سؤال مني للغالين اهل سدير

[بسام الشمري]

السلام عليكم ورحمة اللة وبركاتة

اخواني اهل سدير -- انتم بكلامكم وتحدثكم عن المنطقة في المنتدي الغالي علينا -- شوقتوني0-0- وانا اتمني بس تجيني فرصة واجي زيارة الي سدير الغالية في اهلها 0-0- و المشكلة اني كل سنة اذ بغيت ازور منطقة القصيم لزيارة بعض الاقارب مع الاهل اقول بنفسي ودي ادخل الديرة اشوف سدير واتعرف على اهلة لان واللة ما حببني بسدير الا واللة اهلها ولي زملاء من سكان الرياض من نفس المنطقة وكذلك في الدراسة معي دائما يحكون لي عن المنطقة ورحلات الصيد وطلعة البر اذ راحوا يقضون الاجازة عند اقاربهم بسدير وانا ملاحظ شي اعجبني في اهل سدير طيبتهم وكرمهم وحتي واللة التكاتف بينهم في الرياض عندنا وفية سؤال يحيرني في وضع الاتصال با الهاتف ادخل رقم مفتاح القصيم \06 ومع ان سدير تابعة لمنطقة الرياض وكذلك الغاط
وو فقكم اللة الي ماهو خير للمسلمين وديرتكم الغالية عليكم وعلينا 0-0- محبكم من راض العاصمة 0000 بسام الشمري

[السم الهاري]

أخي بسام الشمري ... أولا أهلا بك في ديرتك وبين أهلك ...

اما بالنسبة لسدير فهي منطقة و قطاع كبير . ويتألف من عدد من المدن والقرى . وليس هناك مدينة بهذا الأسم ( سدير ) ... هذا للتنبيه أخي الكريم ... ومرة أخرى أهلا بك في منطقتك وبين أهلك ...

تحياتي ...

[الملتمس]

مسيكم بالخير جميع

اخوي الغالي بسام الشمري يا مرحبا بك ( يا بعد حيي ) < -- متسلفها منكم

الله يحييك عدد ما مشيت وعدد ما حكيت

زيارتك لنا في سدير شرف لنا يالغالي ومثل ما قال لك اخوي السم الهاري سدير منطقه او بالأصح اقليم يشتمل على العديد من المدن والقرى والهجر وكلها امتدت اليها يد التطور والعمران 000 وهي تقريباً في المنتصف بين القصيم والعاصمة الحبيبة الرياض

والله يحييك بين اهلك وربعك واي بيت تدخله في سدير يعتبر بيت للجميع 000 نتمنى منك ومن كل الغالين تشريفنا بزيارة ويا ليت ترسل رساله خاصة لي او لأي احد من اخواني شباب سدير وتعلمنا بموعد زيارتك عشان نقوم بالواجب 00 ومثل ما قلت لك اي بيت في سدير من شمالها لجنوبها لشرقها لغربها هو بيت للجميع 00 والله يحييك في أي وقت ونتشرف بزيارة مثلك وشرواك


ولك احلى سلام يالغالي

[margog]

أخي بسام الشمري ... أولا أهلا بك في ديرتك وبين أهلك
وياهلا ومرحبا
ويشرفنا حظورك بين اهلك وربعك
وبالنسبه لمفتاح المناطق مافيه اي مشكله
مثل حفر الباطن والدمام او بالمعني الاصح المنطقه الشرقيه تبدا ب 03 ونفس الشي المنطقه الوسطى تبدا ب 06 وهلما حرا والغربيه لهم مفتاح والشماليه لهم مفتاح
يعني المناطق مقسمه حسب تقسيم شركه النهب والكذب والاحتيال ( الاتصالات )
وبالنسبه للمنطقه
اعجبني في اهل سدير طيبتهم وكرمهم وحتي واللة التكاتف بينهم
هذا من طيبتك وحس اخلاقك
وهذا واجب علينا
وحياك بكل وقت
تحياتي واشواقي
<<<<< بس انتبه يغرك النك مرجوج ( تراة عاقل ) خخخخخخخخخ
تحياتي واشواقي لك

[فهد المنيع]

يا هلا والله اخوي بسام ..

ما ابي ازود على كلام الاخوان شي واللي اقدر اقوله لك يا ليت تشوف لك اقرب فرصة وتزورنا في سدير وتبلغنا عشان نقوم بالواجب ونمشيك في المنطقة كلها .. وهذي والله ابرك الساعات وانا اخوك ..


ويا هلا وغلا بك في اي وقت ..

[بسام الشمري]

السلام عليكم ورحمة اللة وبركاتة

الغالي - السم الهاري

الغالي - الملتمس

الغالي - margog

الغالي - وادي ابا المياة

الغالي - حالم ليل

بارك اللة فيكم .. ويعطيكم الف عافية ونعم بكم وبربعكم -- ورايتكم بيضاء من قولكم اللي يدل بفعلكم - يا بعدي حيي - حلوة متسلفة منكم ترا اهل حائل يدورونها واثرة معك 00000000000000