تلك مواقفنا :.: قصص مضحكة .. محرجة .. قصص فقش هع هع هع أنت أدخل بس ..

[ابوالوليدالنشمي]

السلام عليكم ..

يالله حي النشامى ..

يالله حي كلن بأسمه .. ورسمه .. وجسمه ..

ــ

سوف يكون هذا الموضوع بأذن الله موضوع خاااص لكل القصص التي مرتّ بنا ..

من مواقف طريفة ..

من واقف مضحكة ..<< وش الفرق

من مواقف محرجة ..

>> ويسمح للفقش ولكن بحدود

أبدأكم أنا


(( اللي يدخل ويضحك ويطلع بدون ما يكتب شئ أبخيط براطمه ))

[ابوالوليدالنشمي]

والله المواقف كثيرة ومنها :


1_ أذكر طلعنا للشرقية مع المعهد العلمي بالملز وكان معنا اخينا ( خبوبي وبس ) ولعل الشباب قالو بنزور مكتب الجاليات بالشرقية ..

المهم يوم دخلنا ويجي أحد المشايخ وياخذ لنا جولة بالجاليات ..

المهم مرينا بجنب المكاتب بتاع العمل ..

وقال لنا هذا كمبيوتر مجهز بأحدث التقنيات ..

وهذا كرسي قيمته 1500 ريال ..

قالو الشباب وش دعوة ..

قال أصلا هذا الكرسي فخم ومريح وما أحد يقدر يشيله ..

يجي خوينا خبوبي وبس ويتلّ الكرسي ويرفعه فوق ..

لعل الشيخ طاااااااح وجهه ..

قال أقصد غير ذا ( يقصد خبوبي وبس )


وكانت ضحكة مدوية

ـــــ


2_ أذكر رحت أنا وأخينا ( مقبل المقبل ) لمطعلم هرفي ..

وقال مقبل للعامل ( Give me the menu ) يعني عطني مينيو ..

قلت انا مينيو ..

أحسبه عصير

قلت وانا الله لا يهينك عطن مينيو << وش حيثينّه

ـــــــــ

3_ أذكر ذاك اليوم كان عرس أثنين من عيال عمي بفندق ..

قلت أنا بفندق لازم أشخص ..

المهم وأشتري كنادر ( وأنتم بكرامه ) فخمات >> أول مرة يطب فندق

ولبست الشراب ( وأنتم بكرامه ) بالبيت ..

يوم مشى ابوي وأروح معه وطول الطريق سواليف يوم نزلت من السيارة أبتوجّه للفندق ..


وأناظر وأثري لابس شراب مع نعال ..

قلت ما يحتاج ألبس كنادر اليوم



( لا تنسوننا من مشاركاتكم )

يتبع ..

[مقبل المقبل]

هههههههههههههه



عاش محشش

الله يرجك أنت وسالفة المنيو

يا أنا ضحكت عليك بهرفي ضحك يروع

حتى العامل بيمسك عمره ولا قدر
......................

المواقف واجدة

وخصوصا إذا صار الموضوع في نجاسة

أذكر مرة في مركز صيفي كان عندنا حفل وتمثيل

وكنت أنا وواحد عندنا دور البطولة وندخل ببداية الحفل لازم

وبين الفواصل والأناشيد

والختام عندنا

يعني الحفل كان كله قايم علينا

الرئيس حقنا الله لا يلومه كان منحاس خصوصا اننا ممثلين مقدمة الحفل فيديو وهو مشغول بموضوع المونتاج

اللي خلص بنفس اليوم

الدنيا زحمة

والحضور موجودين

والعرض بعد المغرب

باقي أقل من ساعة

خويي اللي معي قال لي بأروح أجيب كاميرة الفيديو بأخلي واحد يصور الحفل تصوير خاص بنا

