19-07-2004, 11:24 PM | #1 |
مشرف سابق
|
قاموس قصيمي منسمممممممم
أزرقه : رح يمه
مواعين : حقات الطبخ ومشتقاتها معاميل : اغراض الشاهي والقهوه من فناجيل وبيلات صفرية : قدر مغرفه : ملعقه كبيره حقت جفي الأكل عرجد: مكنسه من عذق النخل اجف : يعني حط الأكل مهفه : مروحة يدويه غضاره : طاسه جذعه: بنت قريبه للبلوغ يعني مجوز(بكسر الجيم, وكسر الذال) يعني حول زواج جذع : ولد حول يبلغ قنيزه : قليل او شوي كله واحد ذريره : مثل اللي فوقها ادبجه : اضربه او اطحله كلهن واحد اخقلة:فعل امر يعني شته دحهك: فعل امر يعني اضربه مع ظهره ادحجه مثل اللي فوقها خمع : اذاسقط على وجهه طخ : تقول طخ البيالات يعني خقلهن او شاتهن امزع : يعني شت الكوره قوه مسط : طاح على الأرض مسطت : للبنت او المره قحفيه : طاقيه ولد صغير قربة: جلدغنم يحط به ماء زير : برادة ماء قديمه من الفخار بقشة : شنطه سامسونايت قديمه من القماش او شماغ يضف فيه الأغراض قريض : من المكسرات آرسي : زي اببسي كولا شنان : زي الببسي قبصة: من انواع الباعوض ...بكسر القاف الثلاثية بقة : باعوضة اقبصه :فعل امر يعني امرده بمعني امسك جلده بين اصبعيك وافركهن طمل : وسخ مطبل : متوسخ زت : برسيم حدر : تحت اصفاق : اعلى الفخذ دميجة رأس عاير : مؤخرة الشارع دنانة: لعبة بجنط سيكل دريفا : لعبة من رمان بلي(بكسر الدال زتشديد الراء مع كسرها طب : مصاقيل(بفتح الطاء وتسكين الباء) طب ، ردس...يعني هوى من فوق الي اسفل دبق : لعبه بناتيه ناعمة حدل : لعبه قديمه بالعصيان مليحق : مطاردة رجليه مغباء : لعبة واحد يختفي والباقين يدورون عليه عظيم لآح : لعبه واحد يخفي شي والباقين يدورون عليه وغالبا مايكون عظم منزرق : يعني شايف نفسه ارعصه : اظغطه , يعني رصه اغدي : لعل ياخزياه : يعني ياعيباه , يعني فشيله او خزيه يالله غير على زحنته : مادري وش معناها بس هي تقال للدعاء على شخص محمي سبدك مقاطع : ثياب او هدوم قامة:يعني ثعبان ..ولها اسم ثاني وهو الداب حتات :هو مايتساقط من النخلة وهو صغار التمر قبل الاستواء كزه.:ارسله زبيل :قريب من اسطل لكنه من خوص النخل ويستعمل عادة لحمل التمر العيلان:الشباب الصغار غبدز:صعب منلفز او مندعس: مختبئ اسهجهك: اسفهه اقمحى :اقعدى به اكوس:احوس بزخت :طاحت انزبخت:زعلت أويت له :رحمته وشفقت عليه درنقه:خبل او هدر يا حلالات:ياليت تعقب:تكذب تنطى : تخيط او تغزل تهربد:تخربط اتسعمه: اسكته مهوبه:مب موجود ادزعديه : قوميه الدزت:التبن الساس: الزاويه او الركن صندحه: راس فهدزه : أجله أخر :وخر يعني ابعد عن الله أخزه : تستخدم للدعاء بالخزي والعياذ بالله !! المسيد :المسجد حمار القايله : وحش وهمي يوهمون به الصغار انه يجيهم لو طلعوا يلعبون بالحوش الظهر هلّبه :يعني يالله يالله او يكاد زله :يعني صب الشاهي من البريق الى الترمس ييزي : يكفي يدنيلك : يقربلك بلوغ :ملقوف يتنيوط :يحاول يمط جسمه عشان يوصل شي بعيد عنه (سوداني بالعربي) انكس :ارجع ملطوووووووووش |
19-07-2004, 11:54 PM | #2 | |||||||
عضو سوبر
|
يعطيك العافيه اخوي الغلا |
|||||||
20-07-2004, 01:04 AM | #3 | |||||||||
عضو مميز جداً
|
حمار القايله : وحش وهمي يوهمون به الصغار انه يجيهم لو طلعوا يلعبون بالحوش الظهر |
|||||||||
20-07-2004, 06:20 AM | #4 | |||||||||
عضو مجلس إدارة سابق
|
اشكرك اخوي الغلا بس ترى سعيد اخو مبارك يعني سدير والقصيم قاموسهم سوى |
|||||||||
21-07-2004, 03:26 AM | #5 | |||||||
مشرفة سابقة
|
في الحقيقة والواقع فيه كلمات مفهومه في حين هنناك كلمات قليله غير مفهمومه وايضا كلمات نقولها نحن وهذا لايمنع من ان اقول لك شكر جزيلا >>وش رايكم أنفع اتكلم رسمي ؟؟ |
|||||||
24-07-2004, 02:28 AM | #6 |
عضو جديد
|
الله يرجك |
25-07-2004, 01:10 PM | #7 |
عضو مشارك
|
هههههههههههه لوووووول صراحة معجم روعة معاني اقول نص هذي الكلامات بس مايضر نتعلم غيرها خخخخخخخخخخخخخخ |
26-07-2004, 05:57 PM | #8 | |||||||||||||
عضو
|
اخوي الغلا فيه جمل من جد غريبة
مواعين -- معاميل-- مغرفة--قربة ............ الخ تحيااااااااااااااااااتي للجميع |
|||||||||||||
27-07-2004, 03:38 AM | #9 |
عضو جديد
|
حبيبي الغلا مساك الله بالخييير |
مواقع النشر (المفضلة) |
|
|