من روائع الحكم .. لشاعر سدير :ابراهيم بن مزيد

[نور الأصايل]

وهذه هي القصيده كامله تحمل في طياتها الكثير من الحكم



لقيت الناس مامنهم سلامـــــــه ***** لزومٍ يلحقك منهم ملامــــــــه


ولا تحسب حلالك ؛ لوتبيــــــده ***** يبي يحماك من هرج الفدامــه



بذرت الجود في من لاجزانــــي ***** سوى ذمٍ إلى هبت ولامــــــه


حقود القلب نقال الوشـــــــــــايا ***** هذورً سهمته نقل النمامـــــه


إلا منه طرى له ماطــــــرى له ***** تكلم مايثمن وش كلامـــــــــــه


يقوله يزعم إنه مازحٍ بـــــــــــه ***** وهو ينقض ويفتل في عدامه


دخيل الله من خطو السملـــــــق ***** إلى بالهيذوان أطلق لجامــــه


ألا ياليت ربي يوم ســــــــــــوى ***** عبيده حط للطيِّب علامـــــــه


على شان الذي بالناس جاهـــــل ***** يعرف الحر من برق الجهامه


لجل بالناس شيطانٍ ملبَّــــــــــس ***** ولو يلوي على راسه عمامه


يغرك بالسلام وبالتحفــــــــــــــي ***** وهو شيحٍ وجثجاثٍ طمامــه


مثل هذا: تحذر منه جـــــــــــــدا ***** ولا تدني منامك من منامــــه


وبعض الناس في ممشاه رافـض ***** يختل الناس في قل اهتمامــه


يحني لحيته كنه مطـــــــــــــــوع ***** ولايفرق حلاله من حرامـــه


حذارك لاتحطه له ظنينــــــــــــــه ***** ترى ذاك الطمع منه السلامه


وبعض الناس يبدي لك نصيحــــه ***** ولكن ماتعرفه وش مرامـــه


وهو ما مقصده نصحٍ ؛ ولكــــــن ***** يبي يلبسك للحاجة خطامـــه


وإلى منه قضى بك مايريــــــــــده ***** أخذ سدك وضربك المهامـه


وبعض الناس يوريك المحبـــــــــه ***** وارق من البريسم في تمامه


إلى قام يتمسكن بالتلفــــــــــــــــظ ***** تقول أطهر وأصح من الحمامه


وهو بولة حمارٍ -عــــــــــزك الله- ***** ينجس من مشى حوله رشامه


وبعض الناس محمود السجـــــــايا ***** رقى العليا بعزمه والتزامـــــه


إلى منه بدى لك فيـــــــــــــــه لازم ***** قضى لازمك ماثمن حطامــــه


كما إنه وافيٍ في كل خصلــــــــــــه ***** عريب الجد خيلانه عمامــــه


أسال الله يرفع كل خيِّــــــــــــــــــر ***** عن الخذلان لايهفي مقامـــــه


قضا نحبي ومالاق بضميـــــــــــري ***** حلات القيل مبداته ختامــــــه


أقول الناس مشكاهــــــــــم على الله ***** لزومٍ يلحقك منهم ملامـــــــه

[اسير الأسطر]

صحح لسآنكك. .يامرآقبنا نور الأصايل
ورحم الله قآئلها
آبدآآع آبدآآع. .
وطرح مفيد
آستمر لآتتوقف بطرحآتكك آلجميله.
ودمت بخير وعافيه

[مذهل]

وبعض الناس يبدي لك نصيحــــه ***** ولكن ماتعرفه وش مرامـــه
وهو ما مقصده نصحٍ ؛ ولكــــــن ***** يبي يلبسك للحاجة خطامـــه
وإلى منه قضى بك مايريــــــــــده ***** أخذ سدك وضربك المهامـه
وبعض الناس يوريك المحبـــــــــه ***** وارق من البريسم في تمامه
إلى قام يتمسكن بالتلفــــــــــــــــظ ***** تقول أطهر وأصح من الحمامه
وهو بولة حمارٍ -عــــــــــزك الله- ***** ينجس من مشى حوله رشامه

صح لسانك يابوابراهيم ابيات جميله
سلمت الايادي ياحبيبي على الطرح
ولك تحياتي وفالك طييييييييب

[بقايا الذكريات]

قصيده كلها عبر ومواعظ تحيي القلوب عن بعض الاخطاء


دمت اخي نور وسلمت يمناك

[نور الأصايل]

المشاركة الأصلية كتبت بواسطة اسير الأسطر   صحح لسآنكك. .يامرآقبنا نور الأصايل ورحم الله قآئلها آبدآآع آبدآآع. . وطرح مفيد آستمر لآتتوقف بطرحآتكك آلجميله. ودمت بخير وعافيه

شكرا لك أخي العزيز
وأشكر كلماتك الطيبة
وشاعرنا ابراهيم ابن مزيد شاعر علم
ويمتاز شعره بالحكمة والنصح