قلت قدام

وأركب معه وأروح

أخذنا الكاميرة وحنا راجعين باقي يمكن 15 دقيقة على ألآذان

دق على جوالي رئيسنا

نقز خويي قال قل له هذانا عندكم ... قلت يبلغ

رديت عليه

السلام عليكم

عاد أنا قصرت صوتي كأن أحد عندي

وقلت حياك الله أبو عبدالله

أنا الحين بالشفاء عند خوالي ولا أقدر أكلمك الحين أدق عليك بعد المغرب

عاد هو انهبل

شلوووووووون ما يصير

قلت ما عليك بأصلي المغرب بالشفاء وإن شاء الله يمديني ألحق عليكم

وخويي طايرة عيونه

المهم رئيسنا أسكت وقال الشكوى لله وحاول وتكفى وتكفى ,, قلت أبشر ولا يهمك

خويي للحين طايرة عيونه

دق عليه الرئيس ههههه

السلام عليكم وينك

قال له أبد

أنا عند أبوي الحين ويبيني أودي أغراض لجدي

وإن شاء الله مسافة الطريق وبعد الصلاة بربع ساعة ثلث ساعة وأنا عندكم

ههههههههههه



كل هالكلام وحنا بمواقف السيارات

بعد الأذان بشوي

دخلنا عليه

ولقيناه في حال يرثى لها

هههههههه

طبعا الحمد لله ما انجلدنا

وإلى الحين كل ماجاء حفل وتمثيل نقعد نضحك على هاك السالفة

.............

طبعا مواقف النجاسة بالأوقات عجز أتركه

لنا عودة بإذن الله

[ابوالوليدالنشمي]

هههههه ..

حلوووووة ..

>> اشوفك بالحفل ذاك اليوم عينك زرقاء

[عبدالعزيز]

خخخخخخخخخخخخخخخخخخخخخخ

والله ياهي مواقف

خل بقولكم سالفتي اللي حول سالفة ابو الوليد

مره من المراير زواج واحد من الشباب

المهم شارب نعال الله يكرمكم جديدة

وعندي نعال ثانية يسمعون كان فيها نقشة من الكرف اللي جاها

يوم ناظرت عند القاعة ولاي جايب القديمة وانا اللي اقمط العافية لا وبعد جاي مع واحد من الشباب ومتاخرين مافيه قولت رح اشتر ولا لاتشتري

ولي عودة يمكن خل بتذكر

[ابوالوليدالنشمي]

4_ بالعادة الواحد اذا صار توه مسجل بمدرسة جديدة يصير عاقل ويحاول يكسب من حوله ..

لكن أنا عكس

أذكر أنا والعضو ( ريان ) كنا بفصل واحد بالأبتدائية ..

وأول أسبوع :

جالسين نتمشى بالفسحة وذاك اليوم ملل ..

رحنا وجلسنا عند بوابة المدرسة ..

المهم والحارس حق المدرسة جالس يكلم له واحد ..

قلت لريان وش رايك نهج

قال قدام

والله وما تشوف الا غبار

طلع لمنا الحارس مسوي بيلحقنا ..

هههههه ..

لكن ما يمديه >> مركب بخاخات

رحت للبيت وكان ابوي وأبوريان جالسين يتقهوون ..

يوم شافون قالو وراكم طلعتو !!!!

قلت أنا : هم قالو لنا خلاص روحو >> ما تعوق

وهو مصدقين

وجاء لمنا واحد أسمه مقبل المقبل

الشيبان يوم شافو مقبل جاي ..

جلسو يضحكون ..

درو اننا هاجين >> من يومها والشيبان غاسلين ايدينهم منّا



يتبع

[ابوالوليدالنشمي]

فاصل إعلاني


كان رجل في دار بأجرة و كان خشب السقف قديماً بالياً فكان يتفرقع كثيراً فلما جاء صاحب الدار يطالبه الأجرة


قال له : أصلح هذا السقف فإنه يتفرقع


قال لا تخاف و لا بأس عليك فإنه يسبح الله


فقال له : أخشى أن تدركه الخشية فيسجد




^
^
^
^
^


صح أنه من العصر الحجري لكن أعجبني

[الإكليل]

ابو الوليد
ما شاءالله عليك مليان مواقف

[ابوالوليدالنشمي]

^
^
^
^

ما شفت شئ


وين مواقفك