3 من أعضاء المنتدى مطلوبين أمنياً - الصفحة 2

دكتور المنتدى · 20-01-2006, 03:23 AM

انحش...طلع اسمي من المطلوبين

لي عودة لقصتك...بعد ما امخمخها...بس اصبر علي

خليني اشوف وش اخرتها

هرمنا · 20-01-2006, 04:29 AM

والله يا انا خااااش جو في القصة

بس عاد لا تبطي انت وكشرتك <<<<يمون

لا زلنا في وضع الاحتراء <<<< احترى يحتري احتراء

المنتخي · 20-01-2006, 11:38 PM

الجزء الخامس والأخير >> يعني مافي شي بعده >> ليه تعاملنا مثل الهنود

ويفتح التابوت

ويطلع فعلا واحد ميت بس لابس بدله >> استغفر الله تقل ضامن الجنة جاي كاشخ
دختور: الله ياخذك يا السبعين بالله هذا جد السبعين نعلبو ابليسه ما قد لفحته الشمس
جنون: هاه صدقت يا العسكري انه ميت
العسكري: أبك أنطم دقيزه

شوي والعسكري بدأ يفتش الميت ويفتش بطريقة مافيها أخلاق أبد المهم ويلقى في جيب صرواله الداخلي شي !
ويطلع كيسة بيضا مربعة الشكل >> اهب في وضع محرج ويعرف يوصف
أنا: الله ياخذك يا بخيل حتى السكر تبي تدخله تهريب لانه ارخص
العسكري: لا يا حلو مهب سكر
جنون: أفا والله تهرب بودرة نيدو
العسكري: لا يا بقرة مهب نيدو
دختور: افا افا فشلت سدير قاعد تهرب دقيق
أنا : لا يا تراب مهب دقيق
العسكري: هذا مخدرات
جنون: وشو ؟
العسكري: مخدرات
دكتور: وش المخدرات
العسكري: مدري بس مخدرات
أنا: لا يهمكم شباب بيجون ربعنا ويسوون طلق نار>> متاثر بالأفلام

المهم ما امدانا نهرج ونسولف الا وهم تالينا مع رقبتنا

وسيده على التوقيف

وخذ تحقيق وما تحقيق

عاد أنا

من أول سؤال وكف نكبت السبعين>> يا روح ما بعدك روح

وجابوه من مقفاه

المهم

كان الحكم بيصدر سجن سنتين ويمكن يشملنا العفو وناخذها تابيده

بس ماش خون فينا القاضي

وخلانا اعدام علشان يستادبون الناس

المهم ويجبونا في الصفاة

واقول لهم : يا جماعه ما يحتاج تصوير وبلوتوث

ويجيك العسكري قدامي ويقول: شف انا رحمتك ياخي وش رايك من نبدأ فيه
أنا: والله ياخي مادامك راحمني ابدأ بالسبعين ولا تشاور ثم تييمن على جنون الي اقوله لاتسمع كلامه ونكبنا ، ثم تييسر وعليك في دكتور وقبل ما تذبحونه دبجوه شوي ما غير يدربي هالراس ما عنده ماعند جدتي ثم عاد قد أنكم تعبتو خلوني لبكره كود المنتخب يتأهل والا يفوز الهلال ويسوون عفو >> يا زين الاحلام زيناه

شوي

الا السياف ما يقدر يجي

وجنون جاه انهيار عصبي: اذبحونا ياخي حرام تعلقونا كذا >> كنك خروفنا يوم العيد

وما عاقت مع العسكر

ويجيبون حبل المشنقة >> زارفينها من خيمة واحد من الشباب

وبدو بالسبعين وماغير يدودل بهالحبل يا أني قعدت أضحك عليه >> ميت احساسه

وجنون ما يحتاج مات قبل ما يشنقونه

ودكتور طويييييل ما لقوا له شي يرفعونه فأجلوه بكره

ويوم جو عندي

وما غير اصيح اصييييييييح

وشوي الا وجنون يدبجني

هه ؟؟ هماك ميت ؟
جنون: وش ميته الله ياخذ هالراس لا والله حاله شكل هذا جنيك بسم الله
دكتور: قم بسم الله عليك

أنا: وشو وشو >> سديراوي اصيل
جنون: بسم الله عليك طحت من فوق السور وأنت تزين الدش وزنطك السلك
أنا: أي دش >> نسى الموضوع
دكتور: الدش الي خرب >> رجاء أنظر الحلقة الأولى قبل ما يجي السبعين علشان تعرف

أنا: بسم الله الرحمن الرحيم الحمد لله اني عايش ، والله لأصلي زين ولا أهرب شي ما شيات >> نعلبو البراءه يا شيخ الموت حار

شوي

إلا وجرس الاستراحة يدق ؟!

