لكل من يعرف خبرها يدخل بسررعة

[زمــن]

انتبهو من ذ المرهـ

سبق وان جت في مدينة تمير مرهـ وادعت ان والدهها مريض

واحتمال ان تكون نفس المراهـ

[ولد عبدالعزيز]

و الله علمي علمكم

[جوري سدير]

يؤ يؤ يؤ يؤ يؤ يؤ

حسبي الله عليهم

طيب اذا جت لاي احد منكم تتصلون على الشرطه و تخلون الشرطه تحقق معها

بس انا اتوقع وراها شئ

بس ماغير تسال البنات انتي كم عمرك ..؟؟ وباي صف ..؟؟ ... انا اتوقع انها تتعاآآمل مع رجاجيل

انتبهوا على بناآآتكم و اخوآآتكم منها

بس والله شكلها تروع

[وَدْقْ ,]

وش هذي الاآدميــه

دخلت علينا بعد


انا ماشفتها بس اهلي قالوه لي اشوى اني ماشفتها ياخذ شرها بلى


ماما يوم تسرد لي السالفه تقول حادث على طريق الزلفي الظاهر الا ابي اعرف وش دخل شرطة الحوطه ؟؟

تقول بعد ان شرطة الحوطة يستهزئون فيني . !

وان نفس الكلام بيجيني المغرب وتسئل عن اخواني واخواتي شدخلها ؟!!

من جد بروح اعلم اهلي واحذرهم واحذركم انتبهو لباب الشارع ولاتخلون اطفالكم يفتحون الباب الله يحفظنا ويستر علينا


ولو سمحت من الرجال كم شخص يتكرم يروح يشوف القضيه وش اهي الله يحفظنا ويحمينا ويكفينا شر من فيه شر


ولاتنسون الاذكار صباح ومساء ..

[وَدْقْ ,]

تذكــرت شئ ..

رآحت للروضـة ؟؟

وعسى ان شاء الله تقول لاهل الروضه احنا جيرآنــكم

اهي قالت احنا جيرآنــكم وداخله بكل عنف وحمآس

نصآبه مليون بالمــيه ..

الله يكفينا شرهآ يآرب ويبطل مكيدآتهــآ

..

[طالبة المعالي]

وعليكم السلام ورحمة الله وبركاته ..
المفروض يبلغ عنها حتى يتبين أمرها اٍن كانت صادقة فالحمدالله .. وهذا خير لها
فلن يقصر معها الجميع وسيتعاطفون معها .. واٍن كانت عكس ذلك فسيوقعها الله في شر أعمالها وتلقى جزاءها ..

فلا بد من التثبت والتحري ..
ونسأل الله ان يصلح أحوال العباد والبلاد ..

[مسئول]

وعليكم السلام ورحمة الله وبركاته

أتفق مع الاخت طالبه المعالي بأن يتصل على الشرطه وهم كفيلون بتحري الدقه .

كفانا الله شر الاشرار وجميع المسلمين .

[انتراوي]

الله يكفينا شرها إن كان فيها شر
اما عن سالفتها ماأعرفها

[التفائل]

يا جماعه حطوا لنا رقم نتصل على الشرطه أو الهيئة ... ونبلغه الناس لاجل يتصلون بالشرطه إذا طلعت من عندهم
والله عيب ديره كامله ما فيه أحد يترك لنا حل ، وأنا تركته
أمانه ارجوكم اللي أخوه أو أبوه أو عمه بالشرطه يقص له القصه ويترك رقم أو اعطونا رقم الأمارة نبلغهم ..
انا قلت مره في جمعه اللي تيجيهم اطلبوا اثبتات وقولوا لها تعالي غدا .. وقالت لناس خلاص اجيكم غدا العصر ورفضت تعطيهم وتدلهم مكان البيت أو أي رقم ولا جت من غد ، باين كذابه

[طير الهدد]

المشاركة الأصلية كتبت بواسطة التفائل   يا جماعه حطوا لنا رقم نتصل على الشرطه أو الهيئة ... ونبلغه الناس لاجل يتصلون بالشرطه إذا طلعت من عندهم والله عيب ديره كامله ما فيه أحد يترك لنا حل ، وأنا تركته أمانه ارجوكم اللي أخوه أو أبوه أو عمه بالشرطه يقص له القصه ويترك رقم أو اعطونا رقم الأمارة نبلغهم .. انا قلت مره في جمعه اللي تيجيهم اطلبوا اثبتات وقولوا لها تعالي غدا .. وقالت لناس خلاص اجيكم غدا العصر ورفضت تعطيهم وتدلهم مكان البيت أو أي رقم ولا جت من غد ، باين كذابه

طيب وقفت على رقم الشرطه 999يا جماعه ترى الموضوع شكله كبير تحركو بلغو عنها
والله العظيم لوني في سدير ان ما يردني الا الشرطه وش اللي قاعده تدخل بيوت المسلمين وتفزعهم وكل يوم والثاني وهي جايه بقصةالحادث مره الزلفي ومره جوي وريحتها دخان وابوها مجلوط يا جماعه تري الموضوع خطير بلغو عنها قبل لايصير شي لايحمد عقباه وسلالالالالالالالالالالالالالام

[اسيرة الصمت]

لا الاه الا الله
يمممممممه وش هاذي ماقد جتنا أشوا
بسم الله علينا
أول مرره أسمع عنها
الله يكفينا الشر
مشكورين عالتنبيه

[الودعانية]

الله يكفينا الشر

[سعود الموسى]

انتم تقولون انها تطري الشرطه والجمعيه معنها

ان الشرطه والجمعيه اللي مسكنتهم عندها خبر

ما في احد في المنتدى من رجال الشرطه او من الجمعيه يفيدنا
ان كان سمع بسالفتها


اواحد يسال الجمعيه عنها


ان كانوا ماعندهم خبر عنها فهيا كذابه ميه بي الميه

بس غلط سواء كانت صدقه اوكاذبه

ماتدخل البيت
لان للبيت حرمته
كان الامكان التكلم معها عند الباب
وبعدين من المفروض ان الاوراق تغني عن الكلام
ما معها صك اعصار
معنها كذابه
لان اللي عليهم ديه يطلعون لهم صك اعصار
الله يكفي الناس شرها

[أمجاد سدير]

الله يكفينا شرها واذاها وكل من فيه شر

والله يحفظنا واياكم من كل مكروووه

الحمد لله للحين مادلت دارنا