المعرس اول مايدخل على زوجته

[الورده الفوشية]

وش يسوي المعرس اول مايدخل على زوجته

********

اول حاجة ابعطيكم درس مجاني "" للعزابية والخاطبين ""
درس في ايش تسوي اول ما تدخل على زوجتك ..
كثير من الشباب ما يدرون انه فيه سنن تستحب في تلك الليلة بعضها عن النبي
اللهم صل وسلم عليه وبعضها عن سلفنا الصالح ..السنن ثلاث ..
1 - السلام
2 - صلاة ركعتين ..
3 - وضع اليد على ناصية الزوجة " جبهتها " وقول الدعاء المعروف
[ اللهم اني اسألك خيرها وخير ما جُبلت عليه واعوذ بك من شرها وشر ما جُبلت عليه] ..
بس تقوله بصوت منخفض مو تصرخ في وجه البنية تخرعها
هالامور يتساهل فيها بعضنا وما يدرون انها سر من اسرار التوفيق في الحياة الزوجية ..
ونصيحة خلك طبيعي ولا تتحمس زيادة وانت تطبقها عشان ما يصير لك زي ما صارلصاحبنا هذا
تبي تعرف وش صار له ؟؟
ابشر ..
هذا واحد ليلة زواجه دخل على زوجته متحمس يبي يطبق السنة ..
دخل وسلم عالبنت
البنت مستحية ومنزله راسها ما ردت !!
سلام عليكم !!
ما ردت ؟؟
سلام !!
ما ردت ؟؟
قال في نفسه : اطبق السنة الثانية !!
راح لزاوية في الغرفة وكبّر !!
الله اكبر ..
ضحكت البنت ضحكة خفيفة !!
هو سمع الضحكة .. الرجال ما كذّب خبر .. على طول قطع صلاته وجاها ..
سلام عليكم !!
نزلت راسها البنت ؟؟
ردي يا عمري
سلام عليكم ..
ما ردت !!
قال في نفسه : اروح اصلي وارجع اوريها
راح لنفس الزاوية وكبّر !!
الله اكبر ..
ضحكت البنت مرة ثانية !!
قطع صلاته وجاها وهو معصب "" حمقان ""
يا بنت شفيك انتي ؟؟
تتمسخري فيني ؟؟
تستهزي ؟؟
ماني عاجبك ؟؟
اذا ما تبغيني قولي
ارجعك لاهلك الحين !!
رفعت البنت راسها وقالت بكل هدوء ..
يا حبيبي ..
انا راضية فيك كزوج ..
لكن الله يحييك ..
تراك مضيع .. القبلة من هنا ماهي من هنا

انتبهوا لا تجيبون العيد مثل اخونا

[طالبة المعالي]

في مثل هذه المواقف قد يحصل بعض الارتباك والرهبة والخجل ..
شكراً لك أختي الكريمة - ونسأل الله التوفيق للجميع والحياة الطيبة ..

[الورده الفوشية]

امين يسلمو خيتووووو ويعطيك الف عافيه

[جمانة]

ربي يعطيك العوافي يالغلا
طرح قيم
لك ودي ووردي

[أعصـاب]

الله يسخر كل زوجين لبعض اللهم آمين ،

يسلمو على التذكير ..

[ام الغاليات]

مشكووووووووووووره اختي
نبي الرجال يشوفونها ولا احنا يالحريم مابيدنا شيء

[الورده الفوشية]

المشاركة الأصلية كتبت بواسطة أعصـاب   الله يسخر كل زوجين لبعض اللهم آمين ، يسلمو على التذكير ..

اسعدني مرورك

[الورده الفوشية]

المشاركة الأصلية كتبت بواسطة نورالكون   ربي يعطيك العوافي يالغلا طرح قيم لك ودي ووردي

مشكوره انرتي متصفحي

[الورده الفوشية]

مشكوره ام الغاليات اظن راحت عليك بس عقبال ازواج بناتك

[جليسة القمر]

تسلمييييييييييييييييييييييييييييييييييي

يالغلاااااااااااااااااا بس كذا ما في شي ثااني هههههه لا امزح

كللللك ذووووووووووووووووووووق مشكووورة

[الورده الفوشية]

ههههههههههههههههههه مشكوره على المرور المزيد بالطرح الجديد

[الرزينة]

وش هالعروس السبهه!!

أجل تضحك وماتعلمه !! يومه سلام ماردت !!

مدري وش يبي حياء بعض الناس <<< حقدت !!

المفروض الأهل والأحباب يذكرون المعرس والعروس بالسنن
لأن الواحد يصير متقروش شوي مع الزواج
ومايدري وش يبدي وش يخلي !!

عموما

الله يوفق الجميع لما يحبه ويرضاه

وشكرا لك