مواقف .. وأعضاء ..

[طالبة المعالي]

السلام عليكم ورحمة الله وبركاته ..

وبدون مقدمات علشان مايروح علينا وقت ثمين مثل ماقالوا بعض الناس " أثابهم الله "
حكمة حلوة استفدتها منهم .. هاذي أسئلة ومواقف تبي من يجاوب عليها ..




الموقف الأول /

تخيل نفسك محاصر .. بين عشرة وحوش .. قالو لك اختر أحد الأعضاء في مكانك عشان تنجو من تختار بدلا عنك ؟؟



الموقف الثاني /

لو طلبوا منك تهدي هدية لأحد الأعضاء من تختار ؟؟ وش اللي الهدية اللي بتقدم ؟؟



الموقف الثالث /

لو طلبوا منك الترحيب باحد الأعضاء من تختار ؟؟ وأكتب عبارة الترحيب ؟؟



الموقف الرابع /

لو طلبوا منك تجيب ماء بارد و تكبه على أحد الأعضاء و هو في عز نومه من تختار ؟؟



الموقف الخامس /

تخيل نفسك في موقف طلب منك فيه مناقشة أحد الأعضاء مين ترشح ؟؟



الموقف السادس /

رسالة اعتذار .. لمن تقدمها من الأعضاء .. وأكتب محتوى الرسالة ؟؟



الموقف السابع /

أحد الأعضاء ودك تأدبه علشان دمه الثقيل ولقافته الزائدة من هو من الأعضاء ؟؟




الموقف الثامن /

أعضاء بأسماء مستعارة ودك وتتمنى من كل قلبك تكشف من وراء هذه الأسماء ؟؟ ولما ؟؟



الموقف التاسع /

لو طلبوا منك تكتب بيت أو بيتين من الشعر وتهديها لأحد الأعضاء ؟؟ لمن تهديها ؟؟ وياليت اذا كنت قدرت تكتب صدق تطرحها هنا ؟؟



الموقف العاشر /

وش موقفك الحين وأنت جالس تجاوب على الأسئلة ؟؟ حزين .. فرحان .. متضايق .. مكتئب ..

[طالبة المعالي]

الموقف الأول /

تخيل نفسك محاصر .. بين عشرة وحوش .. قالو لك اختر أحد الأعضاء في مكانك عشان تنجو من تختار بدلا عنك ؟؟

شوشة منفوشة / شيختهم تميمية / بنت الزعيم / النميساء / تميمية حوطية /

عزيزاتي / إن الكريم إذا أكرمته ملكته **** وإن اللئيم إذا أكرمته تمردا ..

أكرمتوني وتمردت عليكم .. تستاهلون ماجاكم ..



الموقف الثاني /

لو طلبوا منك تهدي هدية لأحد الأعضاء من تختار ؟؟ وش اللي الهدية اللي بتقدم ؟؟

شيختهم تميمية / سارة / حوطية تميمية .. < أحد هالقطاوة اللي تدوج بها الشوارع > وتخب عليهم



الموقف الثالث /

لو طلبوا منك الترحيب باحد الأعضاء من تختار ؟؟ وأكتب عبارة الترحيب ؟؟

أرحب في من يرد على هالموضوع فقط .. ليش أرحب بالباقين وهم ماجونا .. وأقول ياهلا فيكم والله ويامرحبا .. وحياكم الله ..



الموقف الرابع /

لو طلبوا منك تجيب ماء بارد و تكبه على أحد الأعضاء و هو في عز نومه من تختار ؟؟

محمد المحارب / فتى جلاجل / أبو عوض / أمير سدير / أبو هتون / أبو مالك / لهفة الخاطر / أم فيصل / همس / السبيعية / ندى / ياسمين / مشاعر


الموقف الخامس /

تخيل نفسك في موقف طلب منك فيه مناقشة أحد الأعضاء مين ترشح ؟؟

والله الجميع أرشحهم في المناقشة معي .. علشان يتوبون مرة ثانية ماعد يناقشوني ..



