لو ان هذا بزرك 000 وش بتسوي ؟؟

[الملتمس]

مسيكم بالخير جميع 000

هالصورة لقيتها في الجريدة تحت عنوان /حفل خاص لأصحاب الوزن الثقيل 00 وهالبزر الصيني اصغر مشارك في الحفل 00 ويقول الخبر ان عمره سنتين 0000 ووزنه ما غير 30 كيلو بس ؟؟؟؟

عاد انا اقول الله لا يحملنا فوق طاقتنا 00

لكن السؤال لو هالبزر بزرك وش رايك كم بيكفيه من رضعة في اليوم ؟؟ ولو صاح تتقدر تشيله وتهده الين ينام ؟؟

اها جاوبوني 000


شوفوا صورته




ابي تعليقاتكم 00


ولكم تحياتي 00000

[ابو عبد العزيز]

لو انه بزري التسان يصير وش زينه ( مسعود في عين امه امير )

بس اقول الحمد لله على كل شئ

[الصحراوية]

استفغر الله ماودي اتطنز بس من جد شكله دايخ من زود الوزن

تحياتي الملتمس

[سعد القاسم]

[align=center]لاحول ولاقوة الا باله لو انه عندي هالبزر ابصبر عليه وغثااه وانا اخوووك يالملتمس على اجر ماافيه شي بيضيع باارك الله فيك..
[grade="8B0000 FF0000 FF7F50"]الموضوع طيب وللعظع والعبره وعلشان الناس يحمدووون ربهم على مااعطااااهم من عيال واخيرا بااارك الله فيك[/grade]..[/align]

[الولهان]

لا إله إلا الله

وش ذا التفخ !!!

أما لو يصير ولدي .... عز الله طفرنا

لا .. وبعد نبي نقعد ندفدف بذا العربيه

المشكله إذا زعل يبي يدبغني !!:f

وعليه خدود وش كبرها ..

[مالي غيرك]

الله ياكبره كبراه وش يأكلونه ذا ...........لاحول ولا قوة الا بالله , والله سؤال محرج اذا كان بزري بصبر والله المستعان , وبحرمة من الاكل والرضاعة خخخخخخخخخ 0

[صويلح]

لوه ولدي تسان حطيته عند بقرتنا في النخل يرضع منها ويالله تلحق عليه بس ما تلاحظون ان مبزرة هالايام من هالنمونه ؟

[الملتمس]

مسيكم بالخير جميع 0000

اولاً : - مشكورين يا سنايدي على المرور والتعقيب 000

ثانياً : - ما كان قصدي من الصورة الاستهزاء والله يشهد على ذلك 000 فمهما كان فهذا خلق الله وبلوى من الله سبحانه لهذا الطفل 000

ولكن الهدف هو ان الأباء والامهات يجب عليهم الانتباه لأطفالهم ومراقبة سلوكهم الغذائي 000 فاللي نشوفه في هالوقت ان اكثر عيالنا من يقوم من النوم لين ينام وهو يدرم ويبلع 000 بس ياليته اشياء مفيده بل بالعكس كل اكلهم كاكاوات وفشفاش و( عسكريم ) وحلويات وببسي وما شابهها واللي كلها والله ضررها اكثر من نفعها ما غير اصباغ والوان صناعية ومواد حافظة ويجتمع معها قل الحركة والرزه قبل قدام التليفزيون او الفديو او البلى استيشن ( البلاي ستيشن ) ولو يبي له كاس ما وهو جنبه قام يزاعق للشغالة وهي في المطبخ عشان تجي تجيبه له لين يصير البزر يالله يقوى يقوم واذا جا يمشي ما تدري هو رايح والا جاي كلشن فيه متساوي 000

ومن هنا علينا ان ننتبه لأطفالنا لآننا مسئولين عنهم وهم في ذمتنا 000 ويمكن يقول البعض وش نسوي اذا قام البزر يصيح يبي شي وحنا ندري انه ما له فيه مصلحة 000 اقول ان الأولين قالوا حكمه وهي ( صياحه ولا صياح(ن) عليه ) بمعنى خله يصيح الين يسكت اذا كان الشي اللي يبيه فيه عليه مضرة افضل من صياحنا عليه اذا جاه شي لا قدر الله 0000



عموماً اشكر الجميع ولكم تحياتي 000

[Sub_Zero]

احم احم

مسيكين بس شكل الصوره ملعوووب فيها لعب

يالله الله يعافينا واياكم

[ابو عبد العزيز]

واذا جا يمشي ما تدري هو رايح والا جاي كلشن فيه متساوي 000


اما هالجمله حلوه

تحياتي يالملتمس

[الملتمس]

مسيكم بالخير 00

اختي Sub_Zero يعطيتس العافية على المرور 00 وبالنسبة للصورة تراها طبيعية وشوفيها في جريدة الرياض عدد يوم امس الأثنين 9/7 في الصفحة اللي مقابلتن كاريكاتير الهليل 00 بس اني قصيت صورة البزر فقط لأنها هي اللي تهمني 00


اخوي isz ما شاء الله عليك قمة في التواصل والدعم 00 مشكور يا سنايدي


تحياتي لكم جميع 00