ياتسوقون مثل الاوادم ولا بعملها فضيحه !!

[راحله]

السلام عليكم ورحمة الله وبركاته


باختصار شديد ..

وقت خروج الطالبات .. زحام شديد .. شارع ضيق جدا ... باصات اطول من الشارع نفسه ..

الى الان والمشهد طبيعي ..

لكن ماهو ليس طبيعي ان نزيد الامر سوءا بتصرفات ٍ رعناء !!!

يقف امام المدرسه بسيارته الجمس فيغلق الطريق .. ينتظر بارونته ان تخرج .. وغير ذلك لايهم

الطريق متوقف بسببه لايهم ..

طابور من السيارات خلفه لاتهم ...

الاف الابواق المزعجه لاتهم ..

ارتباك طالبات ومدرسات.. وزحام عند الباب .. ورفعة ضغط وسكر بسببه

والمشهد يتكرر لعدة ايام ..


مازاد الطين بله .. مافي آدمي من الواقفين ينصحه ويكلمه ! مادري حضرته شخصيه سبشل ولا شسالفته !

كل مره اقول .. انطمي يابنت وتحملي .. منطمه عن امور اكبر جت على هذي يعني!


بس بصراحه اكثر من كذا مااتحمل .. ومحتاره بين حلين احلاهما ( مر)!!!

الحل الاول / ناويه انفجر بيوم واروح اكلمه بنفسي .. (( ياليت تكون جوالاتكم جاهزه وصوروا الفضيحه ))

الحل الثاني / بصور لكم لوحة السيارة وتفاهمو معه (( شنبات مع شنبات )


وعلى فكره .. حارس المدرسه لايحل ولايربط .. يعني انسوه


.

[راحله]

عارفين شقاهرني بالموضوع اكثر واكثر !

اقدر اعدل من الوضع منطقيا .. لكن على ارض الواقع راح اكون (( قليلة ادب))

بالله مو قهر !

.

[قلب الحوت]

خخخخخخخخخخخخ

عز الله انه قهر ...

اصلا عندنا دائما وابدا فوضى في الامكان اللي لها توقيت معين .

مثلا في رمضان صلاة التراويح او القيام يبي لكـ اكثر من نص ساعه عشان يتنظم السير .

وكله بسبب بعض الناس اللي ما في وجه دم ...معطل السير و هو يتسوق والا يقرأ قرآن الله يجزاه خير .

طيب جيت متأخر وقف بشكل غلط واطلع بعد الصلاة مباشرة لا تعطل المسلمين .

وكذلك المدارس ....يعطل السير بانتظار فلذة كبده تخرج اليه ولا يوم من الايام امرها بالاستعجال بالخروج وتحري
وقت وصوله بمجرد سماع الندا تخرج او بعد الاتصال .

والمصيبه تجدين بعض المدارس مشكورة اجتهدوا بوضع مسار لاخذ الطالبات يمر امام الباب مباشرة لتسهيل ذلك
على البنات او المدرسات ولكــن الاب او ولي الامر ينتظر طويلاً بالموقف ايضاَ .

نقاط كثيرة تثيرك وتجعلك تغضب وهي في الحقيقة لا تستحق كل ذلكـ لو كل رجل طبق النظام وجعل نفسه مكان المتضرر بحركته .

شكرا لك اختي .

وشدي حيلك واتخرجي وخلي المدرسه لهم <<< الله من زين الحل بعد

[راحله]

المشاركة الأصلية كتبت بواسطة قلب الحوت   خخخخخخخخخخخخ عز الله انه قهر ... اصلا عندنا دائما وابدا فوضى في الامكان اللي لها توقيت معين . مثلا في رمضان صلاة التراويح او القيام يبي لكـ اكثر من نص ساعه عشان يتنظم السير . وكله بسبب بعض الناس اللي ما في وجه دم ...معطل السير و هو يتسوق والا يقرأ قرآن الله يجزاه خير . طيب جيت متأخر وقف بشكل غلط واطلع بعد الصلاة مباشرة لا تعطل المسلمين . وكذلك المدارس ....يعطل السير بانتظار فلذة كبده تخرج اليه ولا يوم من الايام امرها بالاستعجال بالخروج وتحري وقت وصوله بمجرد سماع الندا تخرج او بعد الاتصال . والمصيبه تجدين بعض المدارس مشكورة اجتهدوا بوضع مسار لاخذ الطالبات يمر امام الباب مباشرة لتسهيل ذلك على البنات او المدرسات ولكــن الاب او ولي الامر ينتظر طويلاً بالموقف ايضاَ . نقاط كثيرة تثيرك وتجعلك تغضب وهي في الحقيقة لا تستحق كل ذلكـ لو كل رجل طبق النظام وجعل نفسه مكان المتضرر بحركته . شكرا لك اختي . وشدي حيلك واتخرجي وخلي المدرسه لهم <<< الله من زين الحل بعد

ابشرك ,, تخرجت منذ مبطي وصرت معلمه أد الدنيا

وبالنسبه للاتيكيت وفن التعامل ويالأخص في سديرنا العزيزة !!!

نحتاج ان نتعلمها كمنهج .. لعل وعسى ان تصلح ماأفسده الدهر !

عموما ..

انا انسانه بالغه راشده عاقله ... ليه مااأقدر اعدل الوضع ! ليييييييييييييييييه

.

[سعود الخليل]

كان الله في عونك ..!!!

