[align=center]هذه أول قصيدة أوجهها لأخي وأستاذي الشاعر / صالح حسين التمامي . أتمنا تلقون فيها مايروق لكم .
.................................................. ..........[/align]
[poem=font="Simplified Arabic,4,black,bold,normal" bkcolor="transparent" bkimage="backgrounds/13.gif" border="double,4,purple" type=1 line=0 align=center use=ex num="0,black"]
(( طاحـت الشجعان ))
أنا ادري قل عرف البعض يجعل هرجك سياحي=وهذا عذر من يبدي لك التسليم ما كنه
سلام الله على اللي خوته تشرى بالأرواحي=عدد دمع المزون اللي نزل بالخد واسقنه
تحيات الوفاء للي معَ طاريه نرتاحي=أبو حسين راعي العز والمعروف والمنة
أبو حسين درعٍ للظهر وحزام وسلاحي=مع درب المراجل ماشيٍ ما يفترق عنه
ابنظم له من نجوم السماء عقدٍ ومسباحي=عظيم الشان رأسه فوق والنجمة تحت منه
ألا يا ليت وقتي يا رفيقي معك ما راحي=ألا ليتي بعد جبت الفرايض زدت بالسنة
ترى التاجر يعز الربح وانته غاية أرباحي=ما أظن الربح من دونك يجي ياخوك ما أظنه
أنا لو اجمع العالم مجانينه مع الصاحي=لقيت الكل مع صالح يحس بعيشة الجنة
يقوله من جمعه الله معك وبصوت صداحي=طلعنا مع كريمٍ والسوالف جالها خنه
طلعنا واطلعنا والنفوس تعيش بأفراحي=كسبنا واكتسبنا والسعد يضحك لنا سنه
وتواعدنا على جال البحر والكل سباحي=وكلٍ لاتلاطم موجها يظهر لنا فنه
وشبعنا من مقانيصٍ وصفها الطب لجراحي=وشربنا من غديرٍ فيه طب لشاكي الحنه
سقانا الله من غيثٍ يهدي روع من ناحي=وطربنا مع حمام يجذب الألباب بالونة
وسمرنا مع حمام الورق لين انشق الاصباحي=تنثر ليلهن واليا انتثر ردن وضمنه
ألا محلاك ياليلٍ تشعشع منه الارياحي=وألا محلاك ياليلٍ يناغم من يزورنه
وألا محلاك ياليلٍ يجي به جد ومزاحي=ولابه جد من غير المزوح اللي يثيرنه
ثلاث أيام مع ليل الغلا والحظ ماطاحي=رفعه الله من حظٍ وجاب اللي يخدمنه
ألا يا صاحبي وان كان بارق رجعتك لاحي؟=على يدينٍ تحوف ألنا العسل وايدٍ يصبنه
فأنا في خوتك مرتاح وأنت أظن مرتاحي=ترى رجلي معَ رجلك طويل الخط يطونه
أنا ما خفت شجعان الملا دام انك سلاحي=أنا لاقلت ( صالح ) طاحت الشجعان منجنة
راعـي الـروضــة [/poem]
[align=center]رد الشاعر / صالح التمامي .[/align]
[poem=font="Simplified Arabic,4,black,bold,normal" bkcolor="transparent" bkimage="backgrounds/13.gif" border="double,4,purple" type=1 line=0 align=center use=ex num="0,black"]
(( تــيـن الـبـحــر ))
مع أمواج البحر جاني قصيدٍ بالوفاء فاحي=من اللي شامخ الهامة رفيقه جاء على ظنه
عسى منهو رفع شاني حياته مابها اتراحي=وعسى سهوم الخطر يا للي ملكت الكون يخطنه
مدح صاحبه من طيبه وأنا لوجيت مداحي=أنا ما اوفي أبو مازن عشر ماينعرف عنه
رفيقي مانسى العشرة ولا قال الزمن ماحي=صدوقٍ صادقٍ معنا وحوش البر هابنه
خوي ونشري الخوة كثير من العرب طاحي=وعسى نفوسٍ ردا فيها عزيز النفس يفدنه
يابومازن بحرنا عذب بحرنا مابه املاحي=بحرنا صافيٍ لونه مراكب صيد ينصنه
على شاطيه لوه عذب ماقد عاش فلاحي=وخضاره ما عرف راعي شموسٍ بس يرعنه
زرعنا بالبحر حنا زهور وفل فواحي=وشهد نجنيه ما كدر لنا الأمواج جابنه
مع النهام واليا مال طليب الصيد رد احي=مدام الصيد بشباكه وداناتٍ لهن رنه
وترى للبحريالصاحب عدو وكم سفاحي=وتين البحر لو يقطع نجوم الليل يبكنه
رمالٍ تصطفق حوله يقاوم عكس الارياحي=ولو سلم لها مناقصايد حزن يرثنه
عسى الأيام يا لصاحب علينا ماتجي شحا حي=ودش البحر من دونك سنين العمر يلعنه
بحر يطرب بحر يعجب به الخفاق سواحي=عيونٍ شافت شموسٍ خفوقي مايلومنه
وربان البحر عنده لبابٍ صك مفتاحي=كريم لكل من زاره طيور الجو زارنه
نبي ليلٍ ذكرته لي وشمسٍ مالها وشاحي=ونبي نسري على شمسٍ ذهبها ما عرف حنه
ونبي ليلٍ كسا صبحٍ وصبحٍ شال تفاحي=وليلٍ مشرقة شمسه ونجوم الصبح سهرنه
ونبي نهرٍ يجارينا به الأحزان تنزاحي=ومن يتعب من المارد به الغزلان يسقنه
وصيد النوم ما يرضي . حلاة الصيد للصاحي=وحب الصيد في دمك عروقي تشتكي منه
بحرنا مركبه والم وله قايد وملاحي=نبي نبحر بغباته وموال البحر غنه
ونهاية بعض ما عندك أنا لاشك مرتاحي=نبي روحة لمن روحك وروحي ما يملنه
صالح بن حسين التمامي [/poem]