أنا وإخواني وقرد الحديقة ...... قصة حقيقية ...... (خوش مكافأة نجاح) هههههههههه

[السفير]

يله كلكم صفوا صف واحد

يمين يسار فوق تحت ..... يمين يسار فوق تحت ..... يمين يسار فوق تحت

آخر ... مرة ... جماعة ... قف



<<<< آآآبو الإبتدائي ياشيخ


سلام عليكم ..... شلونكم عساكم طيبون ومبسوطون ؟




ودّي أقولكم يالربع سرّ ..

إيه سرّ ..

ماهو السرّ اللي إذا دنّق الواحد شافه .. لا

سرّن ماهو سرّ <<<< ماودّك تكمّل لا بالبيالة على جبهتك >>>>> طيّب


الحين ليه مانكتب مواضيعنا بأنفسنا ؟

ليه ننقل من منتديات وقروبات سوالف مضحكة ومهبولة ؟

يعني اللي قدر يكتب هالسوالف ماهو إنسان مثلنا ؟

لا صدز يعني أشوف إن فينا ناسن ماشاء الله عليهم قمة بالأسلوب

بس مدري ليه مايترك (العِنان) <<< هذا أبو كوفي .... هذاك الأسمر كوفي العنان

نرجع ونقول ..... ليه مايترك العنان لقلمه ولمخّه يألف علينا سوالف إما صارت له

أو يألف من مخه>>

يله العشم بكم كبير وأقلامكم يكفيه شهادتي <<<< الله وأكبر نيوهورايزن على غفلة





8
8
8
8


نصيحة من السفير اللي يحب المنتدى والأعضاء





--------- نِجي للموضوع ----------


محتوى الموضوع زي ماهو واضح من العنوان

هذي الله يطوّل أعماركم على الخير والطاعة ... قولوا آمين ، سالفتن صارت لي أنا وإخواني

(إخواني لزغار) <<<< ماهو عاقل هالدمشقي

أنا واحدن معوّدن إخواني الصغار إليمنّهم نجحوا كافأتهم .... عاد اللي يسمعن يقول البلوي على غفلة

وش هالمكافأة إما تمشية في ربوع الرياض بهالحر اللي يشوي الوجيه

واذا عطشوا وقفت عند أقرب برادة مسجد <<<< لا والله الحضرمي

المراد إنهم هكاليوم نجحوا وقلت أبودّيكم (فيفا) اللي بآخر شارع الستين بالملز

وشي فيفا ؟ ... هذي الله يسلمكم مكان بيع أواني فخار وأشجار وحاجات أثريّة

وفيه بطرف هالمبنى حديقة حيوانات مصغّرة .... وهذا اللي يبونه إخواني <<<< أمحق نجاحة

المهم علمتهم قبل مانروح بيوم وكلهم دخلوا جو وانبسطوا

ويوم صلينا العصر وحنا نركب الموتر ونبدأ الرحلة المكوكية ونطلع على طريق الأمير خريص

ومهدّي بالطريق علشان يقالي تمشيت بهم وراح علينا الوقت وحنا نتمشى

والله وتوصل بعثتنا لفيفا .... وينزلون (الوغدان = البزران) وركض ويدخلون

وانا أمشيهم عند الآثار وهم وراي اللي يشوفن يقول مرشد سياحي

وهم وراي وأقولهم هذا الفلاني ويهزون روسهم ..... وهذا العلاني ويهزون روسهم

والله محد معطينن وجه عيونهم على حديقة الحيوان

وأمر بهم من عند الببغاوات وهم ينبسطون ..... قلت إيييييه هذا اللي إنتم جايين علشانه

وهم يجلسون يسولفون معه شوي وهو ماغير يهز راسه ، قلت الظاهر هذا ببغاء هنود

المهم مااااااااش البزران ملّوا ..... لكنهم مستحين وساكتين ..... شوي ينفجر الولد الصغير من صمته

ويرفع حاجز الهدوء قال : (ياخي وين الحيوانات .... وشوله جايبنا هنا علشان تورينا الشجر) ؟

أنا طاح وجهي أطالع يمين يسار والا العالم تطالعنا .... هذا والله النشبة ...!!!

قلت طيب يابابا الحين نروح ونشوف الحيوانات

قال (ياخي عندنا حديقة بالبيت وفيه شجر أزين من هذا) ...!!!

قلت أقول ماودّك تلبخ ؟ .... قال : إلا .. قلت أجل إلبخ

والله ونوصل للحيوانات .... قال الصغير : (هييييييييييييييييه وصلنا فيفا) ...!!!

وانا أطالعه ومدري وش اسوي .... انقهر والا اصيح والا انسدح والا انبطح .... مدري وش اسوي

قلت إيه وصلنا .... عاد انا خبري بفيفا إن حيواناتهم جيّدة يعني عندهم نعام وبط وفيه ثعلب وضبعة ومدري وشو بعد

يوم جينا والا الله يديم النعمة ..... أول ماقابلنا ريحن مدري وشو دخل مع خشمي وطلع مع مكانن ثاني

وماعندهم إلا سلحفاة وعنده تبن .... مدري وش جاب التبن للسلحفاة

وعندهم كم قرد تسلق ..... وكم كلب بس لهن منابح ...!!!

المهم مريت بهم من عند الحيوانات المريضة .... وبالأخير وصلنا للقرد القضية ..!!!

كنت حاط ببالي نمشي بالدور وكان آخر شي الكلاب ... وقبلهن القردة ..!!

عاد سبحان الله صدق اللي سمى القرد ... قرد <<<< لاياشيخ

ياناس هالمخلوق لعين (بوه فرق بين لعين وملعون) ... وانا اقول لعين

يعني شيطانيّ مريد ..... المهم وصلنا لشبك القردة وكان مكعب صغير وبوه كم قرد بس لهم مطارد

المهم وصلت للشبك ووقفت قدام اخواني وانا ابتسم بكل ثقة .... قلت تسمعون ياابنائي بالقرد ؟

مسوّي افتح ياسمسم

عاد كان وجهي يم اخواني وهم يطالعون شبك القردة

قلت هذا القرد حيوان سريع ومطيور ..... يعني لو عندنا بالبلد قردة يسوقون كان صار كل 3 ثواني حادث

والله وانا اسولف ومتحمس وهذا ياكل موز ومدري وشو بعد ..!!!

شوي اشوف وجيه اخواني تغيّرت .... وكشّروا ..!!!

قلت وش فيكم ؟

قال الصغيّر .... وووووع الوصخ الله يقلعه وشو هذا ؟ ..... قلت وشو الله ياخذ عدوّك <<<< خاف

يوم التفتّ للقرد ..... وانا ألقاه مبوبز وماسكن الشبك بيديه ورجليه والقش يتدلّى تقل سلاسل دينّا

والله وأحك عيوني والا صدز اللي أشوف ..... شيّن وردي تقل قلم مرسم

قلت حسبي الله علييييييييك من قرد ...... تعالوا تعالوا خلوا نتفرج على الكلاب


<<<<<< خووووووش تمشية وخوووووووش نجاحة




وهذي سالفتنا مع قرد فيفا

طيب وش تسوّون جالسين إلى هالحين ؟

تبون لكم قرد يفرقكم




مرررررررررررررررررحبا ألف ومع السلامة ياهووووووووووووووووووه


فاصل اعلاني:

جديدُن قِربن ..... قصدي قريبُن جِدّن

تحياتي