كل عضو يصور سفرته !!

[مشــاعر]

ماشاء الله كثرت السفر..

والله بديت اغار منكم بس وش اسوي انا مااقوم الا وهو مأذن ومايمديني اصور ,,بس ان شاء الله انتظروني قريبا..



مع التحيه

[ذيب سدير]

مس سدير ..سقم سدير ..
والله مشالله عليكم ..لقطاات تشهي من جد ..وروعه في اخراج الصور

مس سدير .... وشو الي على اليمين الي كنه شلايخ بردقاان ..صرااحه اعجبني ودي بوحده

سقم سدير ..كنك داري اني راعي بطاطس ..لازم امرك وافطر عندك خخخخخخ
شكراااااا للجميع

[سعد القاسم]

ذيب سدير ازهله .... ابد عطني خبر بس..

سنبله ماحد طقتس على يدتس وقال ادخلي ..؟؟هع هع هع خخخ

سديارويه بانتظارتس بسرررعه

[فرفوشة]

نوض سدير
تراي من زمان احتري
حتى اني احتريت من كثر من أنا احتري

[فرفوشة]

ذيب سدير الله يعافيك
بعدين ترا زين الفطور لبن وتمر
لان كل الفوائد الغذائية فيها
<< تبي تواسيك
شوكرياتي

[فرفوشة]

وادي
مشكووور على مرورك
وننتظر سفرتك تكفى

[فرفوشة]

المنتظر
الشكر لك على مرورك
والقهوة بعد الصلاة
حيث القلطة الحلوة

بس وين سفرتك
يا ربيه ما حدن معربني
الا من رحم ربي
شوكرياتي

[فرفوشة]

سديراوية مزيونة
الحمد لله اخيرا شريتي كاميرا
يالله ننتظر الجمعة او الخميس
على راحتس يا عمري صورة صورتين اللي تيبن
اهم شي سفرة في رمضان

وبعدين وشي الدراسة اللي ذابحتس
وأنت غايبة الاسبوع ذا كله << ماهيب تفضح
آي آم وييييييييت !! ثانكيوه

[فرفوشة]

س ق م سدير
إيه هذا اللي أبيه من أول
وحنا نبيها كذا عالسريع
والله سفرة إنما إيييييه
يمكن تكفي لو تعزم الاعضاء كلهم
ما شالله تبارك الله
مشكووووور والله عالصورة
ويا هلا بك

[فرفوشة]

حبيبتي السنبلة
حلوة والله عدل مدل
يا عنيفة أنتي
تعالي وين سفرتس !!
عاد انتي ما أسامحتس
أنتي بالذات غيييير لازم تصورين
انتظرتس وشكرا على مرورتس

[ابو عبد العزيز]

الحق ما تلحق قبل ما يخلص الشهر الكريم اليكم سفرتي

[مشــاعر]

ماشاء الله لااله الا الله .. وش هالسفره .. السناعه كلللللها ماشاء الله

بدوا يدهرون ..

بس ترى سفرتي انا غير .. يعني كلها صحون بلاستيك .. مثلكم عارف غسل وسالفه وبيتنا مافيه الا خدامتين.. خخخخخخخخخخخخخخخخخخخخخ

انتظر بكره على احر من الجمر بوريكم سناعة السديراويه كيف؟

مع التحيه

[مـــداد الأمـــل]

ماشالله يابو عبد العزيز اكيد عندكم وحده مثلي تسوي كل هالخير >>واثقه
جعلها سفره دايمه بالصحه والعافيه ,, ,,


سديراويه /م يالله تراني انتظر سفرتكم , ولا ليش انتظر؟؟ ابجي افطر معكم بكرا ...بشوف سناعتك ,,

[ذيب سدير]

ابو عبدالعزيز ..
مشالله والله السفره الطيبه ..شكلك عازم راعي الاوله وحالم ليل وادي ابا المياه ..
يستاهلون ..الله يهنيكم ..

[أبو إبراهيم]

جعلها سفره دايمه ابو عبدالعزيز


ووش ذا ما شاء الله

لوها عندي ان كان ان كان معد افطر ولا اتسحر لمدة اسبوع >>>>>> ماقد شاف خير

وهي وحده من اثنين


يا ان العائله الكريمه مجتمعه وهم وكثار الله يحفظهم


او انك عازم بشريه


بتقولي كيف عرفت >>>>>>>>> مصدق ان كلامه صح


لان السفره


تحتوى على


1- من 10 الى 20 ملعقه

2- 4 جياك توت

3- الاكل كثير >>>>>>>>> طالعه من قلب