حلى الفيمتو .. لا يفوووووتكم .. بالصور

[فرفوشة]

طبعا اول شي نسمي بالله

وبعدين عشان يطلع الشغل مضبوط ومية بالمية
لااااااازم وحتما ولا بد
نشغل المسجل على أحد أشرطة المنشد عبدالله المهيدب
وليكن شريط عصفوريات الاول وحبذا تكون نشيد ( كنت بيوم من الأيام وأمي .. في المطبخ تطبخ )




المهم
هذا الحلى يتكون من مرحلتين

مقداير المرحلة الأولى:



1 دريم ويب
1 قشطة
2 قطعة كيري
نص جلي أناناس
سويسرول 1 فنيليا و1 كاكاو
بيالة ماء ساخن

المقداير هذي تكفي لصينية دائرية قطرها 20 سم




الطريقة:
نخلط الدريم ويب والقشطة مع بعض بالخلاط
ثم نضيف الكيري

نجيب وعاء ثاني ونخلط فيه المويه الحارة والجلي بالملعقة حتى يتمازج
بعدين نحطه مع الخليط الأول ونخلطه بالخلاط التسبير




نغلف الصينية بنايلون شفاف عشان نطلعها بسهولة إذا خلصت ==> للمحترفين فقط
واللي عنده الصينية اللي تنفتح جوانبها يكون أفضل




نقطع السويسرول كل حبة خمس قطع




نصف قطع السويسرول الفانيليا أولاً في الصينية




ثم نسكب عليها نصف الخليط




همن نصف السويسرول الكاكاو فوق الأول




ثم نسكب عليه النص المتبقي من الخليط




ثمن نحطه بالثلاجة حتى يتماسك

انتهت المرحلة الأولى

===================

مقادير المرحلة الثانية:




بيالة فيمتو
ملعقة كبيرة نشا
نص كاس مويه

الطريقة:
نخلطها سوا في قدر
همن نحطها بالنار .. أعوذ بالله من نار جهنم




نخليها على النار ونحركها لما تصير ثقيلة
إذا صارت ثقيلة نوطي النار وننتظر لما يصير لونها عنابي داكن




نتركها لما تدفى
انتبهوا إذا بردت تخرب
المهم إذا دفت نطلع طبختنها اللي سويناها في المرحلة الأولى
ونصبه فوقه ونحركه يمين ويسار لما يشمل كل الجوانب




بعدين نحطه بالثلاجة لما يبرد انتبهوا لا يكون مايل
ولا تلحسون القدر اللي سوينا فيه الفيمتو لأن اصبعي إلى الحين أحمر

انتهت المرحلة الثانية

================

بعدين نطلعها من الثلاجة
ونشيله من النايلون اللي حطيناه اول شي .. تذكرون !!
ونحطه بصحن مضبوط




ونقص النايلون اللي طالع .. فشلة بعد وشو !!
ونزينه حسب الرغبة
حنا زيناه بشرايح أناناس
داير ما داير




يمكن الصور ما تشهي مرة
بس انه مرررة حلوووووووو
تراااااااااه يجننننننننننننننن
أكلنا أصابعنا وراه
وتسلم يديني !!
أحسن من الجاهز بكثيييييييير

[miss sudeer]

الله الله الله

ماشاءالله

وش هالزين!!

اي والله تسلم يدينك .. والله خطيره يافرفوشه والنتيجه مذهله ..

يعطيك العافيه ياربي..

[فرفوشة]

يوه شكرا يا مس
كبر راسي

بس كنت أنتظرس تردين
أنتظر رايس أنت بالذات
بعد ما تسوينه وتذوقينه
سلااااااااااااااااااااااااااام

لحظة نسيت شي
<< خويس

[جورية]

فرفووووووووووووووووووووووووووووشة

منتي بصااااااااااااااااااااااااااااااااحية

كل ذا يطلع مننننننننننننننننننننننننننننننننننننننننك

والله انك خططططططططططططططططططططططططططططيرة

حررررررررررررررررررررررررررررركات يا بنت الفرافيش


بس تبين الجد الحلى راااااااااااااااااااااااااااااايق بس اعرفه ومن زمان ما سويته

الله يعطيك العافية يا قلبي ويسلم هاليدين

[miss sudeer]

