يا اعضاء منتديات سدير المحترمين لا تفشلوني

[الصحراوية]

مرحباااا..........لكل اعضاء منتدى سدير

عندي لكم كم سوال واتنمى التفاعل


1.سبب اختيارك لاسمك في المنتدى

2.كيف تعرفت على المنتدى

3.هل لديك عضويه في منتديات اخرى(وبدون امر وش هي)rgs:

4.اسم تحبه (بنت اوولد)

5.وش اكثر شي تخافه

6.وش اكثر ماده (تحبها.........وتكرها)

7.وش نوع المفاجات اللي تتمنى حصولها لك

8.طبع تكرهه

9. طموحك وامالك

10.رايك في احلام اليقظه.!!..........


وشكرا شكلي طووووولت بس ورونى شطارتكم ولاتفشلوني

[margog]

مشكور على هذا الموضووع الصراحه جيد والله ان الانسان يفكر ويشغل تفكيرة وليه وعشان ايش ومدري ايش ؟ كل هذي تتبادر
بالنسبه ليه اختيار اسمي
1- والله كنت جالس انا ووشخص عزيز علي وجلست افكر واخر شي طلع معي ( مرجوج ) margog >>>
هذا لانه نك نيم مستعار مجرد اسم والاسامي ماهي ملك لاحد وقلت لصديقي اللي عندي ضحك اخر شي وضعته وهذا هو اسمي اما الكنيه ( ابو عبدالله )
2- اتعرفت على المنتدى من شخصين ( الوحش المشرف ... وابو دحيم المشرف .) واول كنت مشارك في منتدي حوطه سدير بس جلست فترة مادري عنه اخر شي اتقفل المنتدى الاول وانتفح هذا وبلغت عنه من قبل المشرفين . الله يجزاهم خير
3- كان اول فيه بس الان اتوقفت من فترة وعدة منتديات بغير النك هذا بنكات ثانيه .
4- طبعا رجال يعني راح اسمي اسم رجال لانك تعرف ان فيهاحاديث واايات تدل على عدم التشبه بالنساء والعكس صحيح ... ولا وش رايك يالصحراويه وجهت نظرك ان الانسان يسمي نفسه باسم بنت وهو رجال او العكس .؟
5- مافيه شي يخافه ( ممكن شي واحد ) ان الانسان يخترق جهازة ويكتب شخص باسمه كلمات غير لائقه به ولا بالممنتدى هذا الشي الوحيد اللي ينخاف منه لان الاجهزة معرضضه للاختراق ومو مشكله يخترقه لاكن لايسبب مشاكل مع الاخرين نفس اختراق الاميلات في الهوت ميل
6- مادة يعني جبت طار ي المدرسه كل المواد حلوة بس المدرسين ماش لك عليهم بعضا منهم مو كلهم اللي اكرها ( انجليزي ) خخخخخخخخخخخخخخ وات اتز اكوتشن
7- والله الانسان يطمح لاشياء واجد ولا اقدر احدد هنا
8- طلع اكرهه مافيه شي .
9- طبعا الانسان يطمح لاشيا اكبر من كذا في الارتقاء بمعلوماته .
10- مجرد خيال وواهم بس حلوة تعطيك شوي رفاهيه مع انها ماهي حقيقه .

طيب يالصحروايه ليه ماجاوبتي انتي اول ؟

تحياتي لك الصحراويه
والصراحه اسئله حلوة يالصحروايه

[align=center]
1.سبب اختيارك لاسمك في المنتدى
لاني احس انه شاعري

2.كيف تعرفت على المنتدى
من خلال صديقة

3.هل لديك عضويه في منتديات اخرى(وبدون امر وش هي)
نعم لكن اتوقع عدم ذكرها افضل احتراما لمنتدى سدير

4.اسم تحبه (بنت اوولد)
عبد العزيز

5.وش اكثر شي تخافه
الظلماء

6.وش اكثر ماده (تحبها.........وتكرها)
احب مادة التاريخ واكره الرياضيات

7.وش نوع المفاجات اللي تتمنى حصولها لك
اني اقابل صديقة لي من ايام الطفولة ما شفتها وفرقتنا الدنيا

8.طبع تكرهه
التصنع

9. طموحك وامالك
الحصول على اعلى شهادة علمية

10.رايك في احلام اليقظه.!!
اعتبرها متنفس للانسان


صراحه موضوع لطيف منك يالصحراويه ويا ليت نشوف مثل المواضيع هذي باستمرار


صدى الاشواق[/align]

[ابو عبد العزيز]

1.سبب اختيارك لاسمك في المنتدى
لا نه مشتق من اسمي

2.كيف تعرفت على المنتدى
من خلال موقع حوطة سدير .

