| من مذكرآت صبآي |

[وَدْقْ ,]

السلام عليكم ورحمة الله وبركاته
ودي اسولف واسولف واسولف وانا ساكته <نومي بسرعه
عندي لكم سالفة ايام ماكنت نونو انا واخواني الاعزاء كان وقتها اعمارنا تبلغ تقريبا 6 سنوات اخوي لقى فالشارع شريط راشد الماجد يقرا قران ويجيبه للبيت طاير من يحصل بس شريط اغاني اهلي ملتزمين ولا عندنا ستلايت نسمع براشد لماجد انه مغني بس مانسمع وش يغني وبسرعه نشبك المسجل ونشغله يقول دنيا حظوظ دنيا حظوظ كنا سامعين شئ مره متشققين على الاخير تو نحس اننا كشخه الله يخلف بما ان ابوي مطوع وامي مطوعه الله يحفظهم نخاف منهم قصدي نخاف على الشريط اكيد امي لو عرفت بتكسره وش الحل على طول قفلنا الشريط انا واخوي وقال شوفي بالدور انتي روحي للمطبخ راقبي أمي وانا بجلس اسمع هههههه ولاخلص يجي دوري اراقبها وانتي تجين تسمعين وانا قلبي كله يخفق واخيرا بيتحقق حلمي امي تطبخ فالمطبخ وقت ظهر كان وكذا نتبادل يوم جا دوري لازم ندخل اذننا فالمسجل ولاماكانك تسمع زين ومره لايعلى علي متشققه على الاخر ليت مشاعري تنرسم كان اوريكم كيف كانت كاني اول مره افرح اصلا مافرحت مع هول الصدمه ماصدقت كنت احتري عيال اقاربنا المصونين نقهرهم طبعا زارونا هذاك اليوم واقولهم طبعا اقولها وانا اقهرهم عندنا شريط راشد الماجد يغني ماعندكم < ليتني ماجيت على الحياة ؛ يقولون عطونا الشريط وانااخوي نرفض نقول لا هذا مفروض عندنا يوضع في تجوري في دولاب جدتي الي مندولاب في دولاب وباغتن في باغة هههه الله يحفظها باغة = كيس تشيل به اغراض من العثيم < تفسر الماء بالماء ماعليه
طبعا انا واخوي قلوبنا تتراقص خوفا ان امي تعرف وجت الطامه وعرفت ياانه عزاء استغفر الله خذيه وقصي الشريط< شريط افتتاح مستودعنا الجديد لاتنسون .
يروح حلمنا وكرهت المطاوعه < بتنجلد ههههههههههههههههه
بس ماخليت الشريط كذا نحاول نصمغة بلزق ابو ريال هذاك الدويره صار الشريط تقليد
بعدين اكتشفت من خلالها ان موهبتي الغناء < تتلفت
جمعت اخواني الي مايدرون وش السالفة وكونت من خلالهم فرقه انا اغني واهم يرددون وراي < على اساس انه صدى ههههههههه
ولااسجل على اشرطة ابوي اشرطة دينية مهمه
خلوني اعلمكم كيف نسوي البروفه هيتس عم بنعمل طبعا اجلس قدام المسجل اهم وراي هههههههههه من جد عايشه جوي اقو ل انا دنيا حظوظ دنيا حظوظ حظي موب معاه عندي حبيب ماله حبيب عاد اسوي لاخواني حركه اهم يعيدونها علشان يكون التسجيل تمام ههههههههههه
مااقول عيدوها كيف تندثر موهبتي وانا ناقصه تحطيم عقب امي الله يطول بعمرها تقص الشريط لاتنسون انه افتتاح المستودع ادريبكم ياكثر ماتنسون حبيت اذكركم بس
وتروح الايام واغدي عانس < ماش مو عاقله ابد
وهذاك اليوم انزل من الدرج العصر يوم كنت ادرس فالثانوي اذكر ولاابوي فالصاله ينتظرني اقوم قال زخات قلت هلا وانا مالي خلق لأي شئ توني صاحية من النوم شغل المسجل يقول من صوته هذا ؟؟؟ قلت ولدك قال لا قلت الثاني قال لا قلت مو صوتي وخلك سمح
قال ماغير تسجلون في اشرطتي ابي اعرف شئ واحد الوالد ليه قام يرجع المئاسي حقات منول خلاص سجلنا فيه وانتهى ماش ابليس الله ياخذه
قلت مو انا وانحرجت كثيراكتشفت اني كنت بكون طقاقه مو مغنيه لاني جايبه معي قدري الي معي وين ماروح اطبل فيه واغني بس قررت اعتزل بعد ماتطورت موهبتي اني اكون ... تصدقون للحين حتى انا مدري

وسلامتكم
الاستفاده :
امي الله يطول بعمرك حتى حلمي للحين في بالي لو انتس مخليته يتطور من ايام الصبى كان تشتهرين وتختصرين علي المشوار< كن اسمي انلغى من بطاقة العائلة
ابي انصحك كثيراً تلتفت يسار وتنث ثلاثا وتتعوذ من ابليس احبك ابي كثيراً < كذا فجأة حسيت ودي اعبر عن مشاعري
اخواني الاعزاء الله يحفظكم لاتنكرون انكم تكررون مواضيع الاذاعة الفجرية هههههههههه .
مسجلنا الله يذكرك بالخير .
زخات المطر العانس عنس معها حلمها ههههه .

مخرج :
مذكرة من مذاكرات صباي البريئة .
احبك نفسي < مازلت احب اعبر عن مشاعري
وبسس
وقت سعيد .
حفظكم الاله اينما حللتم .
دوكم
(وردة )
.