سؤال للأذكياء بيضة الديتس من هي له؟

[الملتمس]

مسيكم بالخير جميع 000

عندي لكم سؤال ابي الذكي يجاوب عليه 00

وهو ( اذا صار عندكم ديتس ( ديك ) وطار وباض في سطح جيرانكم 000 هالبيضة لكم علشانه ديتسكم 00 او لجيرانكم علشانه في سطحهم ؟؟؟؟؟


























اتوقع كلكم بتقولون الملتمس قديم وسؤاله اقدم منه 00 والجواب معروف وهو ان الديتس ما يبيض 000






















ولكن هالجواب خطأ 000 فالتجربة اثبتت بأن الديتس يبيض 00 بيضه وحده في حياته 00 بس متى ؟؟
















اذا انهبل

والدليل 00 المثل اللي يقول ( بيضة ديتس ) ويضرب هالمثل على الشيء اللي ما يحصل الا نادرا او مرة وحده في العمر 000

( مثال ) 00 واحد بخيل جداً وما يندي 00 فجأة في يوم من الأيام سوا عزيمة وجمع ربعه وجيرانه 000 وهي مهيب عادته 00 تسمى هالعزيمة بيضة ديتس 00

واللي ما هوب مصدقني ان الديتس يبيض 00 ما عليه الا يسأل احد من اللي يربون دجاج في بيوتهم او مزارعهم 000 خصوصاً الدجاج البلدي 00


ولكم تحياتي 000:o

[استح وجع]

استح وجع يا الملتمس
وش هلكلام ديس ( ببيض )
ماقد شفناه .


على فكرة ترى بيضة الديك صغيره جدا اصغر من امة ( الدجاجه )
هذا الي نسمعة من العجايز الله يخليهم لنا .


تحياتووووووو

استح وجع

[Sub_Zero]

الملتمس مبطين عنك وعن حتسياتك اللي توسع الصدر



بس الله يرجك متحمسه وناويه اجاوب واقول البيض يصير للجيران بس يالله في سؤال اخر >> مضيعه

سالوفتن زييييييييييييييييييينه اكيد لانها من الملتمس

تشكراااااااااااااات يالملتمس ولاعاد تبطي ترى لك فقده انت وخشتك >> بدت ترجع لاسلوبها

[عاشقة سديـــر]

يوم انك كاتب الاجابه وشوله تسأل << متحمسه ...تخاف احد يسبقها ويكتب ( الديك مايبيض )

واثاري الحل موجود خلقه في الموضوع ..

ومن جد ...فاقدين تواجدك الدائم (سابقا ) في شباب سدير ...فماهي المبررات ؟؟

ولعد تعودها ...والا ترى ماعد ادخل منتدى الديره << عاد من كثر دخلاتي لمنتدى الديره يوم اني اهدد به ..D

تحياتي :o :

[بن جعيثن]

الله يرجك يالملتمس...

أجل يبيض إلا انهبل...

تسلم لي على هالمشاركة...

مشكور...

وتقبل أجمل تحياتي...

[الحلو]

وش السوعال؟

[الملتمس]

مسيكم بالخير كل ابوكم 0000

> استح وجـع 00 مشكور يالغالي على مرورك وتعقيبك 00 والحين وشلون تقول وش هالكلام الديتس يبيض ما قد سمعناها 00 ثم تقول ان بيضته صغيره مثل ما يقولون العجز 00

> Sub_Zero .... الحمد لله على السلامة 00 وين الناس مبطين عن اقلاعتس 00 عموماً مشكورة على المرور والتعقيب 00 والله يوسع صدرتس بالعافية دوم ودوم 000

> عاشقة سديـــر 00 الله حيها وابدزها 00 ومشكورة على العنوة والتعقيب 00 وتراني انا بعد ضايق(ن) صدري من صدتي عن منتدى شباب سدير 00 وش اسوي بادارة المنتدى 00 ابلشوني بمنتدى الديرة 00 ولا عاد افرغ اجي فيذا 00 كل يوم اولم الشاهي والقهوة والقدوع 00 واقعد احتري احد يسير علينا في منتدى الديرة 00 اها عاد خلونا نشوفكم كلكم 00 لا تقاطعون 00

> فارس الظلام 00 حياك الله يا سنايدي 00 وتراني صادز الديتس ما يبيض الا اذا انهبل 00 ومشكور يالغالي على مرورك وتعقيبك 00

> الحلو 000 قل آمين الله يحلي ايامك 00 وترا ما هنا سوعال 00 مجرد معلومة مغلفة بشيء من الصرقعة

تحياتي لكم وللجميع

[يتيمه]

الملتمس المتكهرب الاذع
كخخخخخخخخخخخخخ
اذا باض الديس يبيض الديس == من شدت النفي هي وخشتها كخخخخخخخ
مشاركه حلوه

[ابو عبد العزيز]

الملتمس اول شئ لا تسوي دعاية لمنتداك عند الشباب بعدين تسحبهم عن منتداهم بعدين فيما لو باض الديك فبيضته ما تصلح ولا بشي الله مار يسلمك ويخليك لعين ترجيك ياصاحب التقليعات الحلوة

[سنمار]

استح على دمك يالشايب تستخف بعقولنا

اصلا الديك ما يبيض ، الديك يولد <---- ماكل جرة فول كاملة

[الملتمس]

