شاعر الشهر ( راشد بن جعيثن )

عبدالله الصالح · 13-06-2005, 03:21 AM

[align=center] السلام عليكم ورحمة الله وبركاتة

امتداداً لفكرة الاخ المتميز ( فهد نجد ) في طرح مثل هذا الموضوع

وحرصاً من الادارة على دعم الافكار الجميلة والمفيدة

لذلك اضع بين يديكم الحلقة الاولى من حلقات هذه السلسلة لشعراء المنطقة بدايةً ومن بعدهم شعراء مملكتنا الحبيبة

والفكرة تدور حول ان يتحفنا الاعضاء بمشاركات عن هذا الشاعر من خلال سيرتة الذاتية واتحافنا بقصائدة الجميلة هنا ، مع احقية كل عضو بالرد اكثر من مرة كلما رغب في ذلك دون قيد او شرط

وسيبقى الموضوع مثبت هنا ومفتوح لمدة شهر من اليوم وبعدها يقفل الموضوع ويجمع مافيه من قصائد وتوضع ديوان للشاعر في قسم الدواوين ....

ولكم خالص التحايا جميعاً,,,

وهذه اولى مشاركاتي بهذه القصيدة الجميلة جدا للشاعر راشد بن جعيثن

[/align]

**سعود الخليل** · 13-06-2005, 10:48 AM

راشد بن جعيثن ،، الشاعر المبدع ..

إختيار موفق أخوي دفين الجرح ...

[poem=font="Simplified Arabic,4,black,normal,normal" bkcolor="transparent" bkimage="" border="double,4,sienna" type=0 line=0 align=center use=ex num="0,black"]
يا مل قلب يشف الهم ويخمه = خمة عجوز ولدها بين روحيني [/poem]

تأبط شرًا · 13-06-2005, 01:40 PM

إختيار موفق أخي أبوميار
وأشكرك على المبادرة السريعه بتنفيذ فكرة الأخ الرائع فهد نجد

وسيكون لي عودة قريبة بإذن الله مع الشاعر الجزل راشد بن جعيثن

وتقبل تحيات أخيك
أبوعبدالله

القيصـــر · 13-06-2005, 02:49 PM

السلام عليكم

مبادرة كريمه ... سلمت لنا أيها الرجل العظيم

إختيار موفق ... وشاعر كبير ... !

ولي عوده للموضوع .

سجل حضوري

محبتي لك ** أبو ميار

راعي الروضة · 13-06-2005, 03:38 PM

[align=center]أبوميار

أختيار يشبهك .

وأبومحمد يستاهل أن يفرد له صفحات وصفحات فهوا وبلامبالغة الأب الروحي للشعرالأعلامي المقروء عبرمجلة اليمامة .

وأذكر بيتين لبومحمد دائماً أرددهن :
[/align]
[poem=font="Simplified Arabic,5,black,bold,normal" bkcolor="transparent" bkimage="backgrounds/2.gif" border="none,4,gray" type=1 line=0 align=center use=ex num="0,black"]
كل ماخيطت لي فتقٍ بثوب=أنفتق فتقين والسلك أنقطع
ماتوصل غاويٍ عوج الدروب=وثقب الابرة في عيوني ماتسع[/poem]

[align=center]وعلى المحبة نلتقي دوماً .

ولك صادق ودي . [/align]

فهد نجد · 13-06-2005, 05:25 PM

الرائع دائما ً راعي الأولة بعد التحية 0

أولا ً اشكر لك سرعة المبادرة في تقديم الشاعر الكبير (( راشد بن جعيثن ))

واختيارك موفق جدا ً فهذا الشاعر يستحق الوفاء من أهل الوفاء 0

........................
أنا بصراحة أحببت المشاركة في هذه القصيدة للشاعر بن جعيثن )) وهي قصيدة مؤثرة جدا ً 0 يقول الشاعر

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يامـــل قلــبٍ يفـــك الهـــم ويخمــه =خمــةعجـــوزٍولدهــا بيـــن روحيـــني
قــدام تزهـــق حياته قـــال يايمــه=ثم اصفقـت من عظيم الوجـــد كفينـــي
طاحت علــى صــدره اللـي وقــفٍ دمـه=ويـوم اذهنـت جـرت الونـه بصوتينــي
وقامـت تخمخــم يديـه وجـــودت كمــه=تبيـــه وأفخــت وزاد الهــم همينـــي
وعلـى النعــش يـوم قفوبــه بني عمـه =طاحـت وقامــت وهامــت وحالهـا شينـي
تـدوي علـى ثوبـه المنطــول وتشمـــه=وتسقي جفاف الشحـوب بدمعــت العينـي
من حر فرقــاه مـاتمشـي على اليمـــه=ولاتميــزالأحد من يوم الاثنيـنـي
وماترقـد الليــل من حزنـه ومـن همـه=والقلـــب كنـه يطَعــن بالسكـاكينـي
كـن المعــــزي يشـوف عيونهــا يمــــه =إتغيب وتذهن ليــا جوهــا المعزينــي
وجابو لهـا الل قــرا بالمصحــف وتمــه=يقـرا عليهــا من القـرآن ياسينـــي[/poem]

...........

