خذني معك .. من وين ما رحت .. وياك

[فقيدة امها]

خذني معك .. من وين ما رحت .. وياك
خذني بقلبك .. دام قلبي .. رهينك

صعبه ترى لو شفت .. وشلون ابسلاك
لو طفت هالعالم .. تراني سجينك

عذبتني .. واشقيت روح ٍ تمناك
لو الهوى ينطق .. وربي يدينك

مات الغلا .. ينزف على درب ذكراك
رغم الجفا .. لا زال .. يرجي حنينك

بعدك حياتي .. كلها ضيق .. وارباك
الواقع .. اللي .. ما تمناه .. عينك

كل المشاعر .. في غيابك .. تحراك
تصرخ عليك من الوله .. حيل .. وينك

مقدر على بـُـعدك .. حشى كيف فرقاك
هذي الحقيقة .. خلها .. في يقينك


ادري تساومني بروعة .. مزاياك
وتدري اضيع .. إليا بدالي .. جبينك

همك عذاب .. اللي نسى الناس .. لرضاك
وهمي اشوفك .. مهتني .. في سنينك

لو تطلب اسنين العمر .. من فداياك
سلمت لك عمري .. براحت .. يمينك

منك احتملت من الشقى فوق .. ما جاك
ذقت العناء والهم .. كني ..حزينك

يكفي .. دخيلك ( حس ) باللي ترجاك
لا عاش منهو .. يا حياتي .. يهينك

تعبت مالي .. بالهوى غير .. دنياك
مديت لك يمناي .. عطني .. يدينك

اعاهدك .. ببقى على الحب .. منساك
عهد ٍ قطعته .. بين قلبي .. وبينك

[صياد دمشق]

ماشاء الله ابيات جميلة جدا مشكورة يافقيدة امها والله يعطيكِ العافية وصح لسان قايلها

[فقيدة امها]

المشاركة الأصلية كتبت بواسطة صياد دمشق   ماشاء الله ابيات جميلة جدا مشكورة يافقيدة امها والله يعطيكِ العافية وصح لسان قايلها

الله يعافيك ويبارك في وقتك أخي الكريم صياد دمشق .

أشكرك على تواجدك الطيب والرائع في مواضيعي بارك الرحمن فيك

لك كل التقدير والاحترام أخي ..

[مقبل]

ادري تساومني بروعة .. مزاياك
وتدري اضيع .. إليا بدالي .. جبينك

^ الله الله
لاهنتي فقيدة والف شكر لك على مواضيعك
وصح لسان قايلها

[بنت الاصول]

[فقيدة امها]

المشاركة الأصلية كتبت بواسطة هآي تآليهآ   ادري تساومني بروعة .. مزاياك وتدري اضيع .. إليا بدالي .. جبينك ^ الله الله لاهنتي فقيدة والف شكر لك على مواضيعك وصح لسان قايلها

أنرت متصفحي بمرورك أخي الكريم هآي تآليهآ .

وشاكرة لك كرم حضورك العطر

لك تقدير ....

[الاميره ريما]

يعطيك العافيه حبيبتي لعى موضوعك الحلو مرره شعرك حلووو وااصلي في كتابت الاشعاار وربي يوفقك وجعل امك بجنات الفردوس الاعلي يارب