خيم ظلام الليل عقب الفقيدة " تعديل "

[محمد العبيد]

ان القلب ليحزن وان العين لتدمع وانا على فراقك يا ابن العم لمحزونون

هذه قصيده كتبتها في رثاء فقيدنا الغالي محمد عبد الرحمن العبيد .. رحمه الله ..

[poem=font="Simplified Arabic,6,black,normal,normal" bkcolor="transparent" bkimage="backgrounds/8.gif" border="none,4,gray" type=0 line=0 align=center use=ex num="0,black""]

ما عاد باقي للفرح عندي اوطان=خيم ظلام الليل عقب الفقيدة
ما عاد اميز بين ناصر وعثمان= ولا استطيع انطق بجملة مفيدة
يومي تأكدت ابن عمي كحيلان=رحل وخلانا بنارٍ وقيدة
يالموت ليتك ماخذ فلان وفلان=الي مفارقهم على القلب عيدة
وخليت غالينا محمد بليهان=يقدم دروس للنشاما سديدة
يشهد له القاصي ويشهد له الدان=في الطيب والمعروف حالة فريدة
مهوب قولي وانشدوا كل انسان=العز والنوماس هو سيد سيده
كريم نفس ومروي كل عطشان=ومن جاه في بيته بطيبه يصيده
مهوب باير عزوته روس ويلان=رجالهم وقت الملاقا وليدة
لكن نهاية كل حيٍ يالاخوان=الموت من عقب الحياة الرغيدة
يا رب تغفر له على كل ما كان=يامن حياة الناس والكون بيده
يامن وعدت راعي الذنب غفران=لا صار لك عابد وصافي عقيدة
الطف بعبدك وابدل السي باحسان=انت الاله وتفعل اللي تريده
واسكنه جناتٍ بها كل الالوان=مع زمرة محمد وصفوة عبيدة[/poem]

[صـــويب]

مرثية عظيمة وصادقة في رجل شهد له الجميع بالخير والصلاح الله يغفر له ويرحمه


الشاعر/ محمد العبيد .. صح الله لسانك وبيض الله وجهك على هذه المرثية المعبرة وهذا الوفاء للفقيد الله يرحمه ويسكنه الجنة


تحيتي وتقديري لك