الموقف السادس /

رسالة اعتذار .. لمن تقدمها من الأعضاء .. وأكتب محتوى الرسالة ؟؟

لكل من قابلني .. ولكل من جمعني به هنا منتدى سدير .. أعذروني أن كنت قد أسأت اليكم في يوم
ما .. فلم أكن أقصد أو أتعمد هذه الأساءة ..


الموقف السابع /

أحد الأعضاء ودك تأدبه علشان دمه الثقيل ولقافته الزائدة من هو من الأعضاء ؟؟
< هذا السؤال مايبي له شيء .. واضح ومعروف من هو وبلا شك اللي هو أنا حفظني الله >
< رحم الله امرأ عرف قدر نفسه >




الموقف الثامن /

أعضاء بأسماء مستعارة ودك وتتمنى من كل قلبك تكشف من وراء هذه الأسماء ؟؟ ولما ؟؟

كثر ماشاءالله لكن أبرزهم < المكيظم .. السبعين .. شريك المشاكس .. مثل النخيل خلقت ..
شيخ شمر .. المتأمل .. حيدرة .. أنا تويمي .. راعي الأوله .. القيادي .. شيختهم تميمية .. البنت الدلوعة .. مشاعر .. بنت المناعير .. دمعة ألم .. الأم الحنون ..

عاد وش نسوي < اللقافة مثل ماقلت لكم .. الله يكفينا شرها >



الموقف التاسع /

لو طلبوا منك تكتب بيت أو بيتين من الشعر وتهديها لأحد الأعضاء ؟؟ لمن تهديها ؟؟ وياليت اذاتمكنت من الكتابة تطرحها هنا ؟؟

أهديها لنفسي ..
ياهند تكفين خلي عنك كثر اللقافة .. عزي نفسك وعيشي حياتك بكرامة
اللقافة شرها خطير وغير كذا آفة .. والناس تكره منهي هاذي دايم صفاته



الموقف العاشر /

وش موقفك الحين وأنت جالس تجاوب على الأسئلة ؟؟ حزين .. فرحان .. متضايق .. مكتئب ..

موقفي فرحانة ومسرورة .. لكن حزينة ومكتئبة !!

[مجد]

الموقف الأول /

تخيل نفسك محاصر .. بين عشرة وحوش .. قالو لك اختر أحد الأعضاء في مكانك عشان تنجو من تختار بدلا عنك ؟؟

ما يبيلها كلام اكيد "شريك المشاكس "

الموقف الثاني /

لو طلبوا منك تهدي هدية لأحد الأعضاء من تختار ؟؟ وش اللي الهدية اللي بتقدم ؟؟

اقدم هديه لـ انا تويمي :: طبعاً قلم خطاط

الموقف الثالث /

لو طلبوا منك الترحيب باحد الأعضاء من تختار ؟؟ وأكتب عبارة الترحيب ؟؟

كل الشباب :: بل المهلي ما يولي ""

الموقف الرابع /

لو طلبوا منك تجيب ماء بارد و تكبه على أحد الأعضاء و هو في عز نومه من تختار ؟؟

الزول ابو عوض >>


الموقف الخامس /

تخيل نفسك في موقف طلب منك فيه مناقشة أحد الأعضاء مين ترشح ؟؟

فتى جلاجل<<

الموقف السادس /

رسالة اعتذار .. لمن تقدمها من الأعضاء .. وأكتب محتوى الرسالة ؟؟

لحيدره << حسبي الله على الظالم ...:: آسف على تنزيل صورتك في منتدى التصوير ::

الموقف السابع /

أحد الأعضاء ودك تأدبه علشان دمه الثقيل ولقافته الزائدة من هو من الأعضاء ؟؟

واجدين والله اعلم بهم


الموقف الثامن /

أعضاء بأسماء مستعارة ودك وتتمنى من كل قلبك تكشف من وراء هذه الأسماء ؟؟ ولما ؟؟

واحد بس وقاهرني "" ابو هاجوس ::

الموقف التاسع /

لو طلبوا منك تكتب بيت أو بيتين من الشعر وتهديها لأحد الأعضاء ؟؟ لمن تهديها ؟؟ وياليت اذا كنت قدرت تكتب صدق تطرحها هنا ؟؟

الا ليت الشباب يعود يوماً فاوريك وش ازين بوه
: قاله لي شايب بعد صلاه الجمعه واهديه لكل شيبان العالم العربي

الموقف العاشر /

وش موقفك الحين وأنت جالس تجاوب على الأسئلة ؟؟ حزين .. فرحان .. متضايق .. مكتئب ..
متضايق << لاني توني قايم وجوعان

[طالبة المعالي]

السلام عليكم ورحمة الله وبركاته ..