3.هل لديك عضويه في منتديات اخرى(وبدون امر وش هي)
نعم ولكني تركتها بعد ما عرفت منتديات سدير

4.اسم تحبه (بنت اوولد)
بدون تعليق

5.وش اكثر شي تخافه
الحسد

6.وش اكثر ماده (تحبها.........وتكرها)


تعديت هالمرحله من زمان

7.وش نوع المفاجات اللي تتمنى حصولها لك
اتركها للصدف

8.طبع تكرهه
الغرور

9. طموحك وامالك
الحمد لله على نعمه الكثيره اللتي انعم بها علينا ولا ينقصني الا شكر نعمته

10.رايك في احلام اليقظه.!!
زينه وانت تسوق السياره


ولك مني خالص التحيه يالصحراويه

[هرمنا]

.سبب اختيارك لاسمك في المنتدى

(( لاني من اهل الروضة .ومالقيت احسن من سد السبعين اللي في الروضة كي اجعله رمز لكتاباتي))
2.كيف تعرفت على المنتدى

هذا السؤال قاعد افكر فيه من زمان ولا تذكرت شلون تعرفت على المنتدى .وكنت احاول اتذكر عشان موضوع حاطه سقم في منتدى الترحيب والتهاني . لكن الشي الاكيد انه من احد الاعضاء .

3.هل لديك عضويه في منتديات اخرى(وبدون امر وش هي)

لدي عضوية في منتديين فقط ( اقصد عضوية نشيطة ) ولكن باسماء غير السبعين . وافضل عدم ذكر هذين المنتديين


4.اسم تحبه (بنت اوولد)

احب اسم عمر وابراهيم . واحب اسم لطيفة

5.وش اكثر شي تخافه ( دنيويا )

ان يساء الظن بي

6.وش اكثر ماده (تحبها.........وتكرها)

احب النحو واكره المحاسبة والفيزياء والكيمياء

7.وش نوع المفاجات اللي تتمنى حصولها لك

اي خبر يسعد المسلمين

8.طبع تكرهه

الطنقرة والزعل من اي شي حتى لو كان تافه

9. طموحك وامالك

ان ترضى علي امي وان يرضى علي ابوي

10.رايك في احلام اليقظه.!!..........

رهيبة خاصة في بعض الاماكن اللي يختلي فيها الواحد بنفسه .ويصير وقتها في نشوة الوناسة

========

عاد وش رايك في الرد ؟ احس اني سفير والا وزير واعرف اتكلم بدبلوماسية

تحياتي لكم

[الصحراوية]

اشكركم كلكم والله تعقيباتكم الحلوووووووووه واللي تفتح النفس وقولوا امييييييين جعلكم ماتتفشلون لادنيا ولا اخره rgs:

بس لي تعليقين :

مرقوق

انا ما اقصد انك تسمي نفسك لا اقصد اسم بنت او ولد تحبه يعني زي ماذكرت اختي صدى واخوي حفيد السبعاويه

((احس اني سفير والا وزير واعرف اتكلم بدبلوماسية ))امحق دبلوماسيه ها اللي تقول فيها اسم امك الله يحفظهاmas

تشكرااااااااااااات لكم وهذا دوري:
1-.سبب اختيارك لاسمك في المنتدى؟

اللي يقرا اسمي يتوقع اني احب الصحرا وبا العكس انا اكرهها بشكل كبير لكن تقدرون تقولون اني اخترته لانه اعجبني ككونه لقب بس..


2.كيف تعرفت على المنتدى؟؟

عن طريق الزيروه


3.هل لديك عضويه في منتديات اخرى(وبدون امر وش هي)؟

صراحه انا من النوع اللي ما استمر في اي منتدى لمده اكثر من شهر ,
لكن سدير غييييير عن كل المنتديات تحس فيه انك بين اهلك مو ناس غريبين ...

