لكل سواق أكسنت بدايه << تراه بكتابتي وموب منقول

[فهد القاسم]

بسم الله الرحمن الرحيم

السلام عليكم ورحمة الله وبركاته


الشيخ يزيد ضيق صدري فقلت نكتب له هالموضوع

: نبدأ بسم الله :


.
. . .


ممكن كل واحد فينا يدق ريوس خمس سنين

يتذكر أول مره يسوق سياره في حياته

فيها مواقف أكيد ما تنساها

وأرجو كل واحد يكتب لنا مواقفه .. ألا أذا كان أول مره ساق سياره ساق بـ دله

المهم نقول الموقف

كنت ذيك المره رايح لأستراحتنا ألي بالعيينه مع أخوي

وكنا رايحين بالشاص << الله يعينك على صقعات السقف

المهم ويقول أخوي : متى أخر مره سقتا

وتوهقت وقلت : أمممم .. تصدق عاد ما شقت طول عمري

أفا يا ذا العلم ألحين أوقف لك في سكه وسيعه ولا فيها ولا ذرة سياره


المهم ويقضبني الدركسون

وقلبي يطربق طربق طربق

وتخيلو شاص وأول مره أسوق

يا سلاااام

المهم ويعطيني مقدمه يقول : زر وخل الظغط على 1

عننننننننننننننن

اكسلنت


يله الظغط أبيه على 2


عننننننننننننننننننن

أكسلنت


يلا توكل على الله وعشق بالأول


طق طق طق

وأقول في نفسي : وش في أمه ما يعشق

وأخوي يفطس من الضحك

قال : والكلتش يا ذكي وش وظيفته

المهم أمشي ووجهي أحمر من الغضب

وأظغط كلتش وأعشق بالأول


وأرفع الكلتش بقووه


أااااي جبهتي

طيب والسياره ما فيها حس ولا لس

أثاريها طفت يا تنح

جعن جعن أولع السياره

وأخوي الصغير راسه جاه صعرور

بعدين يقول : الله يهديك بشويش عليه تراه موب أصغر عيالك

طيب والسياره ما فيها حس ولا لس

أثاريها طفت يا تنح

جعن جعن أولع السياره

المهم وأتفاهم معه بشويش

طبعا ألى ألحين ما ظغطنا البنزين

المهم وأمشي بدون دعسه

وأعشق بالثاني وأى ألحين ما دعسنا

وقال أخوي أدعس

وأدعس أقوى ما عندي

هي هي هي فرامل الله يجزاك خير

وأقوى ما عندي بالفرامل

وصقعه ثانيه مع الجبهه ثانيه << ما شاء الله ألى ألحين تفرق بين الماوس والكيبورد

المهم وأكمل الطريق بدون دعسه ألى أن وصلنا للأستراحه

والحمد لله ما صار فيني شي عقب هالمغامره


وطبعا تراه غير منقول بس جا في في طاري قلبي قلنا خلنا نحطه ويشهد علي الله أني ما شفت هالموضوع في أي منتدى ثاني


يلا ألي بعدوا

[يـــزيـــد]

السلام عليكم


اجل عنننننن عننن ياخبل ،،،

يامال العافية والله ،، اجل شقت السيارة >>

والله يانا ضحكت ضحك يكفين اربع دقايق ورا

مشكلتك تعلمت السواقة على شاص ،، بداية وخيمة الله يعينك على قص الظهر

الله يرجك يابعدي والله موضوع تحفة

بس منيب معلمكم اخاف تضحكون علي

[فهد القاسم]

يزيد \

المشاركة الأصلية كتبت بواسطة   اجل عنننننن عننن ياخبل ،،،

أنت وش يعبمك الله يجزاك خير

قعدت لي نص دقيقه على البنزين عشان كذا مطيتها

المشاركة الأصلية كتبت بواسطة   اجل شقت السيارة >> والله يانا ضحكت ضحك يكفين اربع دقايق ورا

في أنتظار نضحك على موقفك أن شاء الله

المشاركة الأصلية كتبت بواسطة   مشكلتك تعلمت السواقة على شاص ،، بداية وخيمة الله يعينك على قص الظهر

أسمع تدري وش قال أخوي يوم نزلت بدلنا المقاعد بعد هالكورس

قال : ما شاء الله من أول مسكة دركسون شاص صرتا أماراتي

المشاركة الأصلية كتبت بواسطة   الله يرجك يابعدي والله موضوع تحفة

الله يسلمك أحرجتن << بالقصمنجي أحرجتاااا << بالي أنت خابره

المشاركة الأصلية كتبت بواسطة   بس منيب معلمكم اخاف تضحكون علي

هذاك أنت ضحكتا على موقفي

أسدح موقفك خلنا نضحك يلا عاد بدون ثقل

[فهد القاسم]

المشاركة الأصلية كتبت بواسطة   اجل شقت السيارة >> والله يانا ضحكت ضحك يكفين اربع دقايق ورا

