كشتتنا فلة .. لاتفوتكم بسرعة تعالوا يالله ..

[طالبة المعالي]

السلام عليكم ورحمة الله وبركاته ..

الصراحة بقولها بسرعة على بلاطة .. .. اني وزعت مواضيعي على كم منتدى .. وخسرت

بالأسهم .. وفلست ماعند عندي مواضيع .. أطرحها لكم .. فضاق صديري .. وجلست أفكر ..

وش أسوي .. واحترت ..


لين تذكرت ان هنا < كشتة > .. توسع الصدر .. أميرها الأخ عبدالله الخزيم ..

كشتة فيها المتعة والراحة .. والوناسة والافادة .. لكن بوه .. شيء .. غريب وهو أن هناك عدد

غير قليل لم يشاركنا الكشتة!! .. وشفت التحريجات عليها .. من أمير الرحلة .. والأخ حمد ويزيد

وكانوا يحرجون وينادون .. كما رأينا .. < ننتظر البقية بشغف .. > .. لكن ماعندك أحد ..


اخواني السابق ذكرهم هالكلام ماعد ينفع في هالوقت .. لازم تسون دعايات واعلانات ..

قولوا .. ياناس ياهوه .. ( ترى كشتة سدير شيء غير ) .. ( كشتتنا معكم تسوى .. وطعمها أحلى )

( لاتفوت على نفسك الكشتة وتحرمها المتعة ) .. صدقوني على طول الناس تبي تقط معكم ..



المهم .. رجعنا لكم بعد الفاصل .. ونقولكم وش الحاصل .. بعد

ماخسرت .. فكرت أسوي دعاية لهذه الكشتة الزينة .. نبي الجميع يشاركنا .. بس قبل ماتقرونها ..

اذكروا الله .. لاتحطمون مستقبلي .. الزاهر في مجال الدعاية والاعلان ..


يازين طلعة الكشتات .. وأيامها الربيعية
ياما حلا ذيك الأوقات .. في جلسة أخوية

المنتدى نقضي به ساعات .. تربطنا رابطة أخوية
البعض شارك ولبى الدعوات .. لكن وين الأغلبية ؟!!

وراهم عسى ماشر وش السالفات .. تكفون قولوا ردوا عليه
تراني على أحر من الجمرات .. قولوا ليش ماجو وش القضية

وان صار المانع لأجل القطات .. مايبون يقطون ولو بطوفرية
وين الكرم وحسن الضيافات .. يأهل الكرم والسخاءوحسن العطية

بحضوركم تكمل لنا السعادات .. وتصير كشتتنا مية المية
سوالف وضحك ومسابقات .. توسع الصدر مهيب علوم ردية
كشتتنا كلها وناسات .. الخير فيها والقلوب بها متهنية


شفتوا اني خطيرة .. اللي خابر وظيفه بالمجال هذا يعلمني .. الله لايهينه ..

تراني خبرة ماشاءالله مايحتاج .. متمكنة ..


تدرون عاد أتوقع لو يدري الأخ < سعد الطلحة > بالتحريفات والتشويهات ..

التي صارت بقصيدته .. كان حرم الانشاد وتبرا منه واعتزل نهائيا .. ههههههههههه



يالله عاد ماعد عندكم عذر .. الكشتة ودريتوا بها .. خلونا

نشوفكم بسرعة .. ولاترى بنحرجكم وننادي بالأسماء ..

[FATA--JALAJEL]

أنا ما أدري شاركت معكم والا لا ؟؟


لكن بشقّر على المووووضووووع بشوووف إسمي فيه وإلا لا ؟


والقصيدة فللللله هع هع


مشكووووووووورة أختي هند السبيعي على الموووووضوووع




تقبلي مروووووووووري





محبكم /





FATA--JALAJEL

[ياسمين]

يؤيؤيؤ

وينها فيه الكشته مادريت عنها

تراني معكم هند احجزي لي مقعد جنبك ولا تنسين زهره

يعطيك العافيه

وابشرك مستقبلك زاهر في الدعاية والإعلان يعني تطمني

[شوشة منفوشة]

مـــــــــــــــــــــــــــاشــــــــــــــــــــ ــــــاء الله ...
رووووووووووووووعة بمعنى الكلمة وش الأشعار الزينه كلها أبدااااع...
لكن.. معليش خيتوو .... وش القصه بالصبط ؟؟؟
يعني شوووو بدك؟؟؟ وش سالفة أميرها الأخ عبدالله الخزيم؟ وسالفه الأسهم ؟أمير الرحلة .. والأخ حمد ويزيد ؟؟؟ يعني لخبطتيني ؟؟ ممكن توضيح .........

عاد تخبرين مع ها الأشعار الزينه الشوشه تهفهف مع الهواء ....

شـــــــــــوشــــــــــه مـــــــــنــــــــفــــــــوشـــــــــة

[طالبة المعالي]

هلا باللي حضر وتفاعل .. وأظهر شعوره وجامل ..




فتى جلاجل .. يؤسفني أن أقول لك انك لم تشارك .. لاتتأخر علينا ..


ياسمين .. الكشتة ياطويلة العمر .. بالشارع العام < أقصد بالمنتدى العام > ..

وأبشري بحجز لك مقعدين مهوب واحد .. واحد لك واحد لخيالك .. وتسلمين يالغالية على

الشعور الجميل..بس أنا واثقة من نفسي .. وعارفة قدراتي .. ماأحتاج أحد يمدحني ..



شوشة منفوشة .. ياهلا والله .. الله يسلمك .. ومثل ماقلت الناجح دايم واثق ..

هههه

وخلي عنك الأسهم .. لاتدققين يالغالية .. وتذكرينا بمصيبتنا ..

والقصة بالضبط .. ان الأخ عبدالله الخزيم .. اقترح كشتة لجميع الأعضاء .. ووضعها في المنتدى

العام .. رغبة في مشاركة الكل .. لكن !! للأسف .. أول مرة في التاريخ ان السديراويين ومن

ناسبهم < في عالم النت > .. مايلبون الدعوة .. ويقومون بالواجب ..

يعني باختصار روحي للعام وبتلاقينها ان شاءالله .. ونحن بانتظارك ..

أما سالفة يزيد .. وحمد .. انهم ماقصروا .. وطلبوا من الجميع الحضور ..


فهمت الحين يانظر عيني .. وسامحينا ان كنا لخبطناك .. هذه علامة الجودة على الحماس ..

والله يخليلنا هالشوشة ..

[ولد هيلة]

لاتنسون تسجلون

ولد هيلة معكم

[سيف ومنسف]

اختي هند تسلمين ولايسلم ردي العزاااايم

بس والله ماعندنا خبر ع الكشته ولا علمتوووونا والا بتشوفني اول واااحد<<يحب الطلعات

وع طاري الكشته كم القطه عسى ماهيب كثييييره <<< خايف من القطه

لا ابشرو بس علموووني متى بترووحوون عشان اقوم بدري وازهب العزبه واللحمه

[طالبة المعالي]

ولد هيلة .. حياك الله .. شايفها دورة تدريبية .. أسجلك .. لو ينفع .. كان سجلتك وسجلت الجميع

بدون نقاش .. نبيكم تشاركونا .. وباللي تبون تقطون معنا ..

شاكرة لك أخوي .. لك مني أطيب تحية ..



سيف ومنسف .. مشكور اخوي .. وبالنسبة للقطة ابد مهيب كثيرة .. انت حر فيها .. بس أهم شيء

تقط .. ومن زمان انا كاشتين .. يعني بسرعة تعال .. ولاتفوتها عليك ..

يعطيك العافية اخوي .. ودمت بخير ..