وحاليا عندي منتديين اكتب فيهم لكن نشاطي فيهم مو زي سدييير ابدا


4.اسم تحبه (بنت اوولد)؟

بنت =غاده
ولد=لؤي>>>>>تراني صادقه لاحد يحسبني اتطنز


5.وش اكثر شي تخافه ؟

المرتفعات

6.وش اكثر ماده (تحبها.........وتكرها)

اكثر ماده احبها =الكيمياء

اكره ماده=النحو

7.وش نوع المفاجات اللي تتمنى حصولها

تحرير الاسرى المسلمين من كل السجون والمعتقلات...


8.طبع تكرهه؟

التصنع



9.طموحك وامالك؟

اتخرج بأسرع وقت



10.رايك في احلام اليقظه.!!.

حلوه

[فهد المنيع]

[align=center]ما شاء الله موضوع يحسسك بالراحه -----> صدق والله


1.سبب اختيارك لاسمك في المنتدى
احس انه يشبهني وغير كذا احب الليل

2.كيف تعرفت على المنتدى
والله ما اذكر لانه هالكلام قديم

3.هل لديك عضويه في منتديات اخرى(وبدون امر وش هي)
كثير لكن ما اشارك فيها الا نادر مرررررره

4.اسم تحبه (بنت اوولد)
نوره

5.وش اكثر شي تخافه
انا مثل الصحراويه اخاف من الاماكن المرتفعة

6.وش اكثر ماده (تحبها.........وتكرها)
احب النحو والجغرافيا واكره الكيمياء والفيزياء والرياضيات

7.وش نوع المفاجات اللي تتمنى حصولها لك
ما ادري -----> اخر الليل المخ مجيّم

8.طبع تكرهه
التصنع والغرور واللي يسوي فيها ملكع خخخخخخخخ

9. طموحك وامالك
الاستقرار الوظيفي

10.رايك في احلام اليقظه.!!
احلى ونيس اذا مسكت خط طويل ----> خذ يا تأليف افلام [/align]

[الملتمس]

مسيكم بالخير جميع 00


دوتس اجاباتي على اسئلتس يالصحراوية 00


1 – سبب اختياري لأسمي في المنتدى ( هو إن فيه واحد من الشباب في احد جلساتنا قال لي والله انك ملتمس 00 وجازلي الاسم واخترته في المنتدى )

2 – تعرفت على المنتدى عن طريق موقع حوطة سدير 000 بس الفضل بعد الله لاشتراكي فيه يرجع لغويمض الله يعجل بتعويدته للمنتدى )

3 – العضويات في المنتديات الأخرى إلى قبل 000 بس فيه واحد هو اللي كنت فيه نشيط بالحيل بس الحين الوقت كله لها المنتدى الغالي 00

4 – أحب من أسماء العيلان ( محمد وعبد العزيز ) والبني ( ندى ونوف ) 000

5 – أخاف بعد الخوف من الله سبحانه من المتسان المرتفع ( بلاي قبلي احلم أني أطيح من متسان عالي واقعد اغلوي في السما وإذا قمت من النوم والاي حدر فراشي 000 )

6 – أكثر مادة أحبها ( طبعاً على وقتنا ) العلوم < -- حيثن فيها صور واجد وأكثر مادة اكرهها هي الحساب وكله بسبب هاك المدرس التفخ اللي قبله يقمعنا مع روسنا 00 حسبي الله عليه 000

7 – بصراحة أتمنى واحدن يطق علي الباب ويقول مبروك فزتا بمليون ريال 000 m< -- يا ليل ما اطولك

8 – اكره الطباع لي هو الغدر والخيانة 00 خصوصاً إذا جت من واحد ما تتوقعها منه 00

9 – طموحي وآمالي بعد العفو والعافية وصلاح الذرية 000 إني أروح لسوريا ارتسب لي ضروس 00

10 - أحلام اليقظة إن تسانتس تقصدين الهواجيس فهي زينه لأنها تضيع علي الوقت إلى صرت رايحن على الموتر للرياض 00


تحياتي لتس على هالموضوع 00

[سعد القاسم]

[align=center]اما انا معروووفه قصة الــــ س ق م والهنادي
هذي سياااره فقط لا غير ...وال س ق م لوووحتها ....
لكم مني اجل تحيه .. وشكرا لكم.... على فكره المووضوع فيه من التكرار شوي يعني بعض الاسئله... لكن سيبقى لتجدده في نواحي اخرى...