ويطلع السبعين !

أنا: خير ؟
السبعين: بالله ذا أسلوب ترحب فيه ؟

كااااااات >> المخرج >> للحين ما مات خخخخخخخخخخخخخخ

السبعين: وش فيك ؟
أنا: هيييييه لا تسمعون كلامه هذا مخدرات وراعي شرب من يوم شفت خشمك الكبير كنه خشم يهودي وانا اقول انه راعي شم
دختور: يا رجال تعوذ من ابليس هذا خوينا السبعين وش مخدراته هذا اذا شاف البكت قام يكح
جنون: من يوم دبجت من السور وانت منتب مضبوط
أنا: والله يمكن
السبعين: الله يرجكم بس المهم جايب لكم مشروع
أنا: يكسبكم ذهب
السبعين: ايه
أنا: في الأردن ودخل السيارة ومدري وشو وشغل أنا البرادعي
السبعين : ايييه
جنون: ياخي أذا انت شايف الفلم اسكت ترانا ما شفنا >> دلاخه
دكتور: خلنا نشوف الموضوع >> انهم لا يعرفون شيئاَ >> امش يالفصيح
السبعين: ياخي هذا جدي
أنا: جدك سبعينوه الي مات الله يمحاك معاه تبي تدخل السعوديه معصي والله منيب رايح
السبعين: اصبر اصبر يعني أنت تدري؟
أنا: أيه ادري؟
السبعين : يعني منتب رايح
أنا: منيب رايح
السبعين: زين اجل منتب ماخذ من الورث
أنا: أي ورث واي كوكائين؟>> يحسب الورث يقرب للهروين
السبعين: جدي سبعينوه موصي أن الي يدفنونه ويجيبونه من الاردن يعطون فلوس وانت تخبر جدي ملياردير .. هاااااع رح في بيتكم ما راح ياخذ هالملايين الا جنون ودكتور المنتدى
أنا: وشو ملا يين ؟؟
ما اتفقنا على كذا ؟؟ لعب علي المخرج ،

النهاية
ذي أند

ما يستفاد من القصة:

1ـ لا تحطون دشوش ابد على السور ، وترى يمدحون دش المجد على تردد نايل سات
2ـ من اليوم وش اليوم من الحين تروح وتشفر قناة الجزيرة ، اها عاد بلا حركات نص كم
3- لا تماشي اكبرمنك ترى يوديك في داهيه
4 ـ لا لا لا لا لا تاكل شي مكشوف يمكن بوه حشرات

مشكورين يا حبايب على الوقت الحلو الي عطيتوني أياه

نشوفكم على خير

المنتخي · 21-01-2006, 01:24 AM

اها يا سديراوي اصيل وتايوان
ارتحتو >> رفعوا ضغطه

يالله

اسفهلوا بالقصه ولا تنسوني من الردود هاه تراني مشكلتي ازعل بسرعه

سمسومه · 21-01-2006, 08:45 AM

نهاية مأساويه <<< أموووت في الأسلوب

شكل حظك أقشر وأخيرا لقيت أحد أردى من حظي خخخخخخ

تسلم على هالقصه والله يعظم أجر أبطال قصتك حالتهم صعبه !!

لا تحرمنا من هالقصص

ولاتمطط خشتك ترى ماأحدن داري عن زعلك <<<< متليعه خخخخخخخ

سلااااااامي

هرمنا · 24-01-2006, 10:05 PM

والله العظيم ابدااااااااااااع ورججججججججججججججججججة

قسم بالله دمعت عيوني من الضحك