كبسة ( المقلوبة) لا تفوتكم بالصور !!!

[سعود الخليل]

وبعد غياب نعود لطرح الطبخات المميزة التي تعودنا على طبخها في الاستراحه بس هالمره عاد حركة جديده وهي المقلوبة او الرز بالخضار ...

أهم شي اعذورنا ترى التصوير بالجوال ولا تدققون على النظافة ولا على الحوسة اللي تشوفونها اهم شي الطعم وش رايكم فيه ؟؟؟

نبي رايكم بمجاملة يعني الصراحه ما نبيها لاننا كلناها وشبعنا والحمد لله وحد يقول بسير عليك واطبخ لي

نبدأ بالمقادير :
(اربع حبات بصل + نص كيلو كوسى + نص كيلو بيدجان وحبيتين دجاج مقطعه اثمان بدون سلخ ورز حسب الكمية المطلوبة بس يعني ما تبي شي على قولهم .. ايه نسيت الزيت علشان القلي )

اول شي نقطع البصل والكوسه والبيدجان شرايح :

هذا واحد ابلشني كل ما جيت اصور حط يده علشان تطلع ساعته !!!



ثمين نحمي الزيت ونبدأ بالقلي :





بعدين نسلق الرز ونجهزة بعدين نقوم بوضع قطع الدجاج المقلية وفوقها الخضار ثمين نحط الرز فوقها علشان ينشنش ( يعني تروح مويته مره ):







ثمين نقلب القدر فوق الصحن علشان يصير الرز تحت وفوقة الخضار ثمين الدجاج :



وبالهناء والعافيه

لحد يقول ما عرفت ترا مالكم عذر عرفتا يا شيخ شمر مهب كل يوم تصلح لنا رز مضغوط بس ؟!!

[عبدالعزيز]

راعي الاوله

الله يرجك اهم شي الطعم اجل خخخخخخ

والله كبسه مهبوووووله

لكن ابشر باللي يضبطها اذا جيت المره الجايه <<< بس مهوب تعلم اني عازمكم خخخخخخ

تسلم يمناك ياراعي الاوله على الصور الرائعه والكبسه الاروع

بالعافيه

[شريك المشاكس]

خل عنك الساعة حلوه >> يرفع من معنوياته


شغل رهيب وما عليه بس اهم شي ماجاكم مغص


الله يعطيك العافيه


والمره الجايه اعزمنا الله لا يسفهك >> قلط

[مشــاعر]

السلام عليكم ..

الصراحه فن..والله منتب سهل ..

يالله نبي شغل زين ..كل يوم طبخه..

يعطيك العافيه على تشريفك لقسم الطبخ..

تحيتي لك

[سعود الخليل]

شيخ شمر

حياك الله ودام انك عرفتا الطريقة فالله الله في الطبخ بس متى ؟!!

[فهد المنيع]

وش ذا المطاريس الله يحوم تسبد العدو -----------> انواع التحطيم هع هع


والله ياهي مقلوبه بعد انقلبت معها الصراحه ..


الله يخلف علينا اذا عزمتنا تجيب شيخ شمر يسوي لنا مضغوط كنه وجهه !!!




بالعافيه وسلمني على السلمي هع هع هع

[نــــــوفــــا]

راااااااعي الأوووووله




الله يعطيك العاااااااااااافيه لالالالالالاهنت




شكلهاااااااااااا حلووووو .. وجناااااااااااااااان كمااااااااان



ولو أن البصل كثيررررر شوئ




أما الباذنجااان سمعت عنه خبريه والله أعلم .. أنه ينشط الخلايا السرطااانيه ..




يعني إذا صـــــــــج أبتعدوووو عنــــــــــــــه ...




تقل حضوووووووووري مع خاااااااااااااالص شكررررررري




احترااااااااااامي لـــــــــــك

[يـــزيـــد]

السلام عليكم

وش ذا اليدين الي تخووووووولف

تقل كنهم طلاب عند مقصف هع هع هع

عشر طعشر نفر يطبخون مقلوبة ... والله يانتم مشافيــــــــح بعد


يييووووووووووييي

[سعود الخليل]

شريك المشاكس ...

هلابك وليتك تسير علينا وتشوف الكبسات والشغل النظيف ...

مهب اللي انت خابر ؟!!

[سعود الخليل]

مشاعر

حياك الله وش رايك عاد تراك مشرفة الطبخ ؟!

وترى الرجاجيل اذا اهتوو يطبخون أحس من الحريم >>> صدق الأخو !!!

[حمد]

هذي المقلوبه اللي يقولون ؟

ما شاء الله


بالهناء والعافيه

[عَندليب]

ماشاء الله عليك ياخوي

والله منتب سهل طبخ سنع





والله بصراحه شكلها حاااااااااااااااانطه




الله يعطيك العافيه

[زهرة]

ماشاء الله سنعين

بس لاحظت أنكم فارشين الطاوله بجريده شلها الله يرضى عليك

لانها لاتخلو من لفظ الجلاله فترفع عن الإمتهان

[مرهف]

طلع شغل العزوبية الانتيكه ...

بس عندي سؤال محيرني ::: وشي اللحيمات اللي مع الرز << عدم المؤاخذة يعني تراني أحسبها فطر


تحياتي يا راعي الأوله ...

في انتظار المزيـــد..


ميشو

[سعود الخليل]

حالم ليل

احمد ربك على النعمه ... انت ما تعودتا على هالحركات الله يصلحك ..!!!

ويبلغ ان شاء الله نقول للرجال انك تسلم عليه ..!!