احذروا الملاهي النسائية

[شذى العبير]

السلام عليكم


اولآ أقرو وأحكمو وردو ..




رحنا للرياض .. وكنا مررررررره مستانسين لأننا بنروح لملاهي *******

من قدنا أول مره نروح لملاهي ******** لاونسائيه .......؟!!

رحنا للملاهي

تدرون وش شفت

بلالالالالالالالالالالالالالالالالالالالالالالالال الالالاوي

والله والله هذا شوف عيني


تقولون وش شفت


بنات لالا عيال والله بنات بأشكال عيال قهر وين الأنوثه

لاوشفت أشكال تروووع والله خلاعه من جد مفاصيح بلبسهم أعوذ بالله وين وين رايحين عرس
بناطيل غير شكل لاطمنت الوحده وش تشوفين لاصار البنطال ضيق ؟

وشفت أستغفر الله بنت ماسكه بنت مع خصرها كأنها



أخواتي وأخوتي مراح أقول لكم بعد وش صار أعوذ بالله لعبت أنا وأخواتي وحنا مرتبكين مررره والله من جد من جد يروعون وقلت أدب



امانه عليكم أمنعو بناتكم من هالملاهي الي كلها دشاره والله أحلف لكم حلف أنا شذى الي شفته والله والله مراح تصدقونه بنات هذوليك والى أولاد أعوذ بالله ولاحول ولاقوة الى بالله

صحيح الألعاب حلوه بس عندي ملاهي عوائل ابرك لي مليون مره من ملاهي دشاره اقصد نسائيه



امنتكم بالله تحلفون كل وحده راحت للملاهي هذي وأسألوها وش تشوف واذا ردت صح بتفهمون كلامي وبتصدقوني



أختكم منصحتكم شذى العبير

[مرهف الإحساس]

السلام عليكم خيتي شذى

بصراحة ما توقعت ********** بالانحلال هذا !!!

أكثر الملاهي محافظة في نظري هي ملاهي ( البراجون )

أما ملاهي ( ****** ) على ( ****** ) على ( ******* ) <<< الله يخلف بس !!! هذا كان سلموا الحريم بعد من

تصويرهم وهم لاهيات باللعب بكاميرا الجوال ...

المرسى مو شين بس انه ( غويلي ) شوي

شاكر لك أختي شذى غيرتك ونصيحتك الغالية النابعة من حرصك وخوفك على بنات المسلمين ...


تحيااااااااتي ،،،

[شذى العبير]

جزاك الله خير

( البراجون )

أول مره أسمع فيها بس ياحسره يالله بالموت حصلت ******** عشان احصل غيرها ..

[حنين سدير]

السلام عليكم

والله قهر ليش يسمحون انهم يدخلون , يخربون على غيرهم وبس

بس اخوي مرهف ألعاب البراجون ما تقارن ******* ابد

لكن من ترك شيئا لله عوضه الله خيرا منه

جزيت خيرا شذى العبير وبارك الله فيك

[ريناد]

مشكوره اختي عالنصيحه

انا عمري ماقد طبيتها ولله الحمد

تحيه

[miss sudeer]

الأماكن العامه تلاقين فيها جميع الأشكال (الصالح والطالح) يعني مو ********هي الوحيده اللي فيها هالاشكال عشان تحذرين الناس منها ..!

ستار ستي اهلها ناس محترمين ويخافون الله ويحاولون قدر الامكان منع العري من خلال الحارسات اللي عند البوبات يعني يلزمون الوحده تلبس طرحه او عبايتها اذا لابسه لبس غير لائق لكن اذا دخلوا المكان ممكن يشيلون العبايه وصعب يتحكمون فيهم ..

يعني بصراحه العنوان (((((( ************** ))))))) قوي ومايستاهل!!

[سديراوية]

والله تبون الصراحة !!!!

اي شي فيه حريم بس يطلع فيه غلط

والله عندي ملاهي العوائل احلى بكثير ..

على الأقل يكونون الحريم لابسين عبايات مو مفاصيخ

انا رحت ********** وشفت نفس البلاوي اللة شفتيها ..

بس بذمتكم .. ماتحسون ان الحريم اذا ماعليهم عبايات بمناطق مثل هذي

يكونون وصخاات مره ؟؟

والله انا لو يقولون لي تروحين ******** والا ******** ولا هالملاهي والا نوديك لملاهي عوائل اقول العوائل احسن

المشكله ان الأهل يودون بناتهم لها على اساس انه بس حريم .. لكن هناك تصير بلاوي ..

