.
السلام عليكم
هذا القهر بعينه
قمة القهر هي اذا قعدت في حلاق هندي وتقعد تحلق بين الهنود وهم يحشون فيك ؟؟ وانت داري انهم يحشون فيك ؟ بس ماتدري وش يقولون ؟؟
...........................................
قمة القهر هي ... لما تغسل سيارتك وترزها وتعلق فيها ريحة السفينه (قديييم) وتسفطها عند باب بيتكم ويجي بزر من بزارين الشارع ويشخطها بسيم من الرفرف الى الرفرف أو معه عسكريم ولا بغاه وذبه على القزازة ان خليته بتموت ماراحت حرتك وان جلدته قالوا ايا الهبيل تحط راسك براس بزر ؟؟
...........................................
قمة القهر هي .... لما تشوف برنامج افراح وتهاني وانت توك عزوبي وناس أصغر منك متزوجين.....؟
قمة القهر هي ... لما تشوف لك مزيونه وتفقع القلب في سوبر ماركت وتقعد تخطط انك ترقمها وتقعد تشتري اغراض واجد مالها داعي .. حجارات .. وقفل؟ ..وفول.. وصلصه ؟ .. وتفلس ويوم تجي البنت تاخذ الرقم تكبس عليها امها وتخلي رقمك طايح على الرف ؟؟
............................................
قمة القهر هي ... لما تطيح من طياره وتطيح لك على باص بنات ولاتطيح الا في حضن السايق ؟؟؟
...........................................
قمة القهر هي .... لما تكون في تاسع نومه (كيفي بغير سابع) ومتلحف في اللحاف وتوها غافية عينك وحالم حلم حلو أنك متزوج ويجيك واحد مثل أخوك ولا أختك عله ويقومك من النوم ويقولك : انت نايم ؟؟؟؟
..........................................
قمة القهر هي ... لما تكون كاشخ في موترك ويجيك شايب غشيم متعافي ويدعمك لا وتسامحه وهو المخطي وينشب في حلقك ويقول صلح موتري ؟ خصوصا عاد اذا كان موتره دتسن 84 ورفرفها الايمن مصبوغ بمعجون والصندوق مقشوع لو توديه الحراج ماجابله ريالين عند أبو ريالين؟؟
عسى تكون أعجبتكم
محب لكم الخير
أخوكم:-