لامرحبا بالصفر وسحقا له

[عبدالله المهيدب]

تروج شركة الاتصالات دعايتها السخيفة الماكرة مبرزة فيها المنّة والفضل الذي تقدمه للمواطنين من خلال

تكرمها بإضافة الصفر ، وليتها صمتت لكان ذلك اهون ، وهم يعتقدون اننا نحمل من السذاجة مايكفي لتمرير تلك

الدعايات علينا ، حتى نتقبل هذه المصيبة في جوالتنا والذي بلغ عدد ارقامها 10 ارقام حيث تعدى الرقم بعض

الاتصالات الدولية . وزاد علينا حمل تغيير الارقام أوتعديلها



ولاأدري انحن في نظرهم الى هذه الدرجة حتى يستخفوا بنا وبعقولنا ، والله لو كانت الشركة في بلد اجنبي لقدمت الاعتذارات تلو الإعتذارات وقدمت المزايا كي يقبل الناس هذا العبء الجديد عليهم .:f



لكن لانقول الا حسبنا الله ونعم الوكيل.

[بن جعيثن]

وشلوله مضيق صدرك...

توك تدري أن عندنا شركة متخلفة...

وأهم شئ عندهم هو...

شفط الريالات...

لا ومن زين الطبايع...

ياليت الأرسال في كل محل...

والله إذا جت إحازة الحج...

وطلعتا للبر...

أنت وعيال إخوانك وإخواتك...

وبغى واحد يدق عليك أنت مواعده...

يلقا مافيه إرسال...

تدري بس...

افلقني أن فهمت شئ...

[من يفهمني]

وش ترجا من شركه الاتصلات تساس على حساب الموطن وفيه ناس تدفع وتسالف على شان الجوال ابي اعطيك القصه لنه في ناس ارقمهم متميزه ويدفعون ما عندهم ما نع
لو قام ناس تركو الجوال شرط ينفذون اللي يبونه بس عندك ناس لاسف اهم شي جوال وبس والمشكله حتى الا طفال صار عندهم جوال وارقم ممتميزه بعد
لو اقولك قصه صارت معي كان تضحك
جايني مكالمه من جزر القمر مع انه ما عندي صفر دولي ولم قالت لهم وشلون كلمتهم وانا اساس ما عندي صفر يعني شايله حتى انت دق من جوالي وتاكد سكت وقال سدد وتعال رجعنا وقدم خطاب لو المبلغ قليل كان سكت بس مبلغ محترم جاني
وقدمه المعروض وتوقعت يرجعون الفلوس لي قالو معطي نعطيك نخطمه من المكلمات يعني نصف ما كول عليك ونفس الحكايه مع تلفون الثابت جاني مبلغ محترم من امريكا نيورك مع انه ما عندي صفر دولي
اقول خلها على الله بس ناس تتهناء وناس تتمناء

[الــوافــي]

اخوي ابوعبد المحسن
احمد ربك اظاهر ان رقمك موب مميز


ولا
لالا
sa:

[عبدالله المهيدب]

الحقيقة اننا نستاهل ومثل ماقال اخوي من يفهمني حنا شعب نركض وراء المظاهر ولا ننظر للنتائج ، وهذا مؤسف للغاية .

[طباخ اللون]

[Sub_Zero]

اخوي عبدد الله المهيدب

لو ان هالشركه لقت من يوقف ضدها ويحتج كان احترمت نفسها شوي

بس احنا تضيق صدورنا شوي وبعدين يصير الامر عادي

يعني ننسرق ولانقول ولا كلمه >> يازينتس ساكته

بعدين انا مانيب قايلتن شئ لانه اخاف على صفري

[ابو عبد العزيز]

اخواني الاعزاء واخواتي العزيزات فلنكن واقعيين شوي هل كان بينا وبين الاتصالات اتفاقيه على عدد الارقام سوى كانت تسعه او حتى عشرين رقم ما فيه اي اتفاقيه الاتفاقيات فقط للارقام المميزه سوى كان عددها عشره او اكثر المهم انها تظل مميزه .
وينكم ايام السيناو نشتريه بعشرطعش من الالاف وكلن يسمعه على الاف ام ويبيلك واحد يشيله معك ومع ذالك كان وش زينه عندنا ويومن تيسرت الامور وجت الجوالات صرتوا تدلعون على الاتصالات مانبي عشرة ارقام (ترى ماعندي ولاسهم بالاتصالات) يعني وش رايكم تبون الاتصالات تشاوركم قبل ما تتخذ اي قرار والا تترك التوسعه علشان خطركم والسلام ختام