اتصور أن للقصيدة بقية 0 لعلي أكملها لاحقا ً

ننتظر البقية وأرجو منكم التفاعل مع شاعرنا المبدع 0

القرم · 13-06-2005, 06:53 PM

وهذه ايضاً قصيده سامريه للشاعر / راشد بن جعيثن ....

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
طاوعـت فينـي كـل عـاذل ولـوام = وش دخـل العـذال بيـنـك وبيـنـي
الحاجز الوهمي على طول الايام = يكـبـر ويصـغـر حـبـنـا ياضنـيـنـي
انسوك عشرتنا وهي توها العـام = وصورة خيالك بين جفني وعيني
وحطمتني وانهيـت امـال وأحـلام = تقذف بهـا الامـواج شـك ويقينـي
حقي من معاشرك هجرانك النام = على الرجى حبك يضيع سنينـي
معـك الوعـد يامايـس القـد قــدام = ان جادت اظروفي بتسديد دينـي [/poem]

وادي سدير · 14-06-2005, 02:46 AM

اختيار موفق لشاعر ممن تربعوا على قمة الشعر الشعبي

من قصائده

[poem=font="Simplified Arabic,4,purple,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
اقلط...بقهويك شعري فاحت دلالــــــي= اقدع قصيده وخذ فنجالها صـــــوره
صافح كفوف المعاني واقف اقبالــــي=قصيدتي فيك مختاله ومغــــــروره
ما بيك ...تاقف وراي وتجرح اظلالي= اقف بعين بها صورتك منثـــــــــــوره
اشرب ظما هاجس ما جا على بالي=يظهر خطيب القصيد ويعلن الثــوره
كان الشعر فيك نار هاجسي صالـي=افرش لي الجمر كان الارض ممطوره
ورد اول الهم لا تنسى على التالــــــي=الخيل من صيحة الخيال مذعــــوره
وامر عيال العيون السود تقرالــــي= سواد عيني لصبح الكف سبـــــــــوره
وانا اعتبرني حظيظ وطيب فالـــي=لو كان لي رغبة من عام مقهـوره
مال المواعيد هو همي وغربالـــــي=اكثر تقاليد وصل اليوم ممـــــــــروره
اطلقت سمع الشعر يمي ولا جالي= شاح يتعطف هواه وفاحت اعطوره[/poem]

**سعود الخليل** · 14-06-2005, 12:04 PM

[poem=font="Simplified Arabic,4,black,normal,normal" bkcolor="transparent" bkimage="" border="double,4,sienna" type=0 line=0 align=center use=ex num="0,black"]
لـيـاك تتعبـنـي وانــا مـنـك تـعـبـان = يكفـي تعبـك العـام يـاروح روحــي
مـرت سنـة يامتلـف الـروح زعــلان = وانـا احسـب انـك بالـمـودة نـصـوح
ماهـوب حقـي منـك صـد وهجـران = يـا مجـدد فـي كـل يــوم جـروحـي
ابكي عليك من الضحى ليا مسيان = و الاعــي الـورقــا حـزيــن وانـــوح
هذي سواة الغـي خاسـر وربحـان = يـاخـل يــا لـلـي بالـمـودة شـحـوح[/poem]

فهد نجد · 14-06-2005, 01:18 PM

درر من من شاعر عاصر وشاعر عزف أجمل لحن للكلمة 0

والدرر تزداد لمعان بتواجد وروعة الأختيار 0

انتظر أجمل 0

القيصـــر · 14-06-2005, 02:12 PM

السلام عليكم

في صباح بهيج .. وجلسة ً شاعريه جميلة .. حيث المتعه وكل شئ جميل في صحبة والدي الغالي .. فسألته عن الشاعر راشد بن جعيثن فسرد لي بعضــآ من هذه القصائد أتمنى أن تحوز على رضاكم وأستحسانكم .

