حلى كانشو بالصور.. من تصليحي طبعا..

مشــاعر · 22-12-2005, 02:13 AM

[glow=CC99CC]السلام عليكم..

جبت لكم اليوم طريقة حلى قبل شوي مسويته عشان بكره الدوريه عندنا في الاستراحه..
فشاركت مع امي بالمطبخ بهالحلى..

المقادير:
12 ملعقة حليب بودره ..
علبة بسكويت شاي مطحون..
علبه ونصف قشطه..
ربع أصبع زبده..
بسكويت كانشو.

الطريقه:

يخلط الحليب مع البسكويت المطحون والقشطه والزبده مع بعض باليد.. حتى يتمازج الخليط..

يغلف الكانشو بالخلطه ..ويكور على البسكويت كما في الصوره..

يصف في صينيه ومن ثم يوضع على نار خفيفه ((تحت فقط))..

يخرج من الفرن ويترك حتى يبرد ثم يوضع عليه نستله والشيكولاته السائحه..

بالطريقه التاليه..

وهذا الشكل الاخير..

وصحه وعافيه على قلوبكم..

واي شي ماتفهمونه قولوا لي..

تحيتي لكم[/glow]

يـــزيـــد · 22-12-2005, 03:11 AM

ماشاء الله تبارك الله عليك

يعطيك العافية وجعله هنئ

أنــ(تويمي)ــا · 22-12-2005, 08:30 AM

ما شاء الله عليك

والله صدقت اختي جوريه يوم قالت انك ((طباخة المنتدى))

يمال العافيه وعساه بالعافيه

واليوم عاد اهلي جايين الرياض بخليهم يسوونه

تقبلي مروري خيتو

سديراوية · 22-12-2005, 08:35 AM

حرااااااااااااااااام عليتس

من امس مانمت

والحين الساعة 8 ونص الصبح

وميييتة جوووع

شكلها يجنن

تسلم ايدينك مشاعر

لهفة الخاطر · 22-12-2005, 07:38 PM

[align=center]يعطيك العافيه يا مشاعر
هذا الحلى والا بلاش
إنشاء الله يضبط معاي
لك شكري [/align]

جورية · 23-12-2005, 11:13 AM

ماشاء الله عليتس يا مزيونة

والله اتعبتي الشيف والطباخات من بعدك

يعطيك العافية وتسلم يدينك ويدين الماما

وقوليها هذي الظبية من تلك الغزالة ويخليها لنا ولكم يارب

اقول يا مزيونتنا ما تعزمونا بالاستراحة على هالحلى <<<<<<<< شكله لا يقاوم ماشاء الله

مشــاعر · 23-12-2005, 02:06 PM

السلام عليكم..

** يزيد**
تسلم,,

الله يعافيك.. مشكور..

يعطيك العافيه على تعقيبك..

*******************

**تويمي**

هههههههههههه .. تسلم والله ..

الله يعافيك..

يالله خلهم يورونا شطارتهم ..

مشكور على مرورك..

*******************

** سديراويه**

اجل هبلت فيك؟؟ ..

المفروض اول ماتقرين بالصور وانتي جوعانه ماتدخلين للموضوع الا اذا شبعتي..

الله يسلمك..

يعطيك العافيه على المرور..

*******************
**قلبي المتيم**

الله يعافيك..

ان شاء الله ..

شاكره لك مرورك..

******************
** جوريه**

حللللوه اتعبتي الشيف ..

ياحبيلك..

الله يعافيك.. الله يسلمك..

تسلمين والله ..

الله يحييك في بيتنا احسن عشان نسوي لك كل الاطباق الي يحبها قلبك..

مشكوره يالغاليه على تعقيبك..

تحيتي لكم

المميز · 23-12-2005, 10:22 PM

مشكوره يالطموحه والله يعطيك العافيه على هذا الحلى

وأتمنى نشوف اكثر من كذا

مشــاعر · 24-12-2005, 01:30 AM

السلام عليكم..

**وادي الجزر**

العفو..الله يعافيك..

ان شاء الله .. وانتظر جديدي قريبا..

مشكور على تعقيبك..

تحيتي لك

^رماد الحياة^ · 24-12-2005, 06:52 PM

يسلمو اختي وانا عندي نفس الطريقة بس نحط معاه قرفة

وتراه مرة لذيذذذذذذذذذذذذذذ

فجر سدير · 24-12-2005, 07:22 PM

شكله لذيذ...

تسلم يدينك يالمشاعر...

مشــاعر · 24-12-2005, 08:41 PM

السلام عليكم..

**رماد الحياة**
احس بيطلع طعمها لذيذ بالقرفه..

مشكوررره على تعقيبك..

**************************
**فجر سدير**

الله يسلمك..

ومشكوره على المرور..

تحيتي لك