أهلا وسهلا بك " مجد " .. وشكرا لك على مرورك العطر .. بالنسبة للموقف الثامن ..

أنا مثلك .. أبو هاجوس .. هذا ودي يغير اسمه .. تدري ليش ؟؟ لأن اسمه يذكرني بأبو هاجوس اللي في برنامج " بواري " وهذا الرجال رافع ضغطي بدوره الشري اللي يمثل فيه ..
< لا أحد يفهمني غلط .. ويقول انك اغتبت الرجال .. انا أتكلم عن دوره وليس في الشخص ذاته فأ نا أكرهه أحس انه شري وعدواني >

أبو هاجوس أرجو انك ماتزعل .. ترى الدعوة مزح ..


الا ليت الشباب يعود يوماً فاوريك وش ازين بوه
أحسن بيت سمعته خصوصا انه من أحد هالشياب .. < ذابحها حب الشياب >

[شيختهم تميميه]

تخيل نفسك محاصر .. بين عشرة وحوش .. قالو لك اختر أحد الأعضاء في مكانك عشان تنجو من تختار بدلا عنك ؟؟


وجع وجع يا هنييييييييده خير وحوش مره وحده>>طراها فلم مرعب قديم

بس هين دواك عندي ان ما طبيت فيك انا والشله الي متنقيتها معي ما اكون فلانه بنت الفلاني >>تبي تقهرك ما تبي تقول اسمهاااااااااااا


لو طلبوا منك تهدي هدية لأحد الأعضاء من تختار ؟؟ وش اللي الهدية اللي بتقدم ؟؟


عاااااااااادي قطوه مب شينه ابد كبي عليها مويه وشامبو وتصير لؤؤؤؤؤؤؤطه >> يعني ما قهرتيني نياهاهاهاها


لو طلبوا منك الترحيب باحد الأعضاء من تختار ؟؟ وأكتب عبارة الترحيب ؟؟


يالله عاد ردينا على موضوعك البايخ رحبي بي انا وقطاوتي>> تراها ما حقدت ابد


لو طلبوا منك تجيب ماء بارد و تكبه على أحد الأعضاء و هو في عز نومه من تختار ؟؟


اكيـــــــــــــــــــــــــــــــــــــــــــد بكبها عليك ما فيها كلام ولا بعد فيها قوالب ثلج عشان تصق بدمجتك
نياهاهاها


تخيل نفسك في موقف طلب منك فيه مناقشة أحد الأعضاء مين ترشح ؟؟


انـــــــــــــــــــــــــــــا وش عندكم واول ما يرشحوني بطرد هند من منتدانا >> مصدقه ترشيح وزاره


رسالة اعتذار .. لمن تقدمها من الأعضاء .. وأكتب محتوى الرسالة ؟؟


بعد كل هالبربره والحقد الي طلعته لهنوووووووووووووده>> بدا الدلع

ابيها ما تزعل وتتقبله ذبي بروحها المرحه مع اني عارفه اني عاجبتها بحقدي وبدلعي بس الإحتياط واجب>>بتنعفج

أحد الأعضاء ودك تأدبه علشان دمه الثقيل ولقافته الزائدة من هو من الأعضاء ؟؟


مطـــــــري كل الي بهالمنتدى لؤؤؤؤؤؤؤؤؤؤطه بس يمكن هند السبيعي >> ياربيييييه طلعت غصب هنووووده معليش آآآآسفه

أعضاء بأسماء مستعارة ودك وتتمنى من كل قلبك تكشف من وراء هذه الأسماء ؟؟ ولما ؟؟


كل الي احبهم بهالمنتدى واولهم هند السبيعي >>الا على طاري اسمك هذا اسمك الـــــــــصدقي والا الفني ؟؟



لو طلبوا منك تكتب بيت أو بيتين من الشعر وتهديها لأحد الأعضاء ؟؟ لمن تهديها ؟؟ وياليت اذا كنت قدرت تكتب صدق تطرحها هنا ؟؟

ما اعرف اكتب بس هذا نشيد قاعده اسمه اللحين وعاجبني واهديه للي يحبني !!


