حمولتي بيسيرون ساعدوني!!

[فرفوشة]

أقول عندي لتس حلى مهبوووول
لأان كل من أكله انهبل عليه
وكل من يحسبه جاهز

سهل مرة وبسيط ولا يآخذ وقت
جربيه والله ما تندمين

في ذا
http://www.sudeer.com/vb/showthread.php?t=21622&page=1

والله يعينتس

[مشــاعر]

السلام عليكم..

هلا اختي سمسومه..

انااقولك وش تسوين ..

اذا تبين حلى روحي لاوبرا عندهم اشياء رووعه ولذيذه وكيلو الكاكاو المغلف ب90 ريال,. ..
والفطاير عندك محل الهدلق هذا عنده انواع واشكال الفطاير الغريبه واللذيذه في نفس الوقت ,,
وفيه وحده اسمها الجوهره توصل لك طلبات للحلى والفطاير ,, بس وش الحلى الي تسويه ووش الفطاير؟؟ شييييي فضيييييييييع .. اذا تبين رقمها ارسلت لك اياه على الخاص.. وخذي بكلامي ..ان ماانهبلوا عليه مااكون مشاعر..
والعصيرات عندك محل اسمه كوكبة العصائر بعد عصيراتهم مره لذيذه ,,

وترى كل الي قلت لك عندهم هذولا احنا جبنا منهم في زواج اختي ,, وكان كل الي جبناه مميز مرررررره

واذا تبين تسوين في البيت .. عندك حلويات كثيره انا منزلتها في القسم وانا مصلحتهم يعني مو منقولات.. اذا تبينهم سويهم..


بس خذي بنصيحتي وان شاء الله ينال على رضاهم..

تحيتي لك

[حكي ظهري]

مساء الخير حبيبتي بالنسبة للفطائر عندك روز اللي في مخرج عشرة وفيه عند لافندر بسكويت رائع وغريب للشاهي للقهوة فيه وحدة اسمها هدى عندها حلى وفطاير خيال وبيتها في التخصصي وبالنسبة للعصير قدميه في البداية ومالازم شي معه وإذا تبين حركة حلوة قدمي لهم أخر شي قهوة فرنسية وسلامتك

[فرفوشة]

شكلهم سيروا عليها وخلصوا

وأتوقع سمسومة الحين نامت من التعب

بشرينا وش سويتي ؟

[يـــزيـــد]

نوع التمـــــــــــــــــــر

خلاص >>> بس ياليت مكنوز زين مهب حق مصنع خرااااااااابيط

[صقر باهله]

ايه ايه اللي على طريق خريص

<== بدري

والله اسف بس توني انتبه للرد وانا اخوك

[بدر]

والله شي يثلج الصدر
كل حقين المنتدى مشاركين وفازعين لك
وهذا مب غريب عليهم
بس ياكثر غثاكم يالحريم الله يعينكم
لو اني بنت ابشري بالمساعدة
ومنزل مبارك انشالله

[الصحراوية]

خخخخخخخخخخخخخخخخخخخ والله وطلعت السناعه خيتو سمسومه ,,الله يصلحس ,, ها الاشياء يبيلها سؤال!! ,,وبعدين وش هالرسميه مع حمولتس حشا صار عرس مو اهل رجل بيسيرون

وبعدين تعالي عساس جبتي عشى يبيض الوجه مو حركات حلى قهوة وشاهي ووخروا عند درب سمسومه ,,والعشاء الله بالخير..

والله ودي احط لس جدول با الاشياء اللي تبينها بس شكل عزيمتكم قضت


تحيااااااااااااااتي لك اختي الغاليه واسفه والله على مزحي ان كانه جرحك ومواااااااه,,بس مدري ليه احب امزح معس واجد

<<<سمسومه والصحراوية



همسه

لا اعتقد ان احدآ منكم يرضيه يكون محل استهزاء وسخريه لشي خارج عن ارادته!!
فل يكن الاحترام هو اساس العلاقة بيننا ..وشكرآ .

[سمسومه]

آســــفه على تأخر الردود لظروف صحيه

وبأعلمكم إن الحموله مابعد جو يمكن يجوني الخميس أو الجمعه نهاية هالأسبوع أو نهاية الأسبوع الجاي

[سمسومه]

مرحبا مون سدير

مدري عن حلويات النافورة أنا أخبر المطعم اللي بالملز حلو ومن زمان كانوا يسون لنا البوفيهات في العزايم

ولكن بأجربه إن شاء الله

وتسلمين يالغاليه ماقصرتي والله يحييك إذا جو ....

[سمسومه]

بسمة سدير

شكرا على التوضيح

[سمسومه]

هلا وغلا بفرفوشه

جاري شوف الحلا وإن شاء الله أجربه ويضبط

وتسلمين عالفزعه

[سمسومه]

مرحباً مشاعر

اذا تبين حلى روحي لاوبرا عندهم اشياء رووعه ولذيذه وكيلو الكاكاو المغلف ب90 ريال

سين سؤال : فيه أوبرا في الشمال؟؟ أنا أخبر اللي في البديعه بس؟

والفطاير عندك محل الهدلق هذا عنده انواع واشكال الفطاير الغريبه واللذيذه في نفس الوقت ,,
تقصدين الللي بحي المروج؟؟

وفيه وحده اسمها الجوهره توصل لك طلبات للحلى والفطاير ,, بس وش الحلى الي تسويه ووش الفطاير؟؟ شييييي فضيييييييييع .. اذا تبين رقمها ارسلت لك اياه على الخاص.. وخذي بكلامي ..ان ماانهبلوا عليه مااكون مشاعر..

هل هي بنت الربيعه؟؟
لأن 2 من بنات الربيعه يسوون معجنات خيااااال مره بس مدري عندهم حلا أو لا؟؟
ولاهنتي أرسلي الرقم على الخاص .....

والعصيرات عندك محل اسمه كوكبة العصائر بعد عصيراتهم مره لذيذه ,,

إيه اللي يكتبون الأسامي على الكاس!!!

والظاهر إنه في البديعه .. صح؟

أبشرتس تراه حق ولد خالة صديقتي

واذا تبين تسوين في البيت .. عندك حلويات كثيره انا منزلتها في القسم وانا مصلحتهم يعني مو منقولات..
اذا تبينهم سويهم..

ودي والله أسوي بس أحس إني تعبانه شوي هالأيام لكن إن شفت لي خلق لاتوصين حريص أكيد بأبصبص عليها

وتسلمين ياقليبي ماقصرتي نشميه بنت نشاما

[مشــاعر]

السلام عليكم..

ايه فيه في الشمال,, في حي المغرزات..

والهدلق ايه نعم الي بالمروج,,

والله ماادري وش اسمها بالضبط ,, بس دايم حلاها يسمونه حلا الجوهره .. والرقم ان شاء الله برسله على الخاص..

ايه هو الي يكتبون الاسامي.. بس مرررره خطير ,و عصيراتهم الوانها فضيعه .. يوم زواج اختي جايبين تركواز,, وكاتبين عليهم بالاحمر,, بس طريقتهم راااائعه..

هو هذا العله ان اذا كنتي منتب فاضيه .. لا وبيجونك ناس كثيرين ..يعني بتتعبين .. الاحسن تشترين جاهز..

وفيه وحده تجيب لك الشعبيات مررررره خطيره اسمها ام بندر,, اذا تبين تعشينهم ,, والرقم اذا تبينه ارسله على الخاص..

واي شي انا بالخدمه

تحيتي لك