والمشكله اللى اكبر من كذا ..

ان بعض الناس يغصون بالماااي ويجرعون البعارين

يعني يقولون لا لا لا الحريم لحالهم والشباب لحااالهم .. وفي الأخير العاب ********** تطل على برى

واولها قطار الموت .. اللى البنات مااغير شعوور تهبهب بهالهوا وعلى الهااي وااي .


شي يضحك .... صح !!!!!!؟؟؟

[مشــاعر]

السلام عليكم..


انامره جت بنت كأنها ولد صقعت كتفي ..ومشت,, جت صديقتها الي وراها ومن نفس النمونه وقالت لي اعدلك اياه؟
انا في هالوقت متتتتتت خوف ,, ورحمني ربي معاي وحده متزوجه ,, والا كان رحت فيها,,
وترى على ماأظن كل ملاهي غير ******** فيه نفس الي قلته وقلتيه ,,

مشكوره على النصيحه ,,

تحيتي لك

[فهد المنيع]

هع هع هع هع هع هع

الله يستر كل شي مدحدر لكن ما يمنع من وجود ناس كويسين ..


شذى اعتقد الخلل ماهو من ********** الخلل من المجتمع لان اللي يروح *********** يروح ************ وغيرها ..

اول كانوا يقولون الخراب في جده والحين الرياض صار اردى منها

الله يهدي الجميع ..

[ياسمين]

السلام عليكم ورحمة الله وبركاته

اولا اشكرك اختي على غيرتك واشكرك على نصيحتك
انا رحت للملاهي هذي بس الشهاده لله انو فيه مفتشات على البوابه اللي لابسة عاري اولبس خليع مره يطلعونها براء والشيء هذ انا اشهد لهم فيه لاني واقفه على الشيء هذا بنفسي

غير كذا التفتيش بجهاز على جوالات الكاميراء واللي معها جوال يحطونه بصندوق حفظ الأمانات

ومثل مافي ناس منحطه في لبسهم فيه في المقابل ناس بالعكس مشاء الله محافظين

وهذا لا يمنع اخواتي اننا ناخذ الحيطة والحذر


تحياتي للجميع


ياسمينوو

[ياسمين]

السلام عليكم ورحمة الله وبركاته

اولا اشكرك اختي على غيرتك واشكرك على نصيحتك
انا رحت للملاهي هذي بس الشهاده لله انو فيه مفتشات على البوابه اللي لابسة عاري اولبس خليع مره يطلعونها براء والشيء هذ انا اشهد لهم فيه لاني واقفه على الشيء هذا بنفسي

غير كذا التفتيش بجهاز على جوالات الكاميراء واللي معها جوال يحطونه بصندوق حفظ الأمانات

ومثل مافي ناس منحطه في لبسهم فيه في المقابل ناس بالعكس مشاء الله محافظين

وهذا لا يمنع اخواتي اننا ناخذ الحيطة والحذر


تحياتي للجميع


ياسمينوو

[الصحراوية]

والله يا شذى مثل ماقالوا الاخوات والاخوان ,, كلش فيه الصالح والطالح ,, وبعدين الله واكبر يعني الحين **********,,هي البلوى,, اتمنى والله يوم واحد بس تجين لجامعتنا وتشوفين الشق والبعج اللي صاير ,,طبعا اللبس محكومين فيه لكن شوفي الاخلاق ,, والله رجاجيل يمشون في تنانير وبلايز ,, لدرجه اني والله احس اني لازم اتغطى عنهم اذا شفتهم,,مغير شاطرين علينا انحن الضعيفين ويلقطون جوالاتنا كل يوم,,وهالرجاجيل ماخذين راحتهم,, <<<داريه طلعت عن الموضوع بس حره في كبدي

وبعدين وواضح انك مو من سكان الرياض عشان كذا طارت بوهتك يوم رحتي للملاهي ,, بس والله هذا الوضع العام,,سواء ((ملاهي+اماكن الدراسه+الاسواق+المشاغل +كلش))

تحياااتي لك وشكرا على الموضوع.