انا مشتاق لك والله ..... ودقاتك ترد الرووووووح


انا مشتاق لك والله ...... تطيب خاطري المجروووووح



وش موقفك الحين وأنت جالس تجاوب على الأسئلة ؟؟ حزين .. فرحان .. متضايق .. مكتئب ..


والله توني قايمه وعادي الوضع بس عقب موضوعك بس متحمسه ابي اخلصه عشان ارد


ايه صح مشتهييه حليب بالنسكافيه >> تراي مدمنة حلييييب يممممممممممممممي


يالله هنودهالله يعطيك العافيه قومي صلحي لي والا ما عاد ارد على اي موضوع لك .. يكفي التهزيئات الي جت بالبدايه !!!

[شيختهم تميميه]

وجع وجع وجع وجع !!!!!



ترى هالزخارف هي الاسئله !!!

يقالي بسوي تغيير بالخط >> ماااااالت حدك اللون البني ويخب بعد خخخخخخخخخخ




المووووهم هنوده تقبلي مروري !!!!

[طالبة المعالي]

أقول وش جايبك هنا يا........... آه ياليت من يعرف اسمك علشان يعيرك لا وجاية انت وجهك بازة بهالزخارف .. ماصدقت تشوفين مثلها .. يحق لك ماضريت في خير ي يابعد عمري ..

وبعدين تبين تقهريني يوم تقولين < هنيده > .. قولي اللي تبين واذا تبين بعد أريحك وأقول معاك هاه " هنيده .. هنيده .. هنيده " وانقهري .. واللي عندك طلعيه اسمي وما هنا أحلى منه .. < ترى عروقي تفور .. لكن أكابر وأقول ..اسمي ما أحلى منه لو تلف الدنيا وتدور > ..


بس هين دواك عندي ان ما طبيت فيك انا والشله الي متنقيتها معي
اتحداك .. انتي وغيرك .. هند ما أحد يتجرأ عليها .. ولا يقدر يحارشها < الله أعلم .. لوبشوف زولكم الله العالم ماعد تشوفوني هنا .. أقول ترى الدعوة مزح مهوب تصدقون عاد .. الله يكفيني شركم .. قام قلبي يرجف ..


ما اكون فلانه بنت الفلاني >>تبي تقهرك ما تبي تقول اسمهاااااااااااا
والله ياحبيبتي أبركها من ساعة .. من زينك عاد انتي واسمك .. أنا الرابحة منكم .. ياللي ماعدنيب قايلة .. < من القهر والغل ماعد أدري وش أقول مالي حيلة أقهرك الا كذا .. لكن ياشيختهم هين الأيام بيني وبينك وباذن الله سينكشف الغطاء .. وأكشف هويتك ..


عاااااااااادي قطوه مب شينه ابد كبي عليها مويه وشامبو وتصير لؤؤؤؤؤؤؤطه >> يعني ما قهرتيني نياهاهاهاها

وأنا قلت لك انها شينة الله يصلحك .. أنا قلت الله يسلمك وتخب عليكم بعد .. هاهاهاهاهاهاها


مع اني عارفه اني عاجبتها بحقدي وبدلعي بس الإحتياط واجب
أمحق مالقيتي الا أنتي أعجب فيك .. الا اذا كاني فاقدة عقلي فهذا شيء ثاني .. الشكوى لله ..


