أفضل محل يعبي أحبار الطابعات

[أبو إبراهيم]

السلام عليكم

تعرفون يا اخوان اللحين سعر الحبر زي سعر الطابعه او أغلى

وانتشرت محلات تعبي الأحبار وفيها الزين والشين ومنها الغالي والرخيص

ياليت اللي جرب يعطينا تجربته واسم المحل والسعر

تحياتي للجميع

[سعود الخليل]

اي والله انك صادق يا ابو ابراهيم ..

ننتظر اهل الخبرة لنسفيد منهم ... لاني قد جربت مره حبر تعبئة وصار مغشوش ما اخذ له فترة الا وجف !!

[عبدالعزيز]

كنك داري ان حبر طابعتي توه مخلص وقاعد افكر اعبي ولا اشتري

بانتظار اهل الخبرة في الرياض << ولا يابو ابراهيم ؟؟

[مذهله]

انا في الرياض ماادري اذا اقدر اخدمكم!

[أبو إبراهيم]

المشاركة الأصلية كتبت بواسطة راعي الأوله   اي والله انك صادق يا ابو ابراهيم .. ننتظر اهل الخبرة لنسفيد منهم ... لاني قد جربت مره حبر تعبئة وصار مغشوش ما اخذ له فترة الا وجف !!

هذا خوفك انه يجف في العلبه وتبلش

[أبو إبراهيم]

المشاركة الأصلية كتبت بواسطة شيخ شمر   كنك داري ان حبر طابعتي توه مخلص وقاعد افكر اعبي ولا اشتري بانتظار اهل الخبرة في الرياض << ولا يابو ابراهيم ؟؟

هلا اخوي شيخ شمر

اجل جاء في وقته الموضوع

شف فيه محل شدادي في حراج الكمبيوتر يعبي الاسود والملون بـ 50

لكن على حسب اللي يعبي لك

مره يطول معك ومره ماياخذ وقت الا وقاضي الحبر

[أبو إبراهيم]

المشاركة الأصلية كتبت بواسطة مذهله   انا في الرياض ماادري اذا اقدر اخدمكم!

حتى انا في الرياض

لكن ندور محل تعبأة أحبار مجرب وزين اذا تعرفين ياليت تقولين لنا عنه

ويعطيك العافيه

[مذهله]

والله فيه كثيير
فيه واحد في شاارع جرير
والثاني في شارع علي بن ابي طالب في الملز

[سديم الليل]

السلام عليكم
انا عندي طابعتين ليزر ملونات
وانتهى حبرهم وشريت الاصلي الاي الانبوب الواحد اي اللون الواحد ب 300 ريال

وقريب لي نصحني ما اعبي اطلاقا
عبى طابعته
وخربت الطابعه عليه وخسرها
وقالي الرخيص مخيس
ولا تحاولين تعبين وهو خبير بالطابعات وله باع طويل بهذي الشغلات

[ابراهيم بن عبدالله]

وعليكم السلام ورحمة الله

اخوي ابو ابراهيم ولا هانوا الربع كلهم , انا اقول صحيح ماذكرت الاخت سديم الليل :

المشاركة الأصلية كتبت بواسطة سديم الليل   السلام عليكم وقريب لي نصحني ما اعبي اطلاقا عبى طابعته وخربت الطابعه عليه وخسرها وقالي الرخيص مخيس ولا تحاولين تعبين وهو خبير بالطابعات وله باع طويل بهذي الشغلات

واضيف :

وللاسف ان سعر الحبر الجديد ( الاسود والملون معاً) يوازي قيمة طابعة جديدة ,
ولكن الحبر اللي يجي مع الطابعة نفسها يكون قليل , اما العلبة الجديدة ( التبديل )
تكون اكثر حبراً وتدوم اكثر من اللي كانت في الطابعة ,,,

وسبق ان قيل لي ان افضل من يعبي الحبر , ويبيع حبر معبأ هو الشدادي ,,,

ويوجد حبر غير اصلي معبأ من دبي , لذلك افضل شي تشتري الاصلي ,
وهذا افضل حل ,,,

[ديدحان]

بسدير أو الرياض ؟

[عبدالعزيز]

معروف الشدادي مايحتاج توصيف

الله يعطيك العافية ابو ابراهيم

[in my dream]

فية حراج الكمبيوترالعليا وبالكوشكات يعبون احبار ومن احسن مايكون انا اتعامل معهم وزي الحلاوة وسعر التعبئة اربعين ريال مايتعدا ترا اسود وملون

[vib]

هاذا يسما غباء لانك تبي شي وفي شي اغلا من الي تبيعه هاذا شويا غباء صراحه الي بيشتر حبر يشتري طابعه جديده احسن كألوان تحياتي اخوكم ابوسعود

[شقندحي]

التعبئة تضر الطابعة أكثر


لأنه ـ كما يقول أحد المهندسين ـ أن علبة الحبر صممت بطريقة مغلقة تمنع الهواء من التسرب وتجعل الحبر مكتوم مما يساعد في أن يكون مدته طويلة ، أما مع التعبئة فإنه بيفتحها شيء في العلبة كي يعبيها وبعدين يحط عليها شطرطون أو اي ماده تغلقه وهذي الماده مهب مثل مادة المصنع الي تمنع التسرب ولهذا يجف الحبر كثير

غير عيوبها في التسرب والتأثير على الطابعة

شراء الحبر الأصلي أفضل ويستحسن أن تشتري طابعة أفضل من طابعات 200 ريال

(( مأخوذه من استشارة احد الزملاء))