مرثية في الشيخ عبدالعزيز بن باز رحمه الله .

القيصـــر · 27-05-2005, 11:32 AM

قصيدة رثاء في سماحة الشيخ عبدالعزيز بن عبدالله بن باز المفتي العام للمملكة العربية السعودية ورئيس هيئة كبار العلماء رحمه الله وأسكنه فسيح جناته .

الشاعر يعتذر كالعاده عن ذكر إسمه ... وإليكم القصيدة من أرشيفي .

[poem=font="Simplified Arabic,5,white,bold,normal" bkcolor="white" bkimage="backgrounds/21.gif" border="solid,7,white" type=0 line=0 align=center use=ex num="0,black"]
يوم الخميس الصبح ياشين الأخبار = خبر وفاة الشيخ والله مصيبه

فجيعة الإسلام في كل الأقطار = علمٍ توارى حط فوقه نصيبه

فقيدة السنة وحلقات الأذكار = تنعاه مكة ثم نجدٍ وطيبه

وكل الجزيزة شيوخها اصغار واكبار = يبكون مثل الذي غدا له ذهيبه

فقيدة الإسلام في كل الأمصار= الشيخ مثله تعجز أمه تجيبه

فيه الورع في التقى شيخنا البار= علمٍ وفتوى وكل سائل يجيبه

ثمانين عام كلها ليل ونهار = علمٍ وتعليم عسى الله يثيبه

الداعيه اللي يصلي بالأسحار = هذا طبيب العلم والله طبيبه

الحنبلي هو شيخ الإسلام تكرار = الله عطاه العلم وحلم وهيبه

يدافع عن التوحيد عن قول وأفكار = خوفٍ على الإسلام شيٍ يعيبه

الشيخ يقضي والملك سيف بتّار= مافيه قانون ولاهي غصيبه

الحكم شرع الله ضد عميين الأبصار = الشيخ يامر والحكومه تجيبه

دولة سعودية لها سالف أدوار = متمسكه بالدين والله رهيبه

وصارت عزيزه وعزّها الله بالأخيار= تكرم رجال العلم دولة عريبه

واليوم مات الشيخ الوالد البار = غيبتك يا ابن باز عنّا صعيبه

وأعزي عيال بكوا داخل الدار = ولا ألوم من يبكي بفرقا حبيبه

عزاي لأهل العلم واللي لهم كار= وعزاي فالله عالم سر غيبه

من موتتك ياشيخ تهتز الأمصار = وقلوبهم تهتز لهول المصيبه

جزاك بالجنة وتجري بالأنهار = في ظلها يوم الحشر يهتنيبه

عساك في الفردوس بجوار الأبرار= الأولياء مافيه خوف وريبه

يالله على قبره شهابيب الأمطار= رحمتك عن هول القبر واتعذيبه

يارب واجعل له وقايه من النار= شيخ على دين النبي يقتديبه

الشمس غابت واختفت شوف الأنظار= والنجم مثله ماظهر من مغيبه

أكله حلال ويطعم الضيف والجار= هذا يبي يسأل والآخر يجيبه

أحدٍ يبي عونه والآخر يبي دار = ويعطي اليتيم اللي أموره صعيبه

بيت الفقيه مشرّع ليل ونهار = وكلٍ نصى بيته وياخذ نصيبه

العلم يبقى حروف من فوق الأسطار= والجسم يفنى ورحمة الله قريبه

عسى الخلف بعد الفقية فالأخيار = اعيال ربّاهم بعلمه وطِيبه

من صلب شيخٍ مايجي واهج النار= عبدالعزيز له الفضايل وهيبه

تمت وصلى الله عدد كل الأمطار = على نبي أمته تهتديبه [/poem]

سعد القاسم · 27-05-2005, 12:52 PM

الله يجزاك خير مرثيه رااائعه والاروع منها انها في الشيخ بن باااز رحمه الله ...
والله يرجمنا جميع .....

والابياات والهحلووه وتهيض الحااسيس والمشااعر وتصوير للمآساة الي مر عليها المسلمين الله المستعان بس ...
مانقوول .. الا الله يرحمك ياااشيخنا الفاضل ويلحقنا بك في ىالفردوس الاعلى .... مع النبين والصديقين والشهداء ...

والله يجواك بالخير اخوي القيصر .. كلمااتها جدا رااائعه وانشالله نعرف منهو الشاااعر ..... .. لا تخبي علينا وانا اخووك القصيده رااائعه بالحيل ..

القرم · 27-05-2005, 01:01 PM

الله يجزاك خير ......

على النقل .....

وصح لسان قايلهااااا

إحساس · 28-05-2005, 05:48 AM

يعطيك العافية.. القيصر..

سلمت يمينك..

وصح لسان قايلها.

جورية · 28-05-2005, 11:10 AM

اخي القيصر

الابداع منك واليك وانت تنتمي له وكلاكم امتداد للاخر

سلمت يمينك على هذا النقل الجميل

احسنت الانتقاء وعرفت من تختار شاعر بليغ يكتب في شيخ جليل وعالم كبير

انه والد لعلم والدين

نسئل الله ان يكتب اجرك ولا يحرمنا اللقاء بشيخنا في جنان الفردوس

سيف السيف · 28-05-2005, 02:18 PM

[align=center] الاخ القيصر

الشكر كل الشكر على القصيدة

وجزاك الله خير وسلم لسان قايلها

وتقبل مني التحية والتقدير والاحترام

سيف السيف[/align]

هوجاس · 28-05-2005, 08:55 PM

لم اقرأ القصيده

ولكني متأكد انها تليق بمقام سيدي الوالد سماحة الشيخ عبدالعزيز بن باز رحمه الله

اللهم اغفر له وارحمه واغفر لموتى المسلمين

قصيده تكتب في ابن باز

الا تستحق التثبيت؟؟؟؟!!!

بوركت يمينك اخي القيصر

هـــوجاس

**سعود الخليل** · 28-05-2005, 11:59 PM

نسأل الله العظيم رب العرش الكريم أن يغفر له ويرحمه ووالدينا وجميع موتى المسلمين ...

أمير سدير · 29-05-2005, 01:49 PM

القصيده نوعا ما جميله من ناحية المعاني
اما القصيده فكأني ارى انها مكسوره الوزن

عموما يستحق الشيخ رحمه الله كل الخير والدعاء له

Computer GirL · 29-05-2005, 02:05 PM

مشكووووووور أخوي القيصر على هالقصيدة اللي في انسان مهما قلنا وتكلمنا عنه ماراح نوفيه حقه

الله يرحمه ويغفرله ويجمعنا به مع والدينا في جنات الفردوس الأعلى
والله يخلف لنا خير منه يااااارب

تسلم أخوي والله يعطيك العافية