تاوه, مب أي تاوه!

[العَربْ.]

السلام علاكم .
في يوم من الأيام سويت تاوه. وبما إني شيفة بنت شيف الشيافين ما أعترف بمقدار معيَّـن, ولذلك سأضع لكم مقادير تقريبيّه /

2 كأس دقيق بر
كأس لبن
2 ملعقة صغيرة خميرة فوريه < و عنّي : حطّيت ملعقة خميرة فورية, وملعقة بكنج بودر.
بيضه
ملعقة حبة سوداء < طبعًا ما كان عندي إبّان ذاك حبةً سوداء فلم أضع, وإلا فالتاوه به كذا
بيالة زيت < ينوب عنه زبدة.
فنجال سكر< قد ينوب عنه التمر.
ذرة ملح

عاد الطريقة الله يحفظنا وياكم تعجنين كلش سوا ثم تتركين العجينة ترتاح شوي, ثم ( شونظيها ) كوّريها صغار وافرديهم, ومن ثم اقليهم.
تؤكل بالسكّر المطحون, أو العسل والعسل لقلبي أحب فالعسل لا يحب إلا أمثاله. .


وستصبح هكذا /



ماشاء الله علي جعلي بالجنّة و والديّ
ودزّوا بحليب بالعافية .

[أبوإبراهيم الشويعر]

قمت أبولع ريقي و أماطق ... بس كأني بخبز الأولين أكبر ؟
كان عندك فروحي لنا الله يغنيك .

[العَربْ.]

إيييييييييييه صغار, ماشاء الله عليك أحيي فيك هذه الملاحظه العظيييييمة في عينيَّ.
ثم إنه يحق لك تماطق... إلخ. شغلي لذيذ لا شك.

[أبو حمـد]

وعليكم السلام ورحمة الله

أهلا أختي العرب ..


ما شاءالله شهيتك رائعة للمشاركات اليوم ،، بالمناسبة لي فوق عن سنه ما قرأت لك موضوع هنا ،، وعساه دوم هالشهيه إن شاءالله ،،


وحلوه منك ما تعترفي بالمقادير .. ذكرتيني بنفسي ،، طبعا ما أعرف إلا أطبخ الكبسه بالبر ،، فإذا جيت اقيس الرز ،، لكل فرد املى الكف ههههه وماشيه معي كذا


بغيت استرسل واذكر مقادير الكبسه هههه


عاد التاوه اسهل من كذا ما رأيت .. لا تتفلسفي وتسوي منها طبخه ووانجاز كبير ،، تراها كلها شوية طحين ومويه وهووب بالتاوه ،، ما فيها فن وصنعه ومقادير ،،


شكراً لكِ بحجم السماء ..

[أبوإبراهيم الشويعر]

إلا و ين المجد عنك يا حمد ولد أبوحمد بدال الشيف حق ماريز ؟
إنَّا في شوق أن نراها هنا و هناك فتخلع مريلة الطبخ حينًا و تمسك يراع الأدب فتنثر بديعها في القسم الأدبي .

[العَربْ.]

المشاركة الأصلية كتبت بواسطة حمد ولد أبو حمد   أهلا أختي العرب .. ما شاءالله شهيتك رائعة للمشاركات اليوم ،، بالمناسبة لي فوق عن سنه ما قرأت لك موضوع هنا ،، وعساه دوم هالشهيه إن شاءالله ،، وحلوه منك ما تعترفي بالمقادير .. ذكرتيني بنفسي ،، طبعا ما أعرف إلا أطبخ الكبسه بالبر ،، فإذا جيت اقيس الرز ،، لكل فرد املى الكف ههههه وماشيه معي كذا بغيت استرسل واذكر مقادير الكبسه هههه عاد التاوه اسهل من كذا ما رأيت .. لا تتفلسفي وتسوي منها طبخه ووانجاز كبير ،، تراها كلها شوية طحين ومويه وهووب بالتاوه ،، ما فيها فن وصنعه ومقادير ،، شكراً لكِ بحجم السماء ..

