مشيت في درب الهوى لين ادمنت=وحطّيت له بالقلب بيت وبساتين 0جديد بعد الغياب

[سعد العازمي]

السلام عليكم ورحمة الله واضع بين ايديكم الكريمه هذه الابيات المتواضعه
امل ان تحوز على رضاكم


[poem=font="Simplified Arabic,6,darkred,bold,normal" bkcolor="transparent" bkimage="" border="none,6,gray" type=2 line=0 align=center use=ex num="0,black""]
هذا جوابي جاك عجلن على النّت=وان كان بك جرحن فنا فيّ جرحين
مشيت في درب الهوى لين ادمنت=وحطّيت له بالقلب بيت وبساتين
قصّت غرامي قلتها اليوم واعلنت=قصّة غرام اللي ذبحني من اسنين
ماله شبيهن بالملا ذكر يابنت=لو فتّشوا بالغرب والهند والصّين
لو يعذلوني عنه عييّت مالنت=حبّه سكن بالقلب سيد المزايين
ومن لامني ثم قال ياسعد هذا انت=قضيت عمرك بالهوى يامسيكين
اقول انا راضي وفي ربّي امنت=واللي كتب باللّوح بتشوفه العين
هذي حياتي عشتها بصبر وايقنت=ومدري نهايتها تودّي على وين
مالي جدى غير اكتب ابيات بالنّت=وارسل مراسيلي عسى قلبه ايلين

[/poem]وسلامتكم

[عبدالعزيز العمران]

والله إنها رائعة وعذبة وكل بيت أحلا من الثاني

الله يسلم عمر من أبدعها .. ويسعده في الدنيا والآخرة

تحياتي لك شاعرنا الجميل سعد العازمي .

[نــــــورهـ]

ليس لي تعليــــــــق سوا الوقوف احتراما عند هذه الابيات

الاكثر من رائـــــــــــعه ,,,,,,,,, اعتقد ان الشعر هو ســــــعد

[سعد العازمي]

المشاركة الأصلية كتبت بواسطة عبدالعزيز العمران   والله إنها رائعة وعذبة وكل بيت أحلا من الثاني الله يسلم عمر من أبدعها .. ويسعده في الدنيا والآخرة تحياتي لك شاعرنا الجميل سعد العازمي .

ياهلا وغلا بخوي القدير والرائع مرورك الكريم
واطرائك الرائع تقبل تحيات وتقدير اخوك

[سعد العازمي]

المشاركة الأصلية كتبت بواسطة نــــــورهـ   ليس لي تعليــــــــق سوا الوقوف احتراما عند هذه الابيات الاكثر من رائـــــــــــعه ,,,,,,,,, اعتقد ان الشعر هو ســــــعد

ياهلا بختي القديره نوره ومرورك الكريم والعطر
يكفي عن التعليق شكرا لك ولمرورك الراقي وتقبلي
تحيات وتقدير اخوك