إلى متى ؟؟!! طولت الدعوى !!!

[سعود الخليل]

السلام عليكم ورحمة الله وبركاته ....
يا جماعة ما صارت هذي يعني لو نزول تصحيحي قلنا معليش او جنى أرباح ... لكن الدعوى طولت السوق كل يوم أحمر في أحمر ؟؟!!

وش السبب الحقيقي هل هو زعل من الهوامير كما نسمع بسبب الخمسه في الميه ؟! ولا وش المشكله ومتى نتوقع رجوع السوق كما كان ؟؟!!

[حمد]

اللي قال السبب تم ايقافه ويقول ان السبب هو
1- هيئة سوق المال
2- مؤسسة النقد
3- البنوك

ومن ناحية مطوله

راقب المؤشر عند 16800 بإذن الله بعدها راح يصحل ارتداد

[الوحش]

[align=center]من مصادري الخاصة

السبب الحقيقي هل هو زعل من الهوامير

ولاكن ليس بسبب الخمسة في الميه بل لأيقاف بعض الهوامير في السوق

والهوامير يقولون للهيئة أنضبطوا معنا ولا مؤشركم تبون تلقونه على الخمسة الآف نقطة

وأشبعوا بسوقكم ونبي نروح لاسواق أخرى .

والله لايخسر المسلمين[/align]

[سعود الخليل]

الصيدلي

الوحش

مشكورين على المشاركه ... وما نقول الا الله لا يخسرنا وياكم ...

[noonoo]

انا اشوف بسبب حمق وغباء وحقارة جماز...اجل السوق كان ماشى تمام والهوامير ماقصروا شيالين السوق ويجى يصكله كم قرار ويطبقها بنفس اليوم وما عطى اى فرصه لاحد عشان يرتبون اوراقهم ...خير ان شاء سوق ابوة<<<معصبه بقووووة

[lord]

السلام عليكم ورحمة الله وبركاته.
الظاهر الا اكيد ان كلكم طاقين خوابير على الكيف وخصوصا اللي علقوا على الموضوع .

انا اول شي مالي لا ناقة ولاجمل في سوق الاسهم بس متابع له واشوف اخباره ولي علاقة بناس فيه

يا ناس هذي مهيب حركة هوامير الهوامير بكبرهم متعلقين سوق قيمتة السوقية وصلت 3 تريليون لا هوامير الخليج كلهم يشلونه شوفوا خالد الشثري من اكبر مضاربين السوق ورئيس مجلس ادارة كم شركة يوم طلع في قناة العربية طاقته البتسوة يقول يا صغار المستثمرين لا تبيعون ويترجاهم هو علشان سواد عيونكم علشانه ماكل خابور على اصوله فيه ناس خسرت وياليته وقفت عند خط الخسارة بل تجازوا هذا بكثر اللي ماخذ تمويل واللي بايع بيته واللي ما خذ قرض وانتم ادرى باللي حولكم

ثاني خطا وقع فيه صغار المستثمرين هو سوء الادارة لمحافظهم تلاقهم كلها من النوع المضاربة اليومية والا استثمار متوسط الاجل وهذا اللي نكب العالم.

بعدين طفرة الاسهم سببت ركود اقتصادي مهوب من صالح المواطن الله من مشروع تجاري وقف والسبب فيه الاسهم والله من توسعة تجارية كانت بتصير ووقفتها طفرة الاسهم ركود عقاري تجاري وحركة تصحيحة حلوة وجت في وقتها ولولا مر الدواء ما اتت لذيذ الصحة




اخر شي ودي اقوله ان احنا تونا في اول السنة وابن ادم ما يصير طماع وارضى بما قسم الله لك

[أمير سدير]

المشاركة الأصلية كتبت بواسطة lord   السلام عليكم ورحمة الله وبركاته. الظاهر الا اكيد ان كلكم طاقين خوابير على الكيف وخصوصا اللي علقوا على الموضوع . انا اول شي مالي لا ناقة ولاجمل في سوق الاسهم بس متابع له واشوف اخباره ولي علاقة بناس فيه يا ناس هذي مهيب حركة هوامير الهوامير بكبرهم متعلقين سوق قيمتة السوقية وصلت 3 تريليون لا هوامير الخليج كلهم يشلونه شوفوا خالد الشثري من اكبر مضاربين السوق ورئيس مجلس ادارة كم شركة يوم طلع في قناة العربية طاقته البتسوة يقول يا صغار المستثمرين لا تبيعون ويترجاهم هو علشان سواد عيونكم علشانه ماكل خابور على اصوله فيه ناس خسرت وياليته وقفت عند خط الخسارة بل تجازوا هذا بكثر اللي ماخذ تمويل واللي بايع بيته واللي ما خذ قرض وانتم ادرى باللي حولكم ثاني خطا وقع فيه صغار المستثمرين هو سوء الادارة لمحافظهم تلاقهم كلها من النوع المضاربة اليومية والا استثمار متوسط الاجل وهذا اللي نكب العالم. بعدين طفرة الاسهم سببت ركود اقتصادي مهوب من صالح المواطن الله من مشروع تجاري وقف والسبب فيه الاسهم والله من توسعة تجارية كانت بتصير ووقفتها طفرة الاسهم ركود عقاري تجاري وحركة تصحيحة حلوة وجت في وقتها ولولا مر الدواء ما اتت لذيذ الصحة اخر شي ودي اقوله ان احنا تونا في اول السنة وابن ادم ما يصير طماع وارضى بما قسم الله لك

ياعيني عليك


كلامك عين العقل

[سعود الخليل]

noonoo
الله يكون بعونكم يالهوامير .... بصراحه الكل ينتقد الجماز وحركته الأخيره في إيقاف كم مضارب وتخفيظ نسبة التذبذب ..
لكن الله يستر من تاليها ..

لورد .. عافاك الله علي ردك الرائع وتوضيحك الجميل ..

أمير سدير .. حياك ربي ,,,