[انين الجرح]

فعلا الخراب من اللي حولنا ترى هذي المناظر شفت منها كثير في الجامعه فعلا تقولين والد

فما بالك بالملاهي سمعت قصه صارت بملاهي مدينة الطائف دخلت وحده مقعده يدوفونها بالعربه

وهي داسه الجوال اللي بالكاميره تحتها طبعا فتشوها وعدت 00 واستغلت الفرصه تصور في بنات

خلق الله وفي اثناء تصويرها للبنات وهم يسبحون من فضل الله انتبهت لها وحده من الجالسين

بلغت الامن ومن غبائها رمت الجوال في البركه على بالها راح تتلف الصور وبفضل من الله حصلوا

على الجوال ووجدوا الصور واتلفت ضابطة الامن الذاكره امام الجميع 00

الحذر من الاماكن الخاصه بالنساءفهنااااك ضعيفات نفوس 00

انين الجرح00

[شذى العبير]

جزاكم الله خير



فعلا انا منيب من الرياض بس ولو ليش ديرتي فيها رب وديرتكم لا ؟
والى عندنا دين وعندكم دين غير

بعدين عادي يلبسون بناطيل ماقلت لا بس تكون البلوزه طويله مو سر البطن طالع والى الصدر والى الظهر ؟!!


*********************

بسم الله الرحمن الرحيم
الحمد لله وكفى ، وصلاة وسلاما على عبده المصطفى
أما بعد ..
فقد أنتشرت ظاهرة التعري وكشف النساء لمفاتنهن أمام غيرهن من النساء في مناسبات الأفراح وغيرها من التجمعات النسائيه ،ولاشك أن هذه عاده سيئه لاتقرها الشريعه ، وفيها من المفاسد مايلي

1ـ الوقوع فيم حرم الله عزوجل فإن إظهار المرأه مفاتنها أمام النساء يغري بعضهن ببعض ، وينشأ جراء ذالك كثير من العلاقات المحرمه ، أهونها : الأعجاب ، وقد أفتى العلماء بتحريمه وأخطرها الممارسه الجنسيه الشاذه
2ـ التشبه بالكافرات الفاجرات : ممن لاحياء عندهن ولادين ، فإن هذه الملابس الفاضحه ليست من لباس المسلمات الطائعات ، وانما هي صممت في بيوت الأزياء الغربيه بقصد الفتنه والأغراء والفساد ،وقد قال النبي صلى الله عليه وسلم " من تشبه بقوم فهو منهم "
3ـ خراب البيوت وتشتت الأبناء بسبب الطلاق : فقد تكون المرأه غافله عما يراد بها ، فتأتي بهذه الثياب العاريه ، فتأخذ راحتها في الضحك والرقص والغناء والتمايل ، بحجة أنها في وسط نساء ، ولاتدري المسكينه ــ ان كاميرات التصوير تسجل عليها كل حركاتها ، ثم تفاجأ هذه الضحيه بهذا الفيلم على النت او بالأسواق ، فتكون النهايه المؤلمه لعلاقه أسريه كريمه ، والسبب التجاوز في اللبس
4ـ الأصابه بالعين أو الحسد : فإن المرأه كلما كانت على حال معصيه ، بعيده عن ذكر الله عزوجل ، تمكن الأعداء من الجنس وألأنس من إيذائها ، ولذالك كثير ماتصاب المرأه في حفلات الأعراس بالعين والحسد ، وسبب ذلك هو رؤية العائن والحاسد لمفاتنها ، وتمنيها زوال النعمه عنها ، فتمرض وتذبل بعد هذه المناسبه مباشره .
5ـ التعرض للتهمه وسوء الظن : فإن الناس لاينظرون الى المرأه التي تتعرى وتتكشف بكبير أحترام ، بل أنهم يسيؤن بها الظن ، وربما أتهموها في سلوكها ونسجو حولها أقاويل ،فالسلامه لايعدلها شيء

في الختام
تذكري أختي قول الرسول صلى الله عليه وسلم :" صنفان من أهل النار لم أرهما " وذكر منهما نساء كاسيات عاريات ،مائلات مميلات ، رؤسهن كأسنمة البخت المائله لايدخلن الجنه ، ولايجدن ريحها "

[شريك المشاكس]

يا جماعة الله يخلي لنا الثمامة والمخططات الجديدة


في الليل اللمبات تشتغل ويالله من فضلك

إذا قعدتوا تحت طعس ووجهكم قبله جاك الهواء شمالي

ويالله من فضلك .. >> واحد ما له أمل في هالملاهي