ياموتري ريحتك القيض كله

[اتيكا]

[poet font="Simplified Arabic,14,black,normal,normal" bkcolor="" bkimage="" border="none,2,gray" type=0 line=200% align=center use=ex char="" num="0,black"]
الله من قــلـب هـجــوسه تــمـلــه = مـل الـغــضا لمـبـهـرات الــمباهيــر
شـوف الـبراري والـفـضا ولـعت لـه = لا شفت بالمنــشا مـزون مـزابـيـــر
يامـوتــري ريـحتـك الـقيــض كــلــه = أبــيك لاقامـت تطـول الــمشــاويــر
لابـد لـك لابـرّد الــــــوقــت تـــلـــه = يحن ماطـورك علي ساقة الــطيــر
في ماقـعِِ بعــض الـعرب مايــدلــه = مدهل لـفتـخان الرجال الـمـناعيــر
نـبـي لـنا مـعـهـم وناسـه وفـلـــه = مع درب مسهاج الوسوم المباكيــر
ليا أصبحت روس النــوازي مـطـلـه = عقب الجليد نكّسـر الثلج تـكسيــر
ثم أصبح القرناس من عـقب طلـه = يوجس بجلده مثل دق المساميــر
واستطلعوا خطو أشقــر عادة لــه = حرش الكفوف يمـزّر الخرب تمـزيــر
والبارحه حل المساء قد حصل له = عشاءخفيف من ابرق الريش تنسير
لافــرعـوه وشافـهـن وادرجن لــه = وأدلج وراع الجمس كفه علي القير
وتضايقن عقب الفضا وأحـضرن له = وسلط علي وحده وذلّـك مـخامـيـر
وليا المشبـب عندهم مزهب لــه = بالي ندبهـا طيّــر الريــش تــطيـــير
والخرب طـقه ماتــعــدى مـــحلــه = والـثــالــثــة فـرّت ولاعــيـنـت خيــر
بــطيارهــا شفـنا غـباره وخــلــــه = زمّــت وحــوّلـها ولي الـمــقــاديـــر
أعلق بها اللي عوقهن سهمة له = شيـهان عوق ملوعات المـعـاشـيـر
ملمــوم مثل الصول طولــه بجـلــه = أجـرد يصـخّر شرد الـبـرق تـصخـيـر
وكـل ركـض لـلـي بوجـهه يشلـــه = تــزارقـوهـن بالــحدود الـبــــواتــيــر
أكبودهـــم عقــب القـــرايا مغـلـــه = تسع الشهور نــقزر الوقت تـقـزيــر
وركــبـوا وقــالــوا تبّع الجمس ظلـه = لاما نقول أوقــف كفيـت العـواثـيـر
نــبــى لنا خـد مـــهامـل امــزلــــه = مادوجت فيها الغنـم والمـظاهـيــر
تلـــقى بــهـا زرق المعارف محلـــه = بـيـض الدواغـر مـتـعـبات المـداويـــر
هذا هــوى اللي قزّر القيـض كـلــه = ماشاف غيـر القوبـعـة والعـصـافــيـر
[/poet]


شعر محمد الشمري

[مفتون صيد]

صح لسانك يا مشرفنا

**** جهد رائع ومتميز****

[ابو عمر]

الحقيقه انك ارئع في كل شئ وصح لسانك ولسان الشاعر على القصيد الرائعه ،

تقبل تحياتي ،،

[ابودجانه]

تسلم ويسلم لسان الشاعر 0

[اتيكا]

أخواني مفتون صيد ـ ابو عمر ـ ابودجانه

شكراً على التعقيب

ولاتقاطعونا فنحن نستمد القوة من ردودكم ومشاركاتكم

[ابو عمر]

اخي اتيكا ... الحقيقة اني تطفلت على مشاركتك ونقلتها الى منتديات مكشات فأرجو المعذره لأن القصيدة اعجبتني .

ولاكن بعض الاخوان عقب عليها وقال ان القصيدة للشاعر / بدر الحويفي .. فما هو تعليقك بارك الله فيك ..

واسفين على الميانه الزائدة ..

وتقبل تحيات اخوك ابوعمر ،،،

[أبو ريان]

اخوي العزيز اتيكا تشكر على هالمشاركه والقصيدة في غاية الروعة وتكون اجمل في مكانها المناسب في القسم الادبي فهي من القصائد الجميلة والرائعة 0 شكرا لك على سعة الصدر 0;)

[اتيكا]

وعليك السلام ورحمه الله وبركاته

وش دعوى أخوي ابو عمر خذ راحتك وأنت تمون يانظر لعيون

وأنا مانقلتها إلا لأنها أعجبتني

والقصيدة أنا ناقلها من منتدىالذاكرة الشعبية

كان منزلها عضو يقال له محمد الشمري

ولم يخبر هل هي له وإلا لشخص أخر

وهذة من سلبيات عدم نسب الحقوق إلى أصحابها

وأنا أعتذر لكم ولشاعر بدر الحويفي إن كانت لقصيدة له

ولم أنتبه أنه ليست له إلا عندما عقب بعد أيام على الموضوع وقال (اما بالنسبه للقصيده فشكر الاول لشاعرها)

وهذا رابط القصيدة

http://www.hyil.com/vb/showthread.php?threadid=7170

[اتيكا]

أخوي أبو ريان تزداد القصيدة جمال وروعه بتعقيبك عليها

وأنا أعتذر لك عن عدم وضع القصيدة في المنتدى الأدبي

لأنني بصدد تجميع جميع مايخص الرحلات والصيد في مكان واحد

حتى يصير هذا المنتدى مرجع متكامل عن الرحلات والصيد ومايتعلق بهما

بالإمكان تزويد القسم الأدبي بنسخه منها إن أردت

وتقبل أحترامي وتحياتي الحارة

[ابو عمر]

اخي اتيكا ... والله انا عارف ان اصلك الطيبه والكرم وعسا الله ما يخلينا منك .

تقبل تحياتي ،،

[تأبط شرًا]

أشكرك أخي اتيكا على هذا الإختيار الموفق . قصيدة رائعه نقلها مشرف أروع . وسلمت على ردودك المهذبه التي تظهر أصالة جوهرك وحسنه . والله يحفظ الجميع ويرعاهم .

[المدرس]

ياموتري لاضاق صدري ركبتك -------------------- ودورت سعة الصدر وأشعلت ناري