[من يفهمني]

امحق توسعه
على شان اثبت لك شوف وش منزلين اعلان اللي ما يبغي الصفر ويحط خمسه يدفع مبلغ من المال
شوف الساخفه الاتصالت يعني مستغفلينك وانت تضحك طبعأ تقول اللي يبي يدفع وش حارق رزك
لا تعليق

[عبدالله المهيدب]

isz
كلامك عجيب مابينا وبينهم شروط ماتوقعت ضعيف الى هالدرجة

ماخلا الاتصالات تتجرأ علينا الا بوجود من يقول مثل كلامك ، وبعدين ياخوي المفروض يشاورونا في الأمر أو على الاقل يطرح بطريقة مهذبة مع نوع مالاعتذار عن التعب اللي ممكن نسببه لكم لكن تنزل الدعاية ( مرحبا بالصفر في جوالك ) هذا استخفاف بعقولنا وعدم اهتمام بمشاعرنا وأحاسيسنا.

عبدالله المهيدب

[ابو عبد العزيز]

اخي عبد الله (ابو عبد المحسن ) قد سمعت بهذا المثل اللي يقول هب ياشباط وكسر النخل شكله ينطبق عليك اما انا فنعم ضعيف بمثل هذه الامور اجل وش تقول لراعين التلفونات السيارة لمل الغوها وهم دافعين فوق الستين الف وعلى قولتهم يوم الستين تحتسي ومع ذالك ما شيورو .
اخي ابو عبد المحسن ترى الواقع شئ يحسد عليه راعيه فقليلا من الواقعيه والسلام.

[وراءالكواليس]

انا معك في هذا الاستهتار وهذه المهزله

ولكن لنكبر ولنرتفع عن هذه السفاسف..


فالجوال ماهو الا وسيلة اتصال

صحيح انه ضروري

لكن لا اعتقد ان مسألة الصفر هذه قضية تستحق ان تحترق الاعصاب لها


فعندنا امور واشياء اهم منها


فلو نظرنا

اننا اراءنا لاتقدم ولا تأخر

فلنجعل تفكيرنا في شيء على الاقل يستاهل همه



وشكرا لك على هذا الطرح

[عبدالله المهيدب]

صدق اللي قال (( اهل ......... من اضعف الناس )

عبدالله المهيدب

[عبدالله المهيدب]

اخي وراء الكواليس

هذه ليست من سفاسف الامور بل من اهمها فالجوال جزء من حياتنا الآن ولا يمكننا التخلي عنه في أغلب الظروف

عبدالله المهيدب

[الجريوي]

من طول الغيبات جاب الغنايم . . .

يالله أن تحييه أبو عبدالمحسن . . كيف الأحوال . . إن شاء الله طيب . . أخبار جبل الرحمة ؟

عودة للموضوع . . أقول يابو عبدالمحسن . . على هونك يا مديرنا . . أراك معصّب

يعني وش بيدنا نسوي ؟

نسوي مظاهرات . . حرام ! !

نقدم شكاوي واستدعاءات . . ما عندك أحد ! !

ما باليد حيلة يابو عبدالمحسن ! !

لكن اللي ضيّق صدري يوم تقول : ( صدق اللي قال أهل ......... من أضعف الناس ) . . .

عساك تقصد أهل سدير ؟ ! !

لا ياخيي أنحن أهل سدير ما نرضى بالدنية . . .

وفي الختام أقول . . .
على هونك يابو عبدالمحسن لا ينطلق فيك عرق وتروح بها خابور

ثمن نحط كفوفنا على خدودنا ونقول الله يرحم راعي الأراجيز . . الله يذكره بالخير راعي الأراجيز

كان رجال لا يخاف في الله لومة لائم <<< من الحماس