| من مذكرآت صبآي |

[وَدْقْ ,]

المشاركة الأصلية كتبت بواسطة قلم صريح   مره كان معنا شروخه من النوع اللي كان يجي منول , و علشان تعرفون قوته , نحطه تحت قوطي و نولعه ثم شوي الين القوطي طاير في السماء , المهم أنا ولعت الشرخ و جدعته , أحتريه يضرب أحتريه , أبطئ , قربت لمه و العيال يقولون لا لا تراه يخدعك , ماصبرت , خذته و أرفعته لثمي علشان اطفيه بلساني كان فيه ضو , أنا حطيته على لساني الا و ينفجر في وسط اثمي , مادري وش صرت اشوف زول العيال يركضون مادري وش خافوا منه و الدنيا تضرب و نين في راسي و الفطره هي بس اللي وجهتني لم بيتنا و لا لو جت على دبرتي كان يمكن اروح في حفرة و انا اصيح بونين و سكوت ثمن ونين وسكوت مدري من انا و ليش انا و يني فيه , رحت للبيت و لأمي صياح , ارتاعت الضعيفه و فتحت اثمي و قامت تطلع قرطاس كله دم , تقول بعدين أني اطلع القرطاس و أنا احسب اني اطلع لسانك متقطع . إستانسوا علي و تشمتوا ؟ يالله

وش هالشجاعه الاليمه ليه بس تحطه على لسانك وش هالشراسه الزايده ناوي تقلدني فالشهره
ماادري من تقلد مادري اضحك او اصيح ههههههههههههههههه
الحمدلله على السلامة زين جت سليمة وماختليت عقليا ولاغيره
انا امسك الصاروخ بيدي شجاعة زايدة الين انفقع بيدي والحمدلله جت سليمة .
وعلى طاري مادريت وينك فيه هههههههههه ذكرتني بموقف اليم
كنت راكبه دبا بانا وبنت خالي اهي تسوق وانا وراها متمسكه زين اقولها لاتسرعين
واهي تستعرض والمشكلة تسرع قلت وقفي ياويلك ماصدقتني تحسبني امزح
طحت من الدباب يمشي واهو يسحبني الين طحت مره جاني خدش بس الحمدلله جت سليمة
داخ راسي مادري ويني فيه قلت وين رجلي وينها قالوا وش رجلك قلت قصدي يدي ههههههههههههههههههه
واقصد جزماتي الله يكرمكم .

[قلم صريح]

المشاركة الأصلية كتبت بواسطة ||زخـآت المـطـر ||   وش هالشجاعه الاليمه ليه بس تحطه على لسانك وش هالشراسه الزايده ناوي تقلدني فالشهره ماادري من تقلد مادري اضحك او اصيح ههههههههههههههههه الحمدلله على السلامة زين جت سليمة وماختليت عقليا ولاغيره انا امسك الصاروخ بيدي شجاعة زايدة الين انفقع بيدي والحمدلله جت سليمة . وعلى طاري مادريت وينك فيه هههههههههه ذكرتني بموقف اليم كنت راكبه دبا بانا وبنت خالي اهي تسوق وانا وراها متمسكه زين اقولها لاتسرعين واهي تستعرض والمشكلة تسرع قلت وقفي ياويلك ماصدقتني تحسبني امزح طحت من الدباب يمشي واهو يسحبني الين طحت مره جاني خدش بس الحمدلله جت سليمة داخ راسي مادري ويني فيه قلت وين رجلي وينها قالوا وش رجلك قلت قصدي يدي ههههههههههههههههههه واقصد جزماتي الله يكرمكم .

ماكانت شجاعه الا بزران مايدري الواحد شيء اسمه مخاطره , بس تادبت و لا يومك اخاف من الشروخه حتى هالشروخه الخرقعيه حقت هالايام
و انتي سحبك دباب لكن لا يمكن تكونين اشهر من وحده من البنات كانت تلاحق الونيتات تعلق فيهم الين مره تعلقت في ونيت مار و العاده الونيت اذا وصل الشارع العام حاسب و وقف شوي يشوف فيه سيارات و لا لا
ثمن ننزل , هذاك ماحاسب و لا وقف و الظاهر انه شايفها متعلقه المجرم , قام و لف لفه بنفس السرعه و طار و ذي شوشتها طايره و تصارخ ماوقف , خافت يروح بها بعيد , طبت على الزفلت و تجرحت و تمشخت و جت تعرج و حنا ميتين عليها ضحك نتشمت فيها و نقول ساد عليك .
و الا تذكرت ذيك الايام و حلاوتها أقول ياشين الواحد اذا كبر