الحنيــــــني

[مشــاعر]

السلام عليكم..

هذا انا جيت وجبت معي الحنيني .. والي عاد وده اسوي له وارسله مافيه مشكله ..

المقادير :
6 كوب طحين اسمر .
4 كوب تمر منزوع النوى .
3 ملاعق اكل خميرة سريعة .
كوبا حليب دافئ .
ملعقة اكل هيل ناعم .
1 ونصف كوب زبدة سايحة او سمنة جيدة .
ربع كوب سكر .
ملعقة صغيرة ملح .
(( ملاحظه تقلل الكميه على حسب عدد الاشخاص))

الطريقة :
-ينخل الطحين مع الملح ، ثم يذاب الخميرة مع السكر في الحليب الدافئ وتترك لتخمر ربع ساعة ، فتضاف الى الطحين مع نصف كوب من الزبدة السايحة وتعجن باضافة قليل من الماء لنحصل على عجينة خبز مطاطية .
تغطى لتخمر ساعتين في مكان دافئ ثم توضع في قالب عميق مدهون وتغطى لتخمر نصف ساعة ثم تخبز في فرن 350 حوالي 45 دقيقة او حتى تنضج ثم تترك لتبرد . ثم تقطع وتفرم بماكينة اللحمة وتخلط مع التمر في قدر واسع . تسخن باقي الزبدة ويضاف خليط التمر السابق وهيل ناعم وتقلب مع دقها بحافة ملعقة كبيرة
حتى تمتزجا وتقلب جيدا على نار هادئة حتى يذوب التمر تماما بالخليط . يمكن اضافة قليل من السكر اذا كان ناشفاو يرش ماء خفيف ويقلب على نار هادئة ويقدم .

صحه وهنا..

تحيتي لكم

[جورية]

يا قلبي على هالبنت يا نااااااااااااااس

يلوموني فيتس يالطموحة

فديت قلبتس على هالطبخه وتسلم كاتبتها

لكن عندي ملاحظه بسيطة ممكن تحول الحنيني الى طبق سهل جدا

بدل عجن وتخمير وخبز وتقطيع وفرم العجين في ماكينة اللحم

يستخدم بدل منه خبز بر لبناني اسمر بعد غمسة ثواني بالماء المغلي ويفرم بماكينة اللحم

وتكمل بقية طريقتك

مره شفت وحده( عجيز يا حبني لها)في طبق خيري واقفه وتصلحه وتعلم البنات

ونفس النتيجة ونفس الطعم الرائع <<<<< صارت دعاية جالكسي

مشكورة يا بعدي وتسلمين ولا يحرمنا من جديد ابداعتس

يا طباخة المنتدى

[بن جعيثن]

يازين الحنيني زينااااااااااه في الشتاء ...

شكرا لك الطموحة ...

[لهفة الخاطر]

[align=center]تسلمين يالغاليه
ايه يازينه مع القهوه كذا يدفي الجسم
اشكرك على الطريقه [/align]

[مشــاعر]

المشاركة الأصلية كتبت بواسطة جورية   يا قلبي على هالبنت يا نااااااااااااااس يلوموني فيتس يالطموحة فديت قلبتس على هالطبخه وتسلم كاتبتها لكن عندي ملاحظه بسيطة ممكن تحول الحنيني الى طبق سهل جدا بدل عجن وتخمير وخبز وتقطيع وفرم العجين في ماكينة اللحم يستخدم بدل منه خبز بر لبناني اسمر بعد غمسة ثواني بالماء المغلي ويفرم بماكينة اللحم وتكمل بقية طريقتك مره شفت وحده( عجيز يا حبني لها)في طبق خيري واقفه وتصلحه وتعلم البنات ونفس النتيجة ونفس الطعم الرائع <<<<< صارت دعاية جالكسي مشكورة يا بعدي وتسلمين ولا يحرمنا من جديد ابداعتس يا طباخة المنتدى

السلام عليكم..


ياحبيلك انتي.. والله اني استانس اذا شفتك راده على مواضيعي..

تسلمين حبيبة قلبي.. والله انك تحرجيني باسلوبك الروعه هذا..

والله طريقه حلوه.. بقول لامي تجيبها عشان اجربها ..بس وين القاه دايم هالخبز؟؟

ياحبيل هالعجيز.. لاتفتحين مواضيع العجايز تراني امووووووت فيهم وفي سواليفهم..

هههههههههههه حلوه الدعايه الصراحه ..
العفو.. الله يسلمك ياقلبي.. لا انش اء الله انا حاضره بكل جديد ومفيد للجميع..

والله حلو هاللقب.. بغير اسمي لطباخة المنتدى هههههههههههه

مشكوره على تعقيبك حبيبتي..


تحيتي لك

[مشــاعر]

المشاركة الأصلية كتبت بواسطة بن جعيثن   يازين الحنيني زينااااااااااه في الشتاء ... شكرا لك الطموحة ...

السلام عليكم..

اي والله انك صادق على هالمغربيه مع الاهل .. يحلى اكل الحنيني..

العفو..


ومشكور على التعقيب..


تحيتي لك

[مشــاعر]

المشاركة الأصلية كتبت بواسطة قلبي المتيم   [align=center]تسلمين يالغاليه ايه يازينه مع القهوه كذا يدفي الجسم اشكرك على الطريقه [/align]

السلام عليكم..


الله يسلمك حبيبتي..
مع القهوه والا لحالها كلها تجنن..

العفو..


ومشكوره يالغلا على المرور..


تحيتي لك

[فجر سدير]

ياااازين الحنيني وخصوصا في البرد ...




يعطيك العافية يالطموحه..

[مشــاعر]

السلام عليكم..

** الأمل**

هو حلاته في الشتاء..
الله يعافيك..

ومشكوره عل المرور..

تحيتي لك

[مـــداد الأمـــل]

الحنيني من أشهر الأكلات في الشتا ...زي هالوقت .
الطموحه الله يعطيك العافيه ..

[مشــاعر]

السلام عليكم..

** مداد الأمل**

الله يعافيك..


ومشكوره على التعقيب..


تحيتي لك

[لمو]

[align=center]يسلموا يدينك الحلوه

تصدقين الاكله الشعبيه الوحيده الي اعشقهااااااااا

ان صرت حرمه ابسويها خخخخخخخخخخخ على قولت الوالده

تحياتي لكم [/align]

[مشــاعر]

السلام عليكم..


الله يسلمك..

اشوا زين ان يعجبك لو شي واحد.. لاني اعرف بنات كثير مايحبون ولا أكله شعبيه..

ليه انتي لهالدرجه صغيره؟؟

هذا انا صغيره بس ماشاء الله علي ادبر بكل هالاشياء..

مشكوره على تعقيبك. .


تحيتي لك

[هايدي]

[align=center]مشكوره وتسلمين [/align]

[جورية]

حبيبتي الطموحة

خبز البر هو نفسه الخبر المفرود الابيض اللي في البقالات

لكن جيبي منه الاسمر اللي يكون بالبر

معرووووووووووف بكل مخبز او بقاله

وبالهناء والعافية يا عيوني

وعسى يارب تجيز للوالده وتدعيلي وتقول واله ما قصرت جورية اثر طريقتها اسهل من اول

يارب يارب يارب تجيز لها