فلسفة شاع ـــر ...!!!!

[خفوق إنسانة]

قالوا الشقا وشهو الشقا قلت الشقا .. ظلم السنين
( احد يمر ويتعبه ) !! ( واحديمر ويقهره ) !!

قالوا الحزن وشهو الحزن قلت الحزن .. دمعة وعين
احد ٍقوي .. ويصطبر .. واحدٍ تبلل محجره !!

قالوا الوفا .. وشهو الوفا قلت الوفا .. مسالم يدين
واللي يغدر فصاحبه .. عاد الليال بتغدره !!

قالوا الجفا وشهو الجفا قلت الجفا قسوة ولين
يما تغلى صاحبك .. يما ملقيك ظهره !!

قالوا الوصل وشهو الوصل قلت الوصل ماله وزين
يبري جروح ما برت .. والعفو عند المقدره

قالوا الامل وشهو الامل قلت الامل .. في نظرتين
احدن يحاول يكسبه .. واحدن يخاف ان يخسره !!

قالوا الرجاء وشهو الرجاء قلت الرجاء .. قلب حزين
يمشي على تراب الامل ,, ويخاف لا يسفى ثره !!

قالوا الوجيه اشهي الوجيه وقلت هي من جانبين
( وجه يزينه العفاف ) .. ( ووجه زين بمظهره ) !!

قالوا الحكي وشهو الحكي قلت الحكي .. ما بين بين
خير الحكي ما قل دل .. وزبدة القول ( ثمره )

قالوا الخجل وشهو الخجل قلت الخجل بالعام زين
( بس الخجل لا صار دون الحق .. ماله مغفره

قالوا الزمن وشهو الزمن قلت الزمن في ساعتين
ساعة طرب نفس وهوى وساعة خشوع وتذكره

قالوا الغلا وشهو الغلاقلت الغلا .. حب دفين
والحب لا قدهو حقيقه ودك انك تستره !!

قالوا الخطاوشهو الخطا قلت الخطا الله يعين
احدن ما لاخطاءه عذر واحدن ليا اخطاتعذره

قالوا المره وشهي المره .. قلت المره ضلع لدين
يبقى على طول آعوج .. من جاء يعدله كسره

قالوا الرجل وشهو الرجل قلت الرجل في حالتين
ابختصرها والذكي لا جاه حكيي فسره

( رجل سليط وكلمته ماهي تغدي لكلمتين
ورجل مع العالم رجل .. لكن مسيرته مره !! )


للشاع ــر المبدع / حمد البريدي

[بنت الاصول]

يعطيك العافيه غلاتي على انتقائك الرائع ..
ومهي غريبه على ابداعك الي في كل مرهـ نعجز عن وصفه ..
مانقول الا دمتي سالمه ودام قلمك لنا شامخا ..

[عذبة الصفات]

انتقاء رائع ومميز..
وبوحٌ رآقـي

لك كل الإحترام والتقدير

[نبـضهآ نــــآدر]

قالوا الغلا وشهو الغلاقلت الغلا .. حب دفين
والحب لا قدهو حقيقه ودك انك تستره

ذوق ذوق وربي شي
يعطيك العااافيه
موفقه حبيبتي

[عاصفة الصحراء]

قالوا الحزن وشهو الحزن قلت الحزن .. دمعة وعين
احد ٍقوي .. ويصطبر .. واحدٍ تبلل محجره !!

فديت اهل الذوق والله

صح لسان قايلها

وتسلم يمين اللي نقلها

ذوق رائع وابداع مستمر وذائقه شعريه اروع

تقبلي مروري

[خفوق إنسانة]

المشاركة الأصلية كتبت بواسطة منيره   يعطيك العافيه غلاتي على انتقائك الرائع .. ومهي غريبه على ابداعك الي في كل مرهـ نعجز عن وصفه .. مانقول الا دمتي سالمه ودام قلمك لنا شامخا ..

تشرفت بتواجدك يالغلا لاعدمت هالطله ...

[خفوق إنسانة]

المشاركة الأصلية كتبت بواسطة قمر الزامل   انتقاء رائع ومميز.. وبوحٌ رآقـي لك كل الإحترام والتقدير

الاروع طلتك يالغلا ...

[خفوق إنسانة]

المشاركة الأصلية كتبت بواسطة نبـضهآ نــــآدر   قالوا الغلا وشهو الغلاقلت الغلا .. حب دفين والحب لا قدهو حقيقه ودك انك تستره ذوق ذوق وربي شي يعطيك العااافيه موفقه حبيبتي

تسلمين ياقلبي ع المرور ..لاهنتِ

[خفوق إنسانة]

المشاركة الأصلية كتبت بواسطة عاصفة الصحراء   قالوا الحزن وشهو الحزن قلت الحزن .. دمعة وعين احد ٍقوي .. ويصطبر .. واحدٍ تبلل محجره !! فديت اهل الذوق والله صح لسان قايلها وتسلم يمين اللي نقلها ذوق رائع وابداع مستمر وذائقه شعريه اروع تقبلي مروري

تشرفت بطلتك اخي الكريم ..

[حُلُمٌ مُبَعْثَرْ]

ஐ رؤع ـ,ـه تسلمـ~ـين ஐ

[خفوق إنسانة]

الاروع طلتك يالغلا ..

[نــــــورهـ]

دائما مبدعه غلاي الخفوق ,,, وجميلة تلك الفلسفة

رعاك الله

[خفوق إنسانة]

لاتنسين انكِ احد ينابيع الابداع هنا ..
اسعدني مرورك سيدتي ..

[قلم صريح]

أنا أشهد أنها فلسفة رائعة ,
بس هذي مارضاها على أمي أو إختي ,

قالوا المره وشهي المره .. قلت المره ضلع لدين
يبقى على طول آعوج ..من جاء يعدله كسره

[خفوق إنسانة]

الشاعر كون هالبيت من الحديث اللي ذكر هالشي:
روى الإمام البخاري في صحيحه, أن النبي-صلى الله عليه وسلم- قال: "من كان يؤمن بالله واليوم الآخر فلا يؤذي جاره واستوصوا بالنساء خيرا ، فإنهن خلقن من ضلع ، وإن أعوج شيء في الضلع أعلاه ، فإن ذهبت تقيمه كسرته ، وإن تركته لم يزل أعوج ، فاستوصوا بالنساء خيرا "

تسلم ع المرور اخوي لاهنت ..