لاتتصل ماني على الصوت شفقان

[راعي الجميلة]

قصيدة انقلها لحضرتكم
..
لاتتصل ماني على الصوت شفقان
وفر كلافـة عنوتـك واتصالـك

اللي زعل يبقى على طول زعلان
ومشكور ماقصرت يكفي سؤالـك

مامشي ورى المقفي لو كان ماكان
اعز نفسي صوب رغبة وصالك

صحيح أحبك مولعاً فيك هيمـان
وصوتك يسافربي لاعالم خيالـك

لكن حبي لك أله اربـع أركـان
من دونها عندي قصيره حبالـك

عزي وفهمك كلمتي وزود تحنان
وايضا الوفا وأبشر بقلبي وفالـك

وأنكان ناويها صدوداً وهجـران
لابوك لابو الحب لابـو جمالـك

أحقرك وانهي عشرتك ذل حقران
بهيبك لينـه يخيفـك أضلالـك

ماقد سمعت بذل أنسان لاأنسـان
مني خذه لاتسمعـه دوك جالـك

لاتحسبني شخص بالسهل ينهـان
منهو نواها محاوله صار هالـك

لاتتصل ماني على الصوت شفقان
وفر كلافـة عنوتـك وأتصالـك

اللي زعل يبقى على طول زعلان
ومشكور ماقصرت يكفي سؤالـك

وسلامتكم

[السنايدي]

صح لسانك
والصراحه قصيده جميله

والله يعطيك العافيه

[حنوني]

نقل رائع
اعجبتني القصيده جدا جدا

[بنت الشيوخ]

صح لسانك ولا هنت..

اختياار موفق للقصيده..

جميله جدا بمعانيها..

شكرا لك..

فمان الله
وبس خلاص

[راعي الجميلة]

مرور جميل

الله يعطيكم العافيه

[فوتو]

[align=center]لاتحسبني شخص بالسهل ينهـان
منهو نواها محاوله صار هالـك


صح لسان قايلها

إبداع بصراحة مشكووور[/align]

[راعي الجميلة]

فوتو

شاكر لمرورك