ماشاء الله وبارك, كل شخص له قدر الكف؟ شكلك تسوي رز هاااااااااالكثر وتخزّن بالثلاجه, أنا مقياسي بالبيالة .
ثم وش دخّلك؟ ورنا تطبيقك إذا هو سهل ومب انجاز! نااااااااااااااااس!

أجل ترقّبوني بالسّينابون المنسدح والله إنه إنجاز وبقص لسان اللي يقول لا .

[العَربْ.]

المشاركة الأصلية كتبت بواسطة أبوإبراهيم الشويعر   إلا و ين المجد عنك يا حمد ولد أبوحمد بدال الشيف حق ماريز ؟ إنَّا في شوق أن نراها هنا و هناك فتخلع مريلة الطبخ حينًا و تمسك يراع الأدب فتنثر بديعها في القسم الأدبي .

خخخخخخ

[أبو حمـد]

هلا أبو إبراهيم

والله يا عندي طبخات شي خطيرررر

اذكر مره طلعنا للبر وقلت اسوي قرصان ،، فتعبت فعلا وانا اشتغل فيها وكل انواع الخضار والبهار واللحم وشغل عدل ورائحته شهيه وتاخذ العقل ،،

ولما خلصت وقدمته لهم محد ذاقه .. راحوا شروا من مطعم بمحطة العتش


تحصل عند احسن الشيفات

[أبو حمـد]

المشاركة الأصلية كتبت بواسطة العَربْ.   ماشاء الله وبارك, كل شخص له قدر الكف؟ شكلك تسوي رز هاااااااااالكثر وتخزّن بالثلاجه, أنا مقياسي بالبيالة . ثم وش دخّلك؟ ورنا تطبيقك إذا هو سهل ومب انجاز! نااااااااااااااااس! أجل ترقّبوني بالسّينابون المنسدح والله إنه إنجاز وبقص لسان اللي يقول لا .

لا تحديني اسويها تراي مخفه .. بس بشرط تنزلي انتي صور طبخك للكبسه وانا انزل صور للكبسه ونشوف من فينا الأفضل وميدان الطبخ يا العرباااان هههه

[العَربْ.]

المشاركة الأصلية كتبت بواسطة حمد ولد أبو حمد   لا تحديني اسويها تراي مخفه .. بس بشرط تنزلي انتي صور طبخك للكبسه وانا انزل صور للكبسه ونشوف من فينا الأفضل وميدان الطبخ يا العرباااان هههه

قدّااام.

[أبوإبراهيم الشويعر]

المشاركة الأصلية كتبت بواسطة حمد ولد أبو حمد   تحصل عند احسن الشيفات

بسم الله العظيم الأعظم ... شيفات و أحسن بعد ؟ ما أخبر في الشيَف زين ...

[أبو حمـد]

المشاركة الأصلية كتبت بواسطة العَربْ.   قدّااام.

توهق ههههه

لاحظي أنا قلت اضع صور للكبسه ما قلت من طبخي ،، فعادي اضع صور ملطوشه منا ومناك

شغل محامين

[العَربْ.]

المشاركة الأصلية كتبت بواسطة حمد ولد أبو حمد   توهق ههههه لاحظي أنا قلت اضع صور للكبسه ما قلت من طبخي ،، فعادي اضع صور ملطوشه منا ومناك شغل محامين

من هنا أنسحب.

[بنت الاصول]

عروبه وش هالزين منتي سهله

انا اسوي نفسها بس اكبر شوي واسويها بالتمر وشوي قرفة تطلع جنان بس مااحط فيها زيت ولا زبد حتى ما يصير فيها زيت وتصير يابسه

وفيه طريقه ثانيه بالبصل الاخضر والفلفل الاخضر

يفرم صغير مره ويعجن يطلح يهبل

بس ا\ا كليتوه خلي الباب مسكر لااحد يطلع من الهبال

[أبوإبراهيم الشويعر]

المشاركة الأصلية كتبت بواسطة بنت الاصول   يطلح يهبل

مع البصل ضاع حرف العين ؟
الله يكفينا شر الهبال ...