بداية وأسمحوا لوالدي بالمعانقه

[poem=font="Simplified Arabic,5,black,bold,normal" bkcolor="transparent" bkimage="backgrounds/39.gif" border="solid,7,black" type=0 line=0 align=center use=ex num="0,black"]
سلّم على منتدى أهل اسدير = في نجد واللي يحبونه

مني تحية مع التقدير = لسدير واللي يسكنونه

ياليت من له جناح يطير = وأقول شعري ويوحونه

للمنتدى احدود بلاد اسدير = لبلاد القيصـــر يودونه

وللمشرف العام رح ياطير = والنائب اللي يذكرونه

وفهد نجد وحلم الليل = والمنتدى الأدبي لعيونه

بلّغ سلامي بلاتقصير = ياطير لازم يكتبونه

الشعر في المنتدى تعبير = عن حالة سدير وش لونه

يحكي عن أجدادهم والغير = للضيف وإن جا يكرمونه

فيهم كرم والوفاء أهل سدير = ثم أنشد اللي يعرفونه [/poem]

ويقول أيضــآ

[poem=font="Simplified Arabic,5,black,bold,normal" bkcolor="transparent" bkimage="backgrounds/35.gif" border="solid,7,black" type=0 line=0 align=center use=ex num="0,black"]
الله ياعلمٍ لفاني مسيان = تكسرت منه الضلوع الصحاحي

وعيني يلوج بحجرها تقل عيدان = وقلبي يلوفه مثل شوك الطلاحي [/poem]

ويقول أيضآ

[poem=font="Simplified Arabic,5,black,bold,normal" bkcolor="transparent" bkimage="backgrounds/14.gif" border="solid,4,black" type=0 line=0 align=center use=ex num="0,black"]
رزقي على اللي حزم الغرس بالليف = جميع مايخفى على الخلق شافه

والأجنبي لاتجهده بالمحاليف = حذرا عن الصده وكثر الكلافه

والحكم لله مالنا فيه تصريف = فكر بليلة والضحى وإختلافه

ولا صرت إميرٍ بالك الظلم والحيف = إنهض مع المظلوم وأطلق كتافه

وميزان عدلك لايجي فيه تطفيف = راقب إلهٍ نرتجيه ونخافه[/poem]

أتمنى أن تنال إعجاب الجميع والشكر موصول لدفين الجرح وأيضـــآ صاحب الفكرة الرائعه فهد نجد .

فهد نجد · 15-06-2005, 08:46 AM

وفهد نجـد وحلـم الليـل 000 والمنتدى الأدبـي لعيونـه

القيصر بعد التحية 0

يطيك العافية وكلام رائع 0

والف شكر على هذالبيت الرائع 0

تستاهل عليه قصيدة إن شالله 0

وادي سدير · 18-06-2005, 06:36 AM

موضوع جميل

لا اعلم لماذا عدم التفاعل معه وهو من صميم اهداف ساحة الشعر النبطي

سمعت ان راشد بن جعيثن يبيع الشعر لغيره

وان الكثير من الشعر في الساحه والمنسوب لغيره ماهو الا له ولاكنه قابض عنه مبالغ ماديه

وسمعت انه قال في احد الجلسات الخاصه ان الفضل فيما انا فيه من بحبوحه يرجع الى قصائدي المبيوعه

وهذه ابيات لراشد

[poem=font="Simplified Arabic,4,teal,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
طاوعـت فينـي كـل عـاذل ولـوام = وش دخـل العـذال بيـنـك وبيـنـي
الحاجز الوهمي على طول الايام = يكـبـر ويصـغـر حـبـنـا ياضنـيـنـي
انسوك عشرتنا وهي توها العـام = وصورة خيالك بين جفني وعيني
وحطمتني وانهيـت امـال وأحـلام = تقذف بهـا الامـواج شـك ويقينـي
حقي من معاشرك هجرانك النام = على الرجى حبك يضيع سنينـي
معـك الوعـد يامايـس القـد قــدام = ان جادت اظروفي بتسديد دينـي[/poem]

وهذي قصيده اخرى

[poem=font="Simplified Arabic,4,purple,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
من منطلق حبي لك العام واليوم =لاتحرق أوراق الغلا و انت غالي
احفظ بقايا مابقى و اترك اللوم =واصبر وابصبر والله أعلم بحالي
أمر مدبر يا حبيبي و مقـسـوم =شـربـت كاسـه بين مـر و حــالي
حبك سرق من ناظري لذة النوم=سرق الخـجل عينٍ هـدبه حكــالي
خليتني مكسور خاطر ومهموم=خسارتي في الحب من راس مـالي
عليك ياظالم شكى الظلم مظلوم=منك اشتكي لك باالهوى ما جرالي
عساي مقضي تالي العمر محروم=مـن شـوفـتـي لـك هـاك الـغـلالــي [/poem]

فهد نجد · 18-06-2005, 10:20 AM

وادي سدير شكرا ً لك فقد اتحفتنا بتحفة من متحف شاعرنا الكبيرؤ 0

اف شكر 0

فهد المنيع · 20-06-2005, 01:54 AM

الله يعطيكم العافيه جميعاً على هذا الموضوع الرائع والافكار الطيبه ..

والشكر موصول لوالد الاخ القيصر على هذه الابيات الجميلة والتي خص المنتدى بها ..

تحياتي ..