخه والحركات ياملحهم تكفين ما شا الله ,,, الله يخليهم لهاليهم فعاليات واشيائات جميله جدا عساكم ع القوه دوم 3> 3>

هلا بك اكثرر
عنونك المليحه ياعومري ق1
نوورتي الموضوع ياحلوتي (L)

[أبو أنس]

لقطات رائعة وأنشطة جميلة

إبداااع يا دار الهدى

على تلكـ النشاطات الجميلة

وياليت تركزون أيضاً على إقامة مسابقات تنافسية بالحفظ والمراجعة

ووضعها هنااااا بالمنتدى

مشكورين ونبارك، لكم التميز

[[م]]

المشاركة الأصلية كتبت بواسطة أبو أنس   لقطات رائعة وأنشطة جميلة إبداااع يا دار الهدى على تلكـ النشاطات الجميلة وياليت تركزون أيضاً على إقامة مسابقات تنافسية بالحفظ والمراجعة ووضعها هنااااا بالمنتدى مشكورين ونبارك، لكم التميز

الشكر لك اخي ابو انس على ردك
وبالنسبه لمسابقات الحفظ ، كان فيه طبعاً للصغار والكبار
لكن مثل ماقلت في البدايه ، مو كل الانشطه نزلناها
ان شاء الله في المرات القادمه ، شُكراً لك =)