فعلاً هي معاناة يومية ربما لم اشاهدها على ارض الواقع الا هذه الايام !! اعتقد ان هذا دور حارس المدرسة فلو قام مشكوراً بتنبيه لمره واحدة اتوقع بيكون فيه تجاوب ( طبعاًً من اللي يحترم الآخرين فقط )

[نواف بن ناصر]

حارس المدرسة وش يسوي الضعيف يحرس الباب والا يقابل السيارات

المفروض يكون فيه اهتمام من الدوريات الأمنية في التنظيم

الله يكون في العون بس


هذي المواقف كنت أشوفها من زمان وإلى الحين ما انحلت

بالتوفيق

[ولد عبدالعزيز]

والله الصراحة هذا يدل على أن الشخص عديم الثقافة ولا يحترم نفسه ولا الأخرين
فإذا كان لا يحترم نفسه فمن المتوقع أن لا يحترم الأخرين
لا كن كما قال الأخوان
يبقى دور الدوريات الأمنية فالحارس مشغول و المشغول لا يشغل
أما بالنسبة لمحادثة الرجل شخصيا فهي جيدة و مجدية
لكن ((وضع تحتها ألف خط))
إذا كان الشخص حمقي و سريع الإنفعال إياك ومناقشته
فإنك سوف تزيد الطين بله

[راحله]

المشاركة الأصلية كتبت بواسطة راعي الأوله   كان الله في عونك ..!!! فعلاً هي معاناة يومية ربما لم اشاهدها على ارض الواقع الا هذه الايام !! اعتقد ان هذا دور حارس المدرسة فلو قام مشكوراً بتنبيه لمره واحدة اتوقع بيكون فيه تجاوب ( طبعاًً من اللي يحترم الآخرين فقط )

الله يكون بعوني لأني انثى أو لصعوبة الموقف !

هلا بك سعادة المشرف


.

[راحله]

ما

المشاركة الأصلية كتبت بواسطة نواف بن ناصر   حارس المدرسة وش يسوي الضعيف يحرس الباب والا يقابل السيارات المفروض يكون فيه اهتمام من الدوريات الأمنية في التنظيم الله يكون في العون بس هذي المواقف كنت أشوفها من زمان وإلى الحين ما انحلت بالتوفيق

الكل يشتكي ولاادري الحل بيد من !


شكرا لك

.

[راحله]

المشاركة الأصلية كتبت بواسطة ميمو2008   والله الصراحة هذا يدل على أن الشخص عديم الثقافة ولا يحترم نفسه ولا الأخرين فإذا كان لا يحترم نفسه فمن المتوقع أن لا يحترم الأخرين لا كن كما قال الأخوان يبقى دور الدوريات الأمنية فالحارس مشغول و المشغول لا يشغل أما بالنسبة لمحادثة الرجل شخصيا فهي جيدة و مجدية لكن ((وضع تحتها ألف خط)) إذا كان الشخص حمقي و سريع الإنفعال إياك ومناقشته فإنك سوف تزيد الطين بله

معقول !!!!!!!!!


عطيتوني الضوء الآخضر؟ لا مااصدق

يعني اكلم رجال غريب واوقفه عند حده بحد ذاتها ماعندكم معها مشكله

لكن خايفين من ردة فعله بس ؟!!!

.

[ولد عبدالعزيز]

مو شرط أنتي تكلمينه
أختي الراحله
يكلمه بعض أولياء الأمور

[أبو يزيد]

لو كان عند كل مدرسة حارس آمن

يختص بتنظيم دخول وخروج الطالبات مع حارس المدرسة

وتنظيم السيارات و الباصات لكان أفضل

كان الله في عون الجميع

[فهد المنيع]

هذي سلمك الله اسمها الهمجية وهي مرض عضال مستشري في المجتمع وللاسف !!

والشخص المصاب بهذا المرض يعتقد ان على الناس ان يلغوا كل احاسيسهم وانفعالاتهم ومشاغلهم ليقضي هو حاجته .. ويعتقد ان ذلك من حقه !!

قلة الثقافة والتربية هي أحد الاسباب لمثل هذه التصرفات ..


الحل من وجهة نظري تعيين سكيورتي له زي خاص ويقوم بتنظيم السير ووقوف الباصات والسيارات الخاصة عند الدخول في الصباح والخروج ظهراً لان الحارس دوره حماية المدرسة وربط الداخل بالخارج واغلبهم كبار في السن ولا يستطيعون تأدية مهام اكبر من قدراتهم ..


واتمنى للجميع حياة بلا ضغوطات

[أموَآج الحَنِين]

الله يجل مثواك الجنه يا عمو مسفر

والله ما عمري عانيت بالدراسه من ذالناحيه


المتوسطه كنت اروح مشي


والثانوي كنت بباص تبع العمل

يجي بدري وبدون مشاكل اطلع ونروح

ومدري عن الزوبعه اللي تصير

الله يكون بعونك بالنسبه للرجال روحي لبنته قوليلها وهي تقول لابوها


عجبتني حياة بلا ضغوطات استاذ فهد

بس مستحيله
دمتي بخير
أمواج

[راحله]

ههااااااااااااااااااااااااااااااي


ههههههههههههههههههههههههههههههههه


صحيح شر البلية مايضحك !!


بطل قصتنا صاحب الجمس .. طلع من اصحاب النجوم !!!


بالله كيف نحلها هذي !!!!!!!!