الا على طاري اسمك هذا اسمك الـــــــــصدقي والا الفني ؟؟
< للعضو الأحقية في الاجابة أو عدمها > .. لا اسمي الكذبي
والفني والمستعار .. واسمي الحقيقي والصريح < بنت أهلها> أقول ضفي وجهك بس الله يشفيك من هالرجة انت وهالسؤال اللي مال أمه داعي .. اعنبو ابليسكم عجزت وأنا أقولكم ايه .. وشلون تبوني أقنعكم ؟؟!!


بس اذا تبين تقرأيين أكثر عن سيرتي العطرة حفظني الله .. وتقفين على اسمي الحقيقي اللي الظاهر شكله مو عاجبك .. روحي الله يطول بعمرك وسيري على " لهوفة " هناك عندها بتلقين مايفيدك بخصوص سؤالك اللي مادري وش يبي .. لا وبعد بشرح ممل وطويل


يالله هنودهالله يعطيك العافيه قومي صلحي لي والا ما عاد ارد على اي موضوع لك

أبشري بسعدك يالغالية .. انت بس تامرين أمر .. وتكرم عينك خيتو تئبريني < تقبريني > ...... الا على طاري تقبريني .. هذا ولد اخوي الله يسلمك كل ماطلب مني طلب أقوله تئبرني .. المهم دايم أحب استفزه ويتضايق من كثر ما أقوله هاذي الكلمة .. ماينلام مل الرجال .. مني ومن حكيي الواجد وبعدين الكلمة هاذي تسبب له حساسية لأنه ماتعود عليها الضعيف من زمان هههههه .. فمرة مادري وش طلب مني فقلت كلمتي هاذي .. تدرين وش قالي قليل الذوق مع عمته ..

قال < ياشين السرج على البقر > !! صدق انك ماتستحي ولاتحترم عمتك !!


هاه أتمنى وسعت صدرك عقب التهزيئات .. ورضيت علينا .. ومتقبلة مرورك بكل سرور وياهلا فيك ويامرحبا .. أرجوا عزيزتي أن تكوني صريحة معي .. اذا كان أسلوبي يضايقك علميني ..

[شيختهم تميميه]

خخخخخخخخخخخخخخخخخخخخخخخخخخخ

حليويه يا شين السرج على البقر >> جااااااابها ياحبي له غضيه بدالي خخخخخ

ويا بعدهم ياااا هنودهوش هلسؤااااال مستحيل ازعل مستحيييييييييييييييييييييييييل

[طالبة المعالي]

جااااااابها ياحبي له غضيه بدالي

تراه رجال ماشاءالله .. لاتحسبينه صغير .. هاهاهاهاهاها .. أحرجتك صح ..


ياااا هنودهوش هلسؤااااال مستحيل ازعل

كفو والله يابنت الأجواد ..

[يـــزيـــد]

السلام عليكم


موضوعُ منتازُ

يعطيك العافية

ولنا رجعة

[طالبة المعالي]

وعليكم السلام ورحمة الله وبركاته ..

شكرا لك أخي يزيد .. وثناءك على الموضوع من حسن ذوقك الله يجزاك خير .. وننتظر رجعتك

[أبو هاجوس]

عزيزي مجد كثيرا ما أراك لكن انقهرررررررررررررررررررررررررررررررررر .

[أبو هاجوس]

اختي هند أبو هاجوسكم "أنا" يختلف عن أبو هاجوس بواري كثيرا (180)درجة لأنه ثقيل دم -طبعا في التمثيل - وأنا خفيف دم -ولا أزكي نفسي - احسبني كدلك والله حسيبي وحسبي الله عليكم ، وكدلك نختلف في الجسم !!!!!!!!!!!!!!!!!!!!!!!!!!!!!

[أبو هاجوس]

"شيختهم تميمية " وش هالي حاطة هدي تمايم والا طلاسم سحر وراه بعد هالعمر ناويه تصيرين مشعوده . راحت فيها هند !

[M.M.Z]

[align=center]أبو هاجوس إن كنت مضيّع حرف الذال ترى

احتمال كبير إنه في زر إشارة أكبر وأصغر >< جنب رقم واحد أو زر الـ \


وإلا بتكمل دور أبو هاجوس بواري ؟؟
[/align]