صينيه مكرونه على الفجر..‍‍‍!!!

[مشــاعر]

السلام عليكم..

هذي طريقة مكرونه تو سوتها اختي وقالت اكتبيها بالمنتدى لا وانتوا لاحظوا الوقت الي وستها فيه(( الفجر))..

بسم الله نبدأ..

هذي مكرونة لذيييييييييييييييييييييييييييييييييييييييييذة وسهلة وميزتها أن المكونات كلها متوفرة...

أول شي :
دجاجه مقطعة ثمان قطع بالجلد تسلق بماء وملح وبهارات وقرفة ...لمدة 15 دقيقة.


ثاني شي : (في قدر مستقل)
تحمري بصل ثم تضيفي عليه عصير طماطم وملح وبهارات ومرق ماجي وبعد ما يتسبك تضيفي اليه الدجاج وترخي النار على الأخيـــــــــــــــر.


ثالث شي:
تشوحي خضار مشكلة(مفرزة) في زيت مع بطاطس مكعبات مع فلفل أسود... وتضاف إلى الدجاج ويحرك ويترك 15 دقيقه على نار أقل من هاديه.


رابعا:
تصفى مرقة الدجاج وتسلق المكرونة بها إلى أن تنضج تماما ثم تصفى جيدا.


توضع المكرونة في صينية (زجاج) ثم الخلطة السابقة مع مراعاة أن يكون الدجاج مرتب في أعلى الصينية من الظاهر ثم تحمر من فوق فقط...

يمكن وضع زيت زيتون وعصير ليمون على الدجاج من فوق قبل التحمير


طعم ولا أحلى...

وان شاء الله تعجبكم..

[راعي الروضة]

[align=center]والله أن هالطبق جا في وقته !!


تدرين أني من بعد غداء أمس مابعد ذقت شيء


أول ناوي أتصبر ألين الساعة سبع ونصف أو ثمان عشان أفطر


بس هالحين يفتح الله أني بصبر بس وين بحصل مطعم فاتح فيه هالحزة ؟؟


الطموحة / ماقصرتي وبيض الله وجهك


وتسلمين على هذا الطبخ الحلو


سلامي للجميع[/align]

[بن جعيثن]

امممممممممممممممممممممممممممممممم ...

أشتهيتها وأنا توني مفطر ...

[جورية]

مع اني ما احب المكرونه بس مشكلة الصايم كل شي يتشهى

ووصف المزيونه ما ينصبر عنه

تسلم يدينك انتي واختك يا طموحة

[مرهف الإحساس]

الله

طبق شهي مررررررررررة

بس مادامكم سويتوه على الفجر فلازم انكم تسحرون للست


تحياااااااااااااتي لك طموحة

[مشــاعر]

السلام عليكم..


** راعي الروضه**


يالله ورني سنعك اخوي راعي وسوها لنا..

الله يسلمك..


ومشكور على مرورك ..


*****************
** بن جعيثن**


لالاتشتهيها اخاف تاكلها وتسمن وتخرب نظام اكلك..


مشكور على تعقيبك..
******************
** جوريه **


لييييييه؟؟ المكرونه من اكثر الاكلات الي افضلها انا,, والله انك غريبه.. صادقه والله الصايم كل شي ييشتهيه..


الله يسلمك حبيبتي..

ومشكوره على اطلاعك وتعليقك..

******************

** مرهف الاحساس**


لا والله مخلصين من الست .. بس الا وانت الصادق تونا قايمين من النوم وهذا الغدا والعشا حقنا ..


مشكور على تعقيبك اخوي مرهف..

تحيتي لكم

[miss sudeer]

اللــــــــــــــــــــه !!

والله اني جوعانه !
حرام عليك الطموحه ارسليلي قطعه










بس من جد يعطيك العافيه
وسلمي على اختك

[Computer GirL]

الله
أحلى شي في الأكلات المكرونة

يعطيك العافية الطموحة أنت وأختك

[مشــاعر]

السلام عليكم..

** ميس سدير**

ولايهمك الحين برسلها على البريد

الله يعافيك.. ويبلغ سلامك لها..

مشكوره حبيبتي على التعقيب..

*******************

** كمبيوتر قيرل**

ياهلا والله

وينك .. ؟؟ من طول الغيبات جاب الغنايم..

اي والله انك صادقه احلى شي في الاكلات المكرونه ..

الله يعافيك حبيبتي..

ومشكوره على مرورك..

تحيتي لكم

[فهد المنيع]

توه يذن الفجر بروح اسويها هع هع هع


الف شكر على الطبخة اللذيذة

[مشــاعر]

السلام عليكم..

ياحليلك ياحالم فاهم غلط من جد..!!
هههههههههه

مشكور اخوي حالم على التعقيب..

تحيتي لك

[المنتظر]

الطمووووحة

مشاركة حلووووه وجميله ولها طعم حلووووو هههههههه

أكله تستاهل منا الحضور والرد


والشرح جميل

تحياتي

.

[مشــاعر]

السلام عليكم..

** ظماي العوده **

ياهلا بك اخوي.. منور الموضوع ..

ليه ذايقها؟؟هههههههههههه والا طاب في بيتنا وماكل البواقي.؟؟

مشكور على مرورك الطريف..

تحيتي لك