ســـــوق الأسهــــــــــم

[عبدالله بن سعود]

الكثير يعلم ما حصل لسوق الاسهم السعودي
هذه الايام من انهيار اصاب الكثير من المضاربين
في ضرر الخسائر عوضهم الله.... قريبا
وهذه الابيات تعبير عن شعور البعض
..............................

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

قلت أجازف وأضارب ربنا يسترا =موضة العصر عمت خابر إني ذهين

ما ضحك لي زماني حظي الاقشرا =وما جعلني مع اللي دايما ً رابحين

الهفت كل مالي وصرت متحيرا =بس لو رأس مالي وكوي يدي اليمين

قفل السوق لا بعنا ولا أحدن شرا =أبصرف سهم سيسكو وبكرش لجين

جيت يم الجماعي و اثرها احمرا =يا لله انك تعوض ويا لله انك تعين

رحت يم الفتيحي و اثرها تخسرا =نسبت بالخساره نسبة الخاسرين

قلت أبشري زراعي يوم محدن درا =سامع هرج عنها والمخفى يبين

ربح حايل نساني يم ربعه سرا =والحساء مادرى اني شارين بميتين

والمصافي وسابك سهمها يقهرا =تاركينه لناس صيدها بالسميــن

قالوا اشتر بطيبه او بمكة حِـرا = ارتفع كل ضغظي ما رقت نقطتيــــن

تاركين المصارف لأجل رب البرا =خايفن من حرام ٍ لو ربحه ثميـــن

والمكيرش سهما دوم يرجع ورا =نايمه وش بلاها نايمه من سنيـن

قالوا الجبس زينه قلت تأكل..... =صابني ما كفاني صرت عقبه حزين

وكهرب الزفت شوطه مثل شوط بقرا = كل ما قلت ثارت عودت للحنين

نادك أم المشاكل سهمها يكسرا =شاطره بالخسايـــر قفلت مرتــــين

والنما يا نماها جعل ما يكثرا = اسمها ضد فعله تقهـــر المسلميـــن

آه ياسهم فيبكو بري حال برا =من سببها تقول إني مصــاب بعيــن

لاشتريت الكيابل كني اطلع كرا = خطر أني اريوس جعلنــا سالميــن

صحت يا سمنت قلبي ربحيني ترا =كل قرش جمعته راح في صفقتيـــن

صار صبحي هجوس وبالمساء اسهرا =حاس فكري ومخي حضرة من لعيـن

سوق الأسهم ذبحني صرت ما أشعرا = صرت ما ادري ولا اشعر او انا رحت ويـــن

شاب راسي ولونه صايرن اغبرا =وباقي الهم ساكن بالحشاء مستكيــن

احمد الله وهذا شي ٍ مقدرا = قانع في نصيبي وبالقدر مؤمنيـــن

كل هذا جرالي واعرفوا وش جرا =والرجاء في اله فوق خلقه مكيـــن

جعل سوقي الهي دامــا ً اخضرا =لا قريتوا كلامي رددوا لــــي آميــــن [/poem]
...........................
وسلامـــــة الجميع

[القيصـــر]

السلام عليكم




الله الله الله ... قصيدة رائعه



لاتحرمنا إبداعاتك



دمت بمحبه

[سلطان العضيدان]

امين يا رب العاالمين

يبي يصيبنا عمى الالوان من هالشاشه
مرتن احمر ومرتن اخضر

=============

صح لسانك يا عبدالله .. ولا عدمناك

[المنتظر]

[align=center]

عبدالله بن سعود ..

قصيدة قيمة وتستحق الشكر عليهاااا


أبيات تبحر فينااا في مصب القصد الأكيد

حروف تجتمع لوحدها وتكون أسماء نعشقهاااا كل يوم


معاني تتبخر منك لنا بكل صدق

أحساسك هنا يؤكد لي بأنك أنسان تحب الخير للغير

يعجبني هذا العطاء

ويعجبني هذا النزف

آآآآآآآآآه لو كانت في منتدى الأسهم كي تاخذ حقهاااا من الغير



تسلم لنا أخي العزيز

أخوك المنتظر

.[/align]

[راعي الروضة]

[align=center]عبدالله بن سعود


آميييييييين عساالله يرزقك من فضله .


مبدع ياعزيزي وليس غريب عليك ذلك فالأبداع أنت أهلٍ له .


دمت ياعزيزي بخير وسلام .


وتقبل ود أخيك .


راعــي الــروضـــة ؛؛؛[/align]

[فارس_سدير]

حتى الأسهم طلعو فيها كتابات شعر








صح لسانك اخوي ومشكور على الكتابه




والله يعطيك العافيه

فارس سدير

[عذب الروح]

أقووول المفروض هاليومين توزع هالقصيدة عند كل الصالات

أشو ف العالم خلوا الروحات والجيات بسبب هالأسهم

ودي أجرب هالأسهم ياعبدالله بس عقب قصيدة لله أبدا ً



مشكووووووووووووووووووووور عبد الله

[عبدالله بن سعود]

الاعزاء

القيصـــــــــــــــــــــــر
راعي الغاط
المنتظــــــــــــــــــــــر



راعي الروضه
فار س سديـــــــــــــر
عذب الروح

اشكر لك هذا التعليق
وهذا المرور الجميل

نعم احيانا يجبرك الموقف على كتابة القصيدة
فالاسهم لي فيها تجربه بسيطة جدا
لا تتعدى الايام
هي تجربة اخرجت هذه الابيات

الاخ عذب الروح جرب فربما تنجح تجربتك
عكس محاولتي
ويوفقك الله

شكرا للجميع

[ساجي]

امين الله يرزقك من واسع رزقه


والله انا الى الحين مابعد طبيت سوق هالاسهم

بس اللي اشوفه انها عزت ناس ودمرت ناس

الله يستر علينا لادخلنا معمعتها


شكرا لك اخي عبدالله بن سعود
قصيده جميله

قرائتها مرارا ولم امل منها

وتقبل خالص تحياتي

[فهد نجد]

عبد الله سعود 0

الف هلااااااااااااااااا والله لايخسر الجميع بس

بصراحة سوق الاسهم كل خير اللي حرك مشاعرك 0

الف شكر على ترتيب هذه الابيات 0

الف تحية 0

الله لايحرم الجميييييييييييييييييع 0

[سعود الخليل]

اللهم آمين


عبد الله بن سعود ..


صح لسانك يا بعدي على هذه الرائعه والله يرزقنا وياكم ولكن تبي النصيحه شكلها مهب لك يا بعدي خل الأسهم لأهلها وريح راسك ....


لك الود ..