وشكرا لتس شالصحراويه ... لكن وشوووله اسم هالبنت ولا الولد الي تبين تعرفينه هه؟؟؟ خخخخ


وبعدين يالملتمس وراااك مصدقن عمرك بهالمليوووون خخخ
مااافيه الا كووومة دراااهم خخخخخخ[/align]

[الصحراوية]

حياكم الله يا حالم ليل والملتمس و سقم ,,والله يلبسكم الف عافيه على مشاركاتكم اللي تفتح النفس ....

تقبلوا تحياتي

[أمي الحصي]

1.سبب اختيارك لاسمك في المنتدى
مثلت في مشهد وكان دوري أمي الحصي وأعجبنيhgl:
2.كيف تعرفت على المنتدى
عن طريق محرك البحث جوجل
3.هل لديك عضويه في منتديات اخرى(وبدون امر وش هي)
سدير وبس
4.اسم تحبه (بنت اوولد)
ليان وفارس
5.وش اكثر شي تخافه
الحشرات
6.وش اكثر ماده (تحبها.........وتكرها)
الحاسب.....وأكره الأدب
7.وش نوع المفاجات اللي تتمنى حصولها لك
السفر الى نمساـ ـ ـ ـ ـ ـ >عجوز مهسترة
8.طبع تكرهه
الغيرة والأنانية
9. طموحك وامالك
رضى الله وتوفيقه
10.رايك في احلام اليقظه.!!
فلة وسعت صدر يعني كل شي في الحقيقة ما أحصلة وفي الحلم ما ألقاه

[بن جعيثن]

1.سبب اختيارك لاسمك في المنتدى
لقربه إلى نفسي...

2.كيف تعرفت على المنتدى
عن طريق موقع حوطة سدير...

3.هل لديك عضويه في منتديات اخرى(وبدون امر وش هي)
نعم ولكن ولائي الأول والأخير لهذا المنتدى...

4.اسم تحبه (بنت اوولد)
فارس ومن البنات ريم...

5.وش اكثر شي تخافه
الموت على المعاصي...

6.وش اكثر ماده (تحبها.........وتكرها)
أحب الرياضيات ومواد الدين والعربي ولاأكره شئ...

7.وش نوع المفاجات اللي تتمنى حصولها لك
أمور كثيرة...

8.طبع تكرهه
الجفاء...

9. طموحك وامالك
رجل أعمال...

10.رايك في احلام اليقظه.!!..........
رحلة ممتعة بلا تذاكر...

[الولهان]

1.سبب اختيارك لاسمك في المنتدى؟

( الولهان ) اسم عضو في أحد المنتديات ، أعجبني الاسم " وزرفته "


2.كيف تعرفت على المنتدى؟

سمعت عنه من أحد الأقارب


3.هل لديك عضويه في منتديات اخرى(وبدون امر وش هي)؟

ييس << بالعنقليزي

لدي عضوية في حوالي خمسة عشر منتدى .. "بس ماقد كتبت فيها" << مسجل عباطه


4.اسم تحبه (بنت أو ولد)؟

ياسمين


5.وش اكثر شي تخافه؟

الموت


6.وش اكثر ماده (تحبها.........وتكرها)؟

أحب التاريخ والمطالعه والنصوص
وأكررره الكيمياء


7.وش نوع المفاجآت اللي تتمنى حصولها لك؟

أن ألتقي بأشخاص أحبهم في الله انقطعت عنهم


8.طبع تكرهه؟

الحسد والعداوة


9.طموحك وآمالك؟

في الدنيا : أن أوفق للنجاح في الدراسة وأن أكون عاملا من عوامل نصر الأمه
في الآخرة : أن أنال جنة الخلد


10.رايك في احلام اليقظه.!!..........

أحيانا .. تكون تنفيس عن المشاعر << يعني إذ صرت حاقد على أحد اتخيل اني قاعد أكفخ (أعفج-أدبغ-أجلد) فيه

وأحيانا .. تكون تحفيز وشحذ للعزيمة لبلوغ الهدف << يعني أتخيل أني صرت مدير ولا دكتور ولا مهندس ولا وزير << مصدق عمره

وأحيانا .. تكون مضيعة للوقت


تحياتي لك أختي الصحراويه وللجميع:o