هاه ايه صح ماحطيته --------------->

كان مسخن يوم ارد عليك
خخخخخخخخخخخخخخ

[فرفوشة]

شكرا يا جورية شكرا
وش دعوى ما سوينا شي
ومشكوووورة على طلتس الحلوة

[القرم]

الله الله

عليك فرفوشه

حلى الصرااااحه ماشفت مثله

تسلمين وماااااقصرتي

ويعطيك الف عافيه

[العقاري]

انا ما لي في الطبخ بس طريقته تشهي


طاحت ...........

[فرفوشة]

القرم والعقاري
شكرا لكم جزيلا

[فهد المنيع]

يم يم يم قطرت سعبولتي هع هع هع


وش هالحركتاااااااااااااات يام الفرافيش ؟؟؟؟؟؟؟؟؟؟


خطيرة

[أبو إبراهيم]

وش ذا الحركاااااااات

الا اشرطة المهيدب قبل ولا بعد الحلى

تسلم هاليدين اللي صلحت هذا الزين >>>>>> شاعر زمانه

[السنبلة]

[frame="3 80"]ما شاء الله عليتس والله إنتس بنت ظفرة الله لا يظرك..

بس متأكدة إنك أنتِ اللي مزينته.. ولا عليتس التصوير بس

==========

ههههههه الله يرجك أزين شي (ولا تلحسون القدر اللي سوينا فيه الفيمتو لأن اصبعي إلى الحين أحمر)..

حطي عليه عسل علشان ما ينتفخ..

على طاري ينتفخ (سواليف على غفلة)!!.. يقولون فيه عجوز سوّت كيكة ويوم انتفشت وهي تدهنها بفكس ..

========

تسلم يديتس حبيبتي.. وودي تذوقيني إياها قبل.. ما أحب المغامرات..


وتقبلي أحلى تحياتي..[/frame]

[سعود الخليل]

ماشاء الله وش هالشغل الزين يا فرفوشه .... بصراحه انا من زمان ما سيرت على منتدى الطبخ لا تزعل علينا مس سدير !!

لكن موضوعك رايق ومتعوب عليه الله يعطيك العافيه ...

[الأم الحنون]

[align=center]الأخت الفاضله فرفوشه
اسعد الله مسائك بكل خير

ماشاء الله تبارك الله ..وش هالطبق الرائع
بصراحه فن مابعد فن ...كله رائع ولكن فعلا هالكيس البلاستيك اول مره
ااعرف انه ممكن الأستعاضعه عن صينية التشيز كيك بهالطريقه
السهله ...
شكرا لك استفدت كثير من هالحلى وان شاء الله ابزينه ..
تسلم يدينك ..
ملحوظه .
شكلي ابستخدم الهيدفون لشريط استاذنا المهيدب تريد ليش ؟؟
اقولس ...علشان عيالي الله يحفظهم مايجون يتراكضون عندي
بالمطبخ ثمن ماعرف ازين هالطبق ..

تسلمين ...بارك الله فيك [/align]

[المنتظر]

[align=center]

المشاركة الأصلية كتبت بواسطة الأم الحنون   [align=center]الأخت الفاضله فرفوشه اسعد الله مسائك بكل خير ماشاء الله تبارك الله ..وش هالطبق الرائع بصراحه فن مابعد فن ...كله رائع ولكن فعلا هالكيس البلاستيك اول مره ااعرف انه ممكن الأستعاضعه عن صينية التشيز كيك بهالطريقه السهله ... شكرا لك استفدت كثير من هالحلى وان شاء الله ابزينه .. تسلم يدينك .. ملحوظه . شكلي ابستخدم الهيدفون لشريط استاذنا المهيدب تريد ليش ؟؟ اقولس ...علشان عيالي الله يحفظهم مايجون يتراكضون عندي بالمطبخ ثمن ماعرف ازين هالطبق .. تسلمين ...بارك الله فيك [/align]

تحياتي

أخوك المنتظر
.[/align]