زوجة ترفض ان ينزل زوجها الواتس اب

[بقايا الذكريات]

قصيده زوجة رافضه بتاتا بان يكون لزوجه واتس اب
قصيـــدة زوجه رافضه بتاتا بأن يكون لزوجها واتس اب من غيرتها الشديده له
فقــالت:
والله وأنا بنت الرجال المشاكيل
ماتحط الواتس اب ياسعود عندي

ماني مثل باقي الحريم المهابيل
رجالـها لآراح مــرواح جدي

(نوكيا) ماعذرب كثير الرياجيل
ألو تكفي كان تبغى مـــردي

ماتنفع المــوضه وكثر الأقاويل
وش فادت الموضه جدك وجدي

ياسعود ذي والله سوات المهابيل
وان مانفع قولي طلاقي بيدي

والله وانا بنت الرجال المشاكيل
ماتشغل الواتس اب ياسعود عندي
رد الزوج

والله وانا سعود راعي المعاميل
لانزل الواتس اب وانتي بحدي

ماهمني وان قيل عنا مهابيل
هذا تطور وانتي يابنت هدي

نوكيا ماضي وأبل طور الجيل
امشي مع الاي فون كني افندي

دايم يونسني مع تالي الليل
وقصر علي صوته وجيبه لخدي

لاصرت جالس والبشر دمها ثقيل
عودت للي يوم ما صار ضدي

اضحك معه ويجر عندي مواويل
ويوصل الاخبار لحد عندي

تطوري وادخلي مع تالي الجيل
وخلي السوالف لا تزيدين التحدي

منقوول

[بقايا الذكريات]

بما ان ما اطرح في هذا القسم لا يروق لكم كما ارى اطالب بعدم الرد على هذه القصيده وستكون اخر ما اضع لكم في هذا القسم