رحلة سريلانكا 2007(راعي الاوله-المغترب-الهدوء)

[سعود الخليل]

السنايدي ...

هلابك والله .. وليتك جاي انت والرجال للديرة كان ابرك لكم من ابها ..!!!

[سعود الخليل]

السعبين ...

ياهلابك .. والله يسلمك من كل شر ...

ترى فيه سلاني موصيني لك .... يقول خله يسير علينا ..

[عبدالله الغانم]

مشرفنا القدير

راعي الأوله

حمداً لله على سلامتكم وعوداً حميداًلك ولمن معك" الهدوء , والمغترب"

رحلة رائعة بمناظرها الخلابة فقد أبدعتم في التصويروالتعليق و شوقتمونا

حتى تمنيناأنَا معكم , بس عسى ماتكلفتم؟

لكم مني أطيب تحية.

[سعود الخليل]

الجزء الثاني


اليوم الثاني في مدينة ( كاندي) طبعاً الإستيقاظ لازم يكون بدري .. الساعة خمس ونص تقريباً نصلي الفجر ثمين نزبط القهوة .. وبعدها الفطور << بوفيه مفتوح ولا ناكل الا بيض الباقي ما ندري وشو !!! .. المهم انطلقنا في الساعة السابعة صباحاً مع سواقنا (جانتي ) متوجهين لمدينة ( دمبولا) واللي تبعد عن مدينة (كاندي )90 كلم طبعاً بحسب سريلانكا تحتاج إلى ثلاث ساعات لقطع هالمسافة ... لكن الطريق كان ممتع جداً ..






زهور اللوتس

وصلنا إلى مدينة (دمبولا) واللي كان فيها اضخم بوذا في سريلانكا ولا دخلنا قالوا بفلوس قلنا مهب لازم :

طلعنا وواصلنا المشوار وكان الهدف هو الوصول للسفاري اللي هو الرحلات داخل الغابات .. ولما وصلنا كان الموقع ما يسوى المشوار وكان سفاريهم غالي مقارنه بسفاري مدينه (يالا)


فقررنا عدم الدخول فيه وتأجيل السفاري لمدينة ( يالا) رجعنا لمدينة كاندي ولفندقنا الجميل (ريجنسي ) وقلنا نفلها سباحة بلا سفاري بلا بطيخ ...

جلسنا في الفندق ويوم جا بعد صلاة العشاء قلنا نطلع للسوق ونشوف السوق ونتمشى فيه شوي .. قلنا نبي نجرب نركب في ( تكتوت) اللي هو دباب ابو ثلاث كفرات وش حليله ويوسع الصدر وطبعاً الأهم التجربه لان السواق جاهز .. رحنا للسوق الساعة 8.30 ولكن المفاجأه ان السوق كله مسكر !!! ويوم سألنا السواق قال ان الأسواق كلها تسكر الساعة 7!! قلنا افااا اجل رجعنا للفندق والشكوى لله .. ونوم..

في صباح اليوم التالي .. كانت الخطه السفر مغادرة مدينة( كاندي) والسفر إلى مدينة ( نوارإليا)

لقطة وداع لكاندي :



انطلقنا في الصباح الباكر مودعين مدينة (كاندي) الجميله وكانت المسافة 77 كلم مرينا في الطريق بعدد من الشلالات الجميلة :



طبعاً مدينة (نوار إليا) تعتبر مدينة باردة جداً وتشتهر بمزارع الشاي اللي توقفنا عندها :


ونوقفنا في احد مصاع الشاي واستمعنا إلى شرح من احد الموظفين عن طريقه صنع الشاي من القطف إلى التعليب والتوزيع ..




وشرينا منهم بعض الشاي :


ثم واصلنا المشوار لمدينة ( نوار إليا) وتفاجأنا صراحة بالبرد والمطر وكانت درجة الحرارة فيها 9 درجات تقريباً ..!!!وهذي صورة للمدينة والسحاب :



وصلنا إلى مقر إقامتنا في المدينة وهو فندق ( قراند هوتيل) وبصراحه فندق قديم شوي لكنه فخم ويعتبر الأفضل في المدينة :




وإلى لقاء في الجزء الثالث من الرحلة ...

[طالب علم]

ماشاء الله تبارك الله

اولا الحمدلله على السلامة يا مشرفنا الغالي

والحمدلله على سلامة الاخوين الهدوء والمغترب

تقرير اكثر من رائع

بالذات مزارع الشاي ليتك تفصل فيها <=== راعي شاهي

وسريلانكا تستاهل من يزورها

بس عسى الوضع هناك امان ولا فيه مشاكل من ناحية السرقة؟؟

الله يعطيك العافية

بانتظار الجزء الثالث

مشكور على جهدك يالغالي


سلام

[FATA--JALAJEL]

أخوووي راعي الأوله



آآسف على التأخير لأني ما رديت على الجزء الأول لأني مادريت الا اليوم عن المووضووع

لكن عندي تعليق بس على هذي الصورة هع هع





أنا جلست أناظر في الصورة تعجبت صراحة شوف كيف حجم الفيل وحجم اللي راكب عليه

فرق شاسع بقووة لكن الله يستر بس << بيصفقه راعي الأوله هع هع



مشكووووووووووووور على التغطية الأكثر من رائعة وصور صراحة خيالية وتصوير نظيف ما شاااء الله تبارك الله





بإنتظار الجزء الثالث




تقبل مروووووووووووووووووري






ولكم خالص تحيات





محبكم /






FATA--JALAJEL

[يـــزيـــد]

السلام عليكم

يامال العافية اخوي راعي الاولة على هـ التقرير الرائع

وبصراحة تسنها جازت لي سيريلانكا على الاقل نجيب شاهي >> منيب اقصد شي تراني ابداُ هع


الله يعافيك ياخوووي

[عبدالعزيز]

ياخي ليتك حاط صورة الفيل مره ثانية << ياشين البزران اذا عرفوا شي

تسلم يابعدي على التقرير الممتع

وننتظر الجزء القادم

[فيحاوي]

يامال العافيه تقرير ممتاز جداً

اجل مايبيله كلام قطع من ورق الشاهي وصلح اخضر >>>يبيك تختفي

والله يوسع صدوركم بالعافيه

وننتظر الجزء الثالث بالشاهي الاحمر هههههه

[مثل النخيل خلقت]

الحمد الله على سلامتك اخوي راعي الاوله انت والاخوين الهدوء والمغترب ..

تقرير رااائع ومميز ..

وبصراحه ماكنت اتوقع سيرلانكا بهالروعة ..

يعطيك العافية يالغالي على هالتقرير ..


وبانتظار الجزء الثالث ..

[فهد المنيع]

يعطيك العافيه

تقرير يوسع الصدر ..


تحياتي

[يتيم الحب?f112]

الحمدالله على السلامه وما شأ الله الصور في غاية الروعه

يعطيك العافيه

[الحازم]

[align=center]الحمد الله على السلامه أبو عبدالعزيز

شوقتنا لزياره سيرلانكا



ما أقول إلا الله يعطيك العافيه[/align]

[أمير سدير]

ماشاء الله تبارك الرحمن

جميل والله

بانتظار الجزء الثالث

[سعود الخليل]

استاذي عبدالله الغانم ..

حياك الله اخوي والله يسلمك من كل شر ..

الف شكر على تواصلك هنا ....