مسيكم بالخير جميع 000

> اليتيمة 00 مشكورة على المرور والتعقيب مع اني ما فهمت شي 00

> isz .... الله حيه وابقه 00 ومشكور يا سنايدي على المرور والتعقيب 00 وترا الدعوى مهيب دعاية 00 هي مار الله يسلمك نبه او بالعربي دعوة لزيارة المنتدى 00وثاني شي ما عليكم خوف في منتدى شباب سدير 00 عسانا نلحق معكم لو الثرى في عدد الزوار ( ما شاء الله تبارك الله ) 00 بس ما اقول الا جعل اللي عطاكم بالكاس يعطينا بقفا الملاس 00 او اللي عطاكم بالتبسي يعطينا بغطا الببسي 00

> سنمار 00 مسيك بالخير 00 وين الناس مبطين ما شفناك 000 وعلى فكرة يمكن انك صادز ان الديتس يولد 00 هو اذا انهبل ما عاد عليه شرهة 00

وعلى فكرة تراهم يمدحون منقوع الحلبه عقب الفول 00 يقولون انه يخرط الأتسل بسرعة 00

تحياتي لكم جميع على المرور والتعقيب 00

[هرمنا]

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههه

ياجماعة مدري وش اقول لكم

وشلون هالموضوع ماشفته

انواع الهسترة من الملتمس ومن اللي ردوا على الملتمس


شف رد يتيمة خخخخخخخخخخخخخ انواع النفي

والا استح وجع ههههههههههههههههههههههههههههههههههههههههه

الحلو يدور سوعال

وعاشقة جاية تركض تبي تجاوب

وابن جعيثن ماصدق ان الديك ينهبل

وانواع العلاجات في رد المتكهرب بقووووة خخخخخخخخخخخخخخخخخخخخخخخخخ

جاب الله موضوع (اخيرا باض الديك ) والا تسان ماشفت هالرجججة



تحياتي للديك مرفق معها تهنئة بالمولود الجديد

وتحياتي لكم كلكم

[ربى الجنان]

الله يصلحكم كل أبووووووكم

الملتمس خذرف وجايته لفطه من كهررب 220 وانتم مصدقين كلامه بيض وديوووك ودجاااااااااااااااااج

تاتسووون شكشوكهrgs:rgs:

على العموم ....

اذا أنهبل ديك أهلي علمتكم

[margog]

وش ذا الملتمس
الله يرجك ويخظك لين تطيش
ديك يبيض
اجل اذا قالو حليب عصفور ولا علمني العصفور اكيد صح عليهم
تصدق يالملتمس مرة قد سمعت سالفه ان فيه
فيل يطير يقوله الطالب للمدرس قال المدرس غلط الفيل مايطير من يقوله لك انه يطير قال الطالب يقوله ؟؟؟؟؟؟ قال الممدرس ايه يمكن مترين متر ونص هاة يعني كذا مايبعد صحيح
تسلم المتلمس على الموضوع هذا

[الملتمس]

مسيكم بالخير جميع 00

> السبعين : - الموضوع موجود منذ مبطي 00 بس انت الله يهديك صديتا عن المنتدى لك فترة 00 عموماً اسعدني مرورك وتعقيبك وتلخيصك لردود الأخوان 00 تحياتي

> ربى الجنان : - الله يصلحتس انتي ويهديتس انتي الحين ما تقولين لي يوم انتس الى الحين وانتي تشككين في قواي العقلية 000 وراتس ما قلتي هالحتس في ردتس على ( صدى الأشواق ) او حيث انه يقول مكتوب في الجريدة 000 يعني ما توثقين في كلامي 00 وثاني شي وشلون تقولين انه لافطني الكهرب 00 اصلاً انا الكهرب مني وفيني خخخخ

> margog : - ايه الديتس يبيض اذا انهبل 00 وش فيها حتى انت مانتب مصدق 00 وثاني شي حليب العصفور ما قد اوحيت عنه وعشان تسذا ما اقدر اقول شي 00 انا ما اقول الا اللي اعرفه 00

( وفي النهاية هذا بيان من الملتمس ارجو من الجميع قراءته بدقة )

ايها الأعضاء الكرام 00 السلام عليكم ورحمة الله ةبركاته وبعد

فانه نظراً لما لمسته في الردود على هذا الموضوع من تشكيك في قواي العقلية واتهامي ( ظلما وبهتاناً ) ببداية الدخول الى مرحلة الخرف والهذيان 00 عليه فانني من هذا المكان اقول لكم ما يلي : -

- كل من لم يصدق الموضوع عليه بالرجوع الى جريدة الجزيرة عدد يوم الأربعاء 11 / 6 / 1425 هـ وتحديداً في الصفحة الأخيرة ويقرأ موضوع ( واخيراً باض الديك في الرياض ) وشوفوا راعي الديتس شايلن بيضة ديتسه بين اصابعة تقل بنقه 000

- عليكم بالرجوع الى جدانكم وجداتكم اللي عندهم نخيل ويربون فيها دجاج وتسألونهم وتلحون عليهم بالسؤال لتعرفوا الاجابة وصدق كلامي )

انتهى

ومن خلال ما ورد بعاليه فانني اطالب برد اعتبار وتعويض عن الأضرار النفسية والأدبية التي اصابتني جراء الأتهامات الواردة اعلاه 000
وابي هالتعويض عبارة عن تيس مندي آكله لحالي 000



ولكم تحياتي