معليش فهمت أن الغلط منك أثاريه مني يابويا


بعدين لا تدقق الله يهديك

[FATA--JALAJEL]

السلام عليكم


أخوي فهووودي حياك الله



موضوع منتاز



بقولكم أول ما تعلمت السواقه على هايلوكس 94 حق واحد من أخواني ( الله يرحمه )


بس ما قد صار لي موقف معين وإلا يمكن فيه بس أنا ما أذكر


لكن على طاري الهايلوكس بقولكم قصتنا أنا وأثنين من أخواني إللي أكبر مني على طول


كان أخوي الكبير راعي الهايلوكس يدرّس في حفر الباطن


وما يجينا إلا يوم الإربعاء ويمشي الجمعة


المهم إذا جاء يوم الإربعاء نحتريه متى يجي

إذا جاء أخوي يكون تعبان عقب الخط


يروح يرقد وأحنا يالله على السيارة


ما معنا مفتاح وش السوات


معلاق الله لا يهينكم


ما فيه إلا قوة تنقيز

طيب السيارة وشلون نشغلها؟؟


طيب كان أخوي إللي أكبر مني بسنتين مزبط وضعه ومدبر مفتاح هايلوكس نفس إللي مع أخوي


يدق السلف وندحدرها بعيد عن البيت علشان ما يسمعون صوت السيارة وهي تشتغل



يعني حق ثلاثمية متر ونشغلها ونجلس ندور عليها حق نصف ساعه


عاد ما فيه شي إسمه بسوق


الكبير هو إللي يسوق


بس وضيفتنا نعزز له بس هع هع


والحمد إن الأمور تسهلت ولا من شاف ولا من دري


إلى يومكم هذا محد يدري



وأحب أعلمكم ترى كان من ضمن إللي يعززون لأخوي إللي يسوق السيارة ( قحطاني ) << فضيحة هع هع



هذا إللي عندي وإذا ذكرت شي بعلمكم


مشكور فهووودي على الموضوع


لاتحرمنا من جديدك

[الم الفراق]

وندحدرها بعيد عن البيت علشان ما يسمعون صوت السيارة وهي تشتغل

هههه اجل مزبطين الوضع

[فهد القاسم]

فتى جلاجل \ تصدق أنك ذكرتاني بأحد مواقف الأختبارات

زرفات كرسيدا الوالد

بس هاااه ترا زرفات الكرسيدا قبل أيام العز والمزمزه <<< منتب عاقل يا الوليد


شكرا فتى جلاجل على طرحك هذا الزين ^_^

[فهد القاسم]

الم الفراق \\\ الموقف أفضل من التعليقات

[الم الفراق]

والله اني صغير مره عمري ما ركبت سيارهـ

بس اذكر موقف يوم كنا في الخبر ودي اركب سيارهـ انا وولد خالتي وكنا في شاليه واخذنا

المفتاح وقررريييييح وقريرررييييح اليين اشتغلت ونقعد يسوق مره هو ومره انا والمشكله

الشاليه كل ابوهـ مطبات يعني طااااااااخ طيييييييخ طووووووووخ وانا ذا السواقه

الي تفشل واخير وليس اخراً وصلنا للشاليه دائخين الرؤؤوووس ملفلفينها متراقصه

من شدهـ الصدمات العنيفه .

[فهد القاسم]

الم الفراق \\ هذي جزاء السرقات أنا من يوم اني صغير الى الان ما قد سرقت مفتاح خوفا من عقاب الله ^_^


شكرا عالطرح

[شوق الحجاز]

تبي الصراحه؟؟؟؟؟؟
ما عندي مانع
أول ما سقت كان معي كرسيدا سيدان
المهم
كان معي أبوي جمبي
وأنا أسوق وكانت السياره قير عادي
و كان يبغاني أروح لم القوعية عشان نروح عند جدتي
وذا الكلام متى؟؟؟؟؟؟؟؟؟؟؟؟؟
في العيد!!
وأنا مشخص ومعطر عمري شوي كذ و أشوف قدامي نقطة تفتيش حقة بوابة الرياض
وكان أبي شديد وعصبي
وقالي هدي بصوت عالي وأنا رحت فيها وارتبكت وتلخبطت بين الفرامل والكلتش
وأقعد أدور وأنا أطالع تحت وشوي ويشوفني أبوي ويستغرب ويعطيني ذاك الكف اللي يخلي راسي يصقع في الدركسون ويقولي وش تسوي وأقوله أدور الفرمل هههههههههههههه
بسرعه وأضغط البنزين وأنا أحسبه الفرمل ههههههههههههه الله يعيني
المهم
ويقولي وقف ياثور وخفت وأنا تعديت التفتيش بدون ما أوقف ويم جا بيطقني عاد تعرفن البزر وش يسوي إذا خاف من الواحد لو جا بيطقه
سويت نفس الحركه
وشوي كذا أصقع في القزاز حق السيارة ويوم قمت أشوف إني صقعت في العمود حق اللمبه
والمشكله في العيد وأول مت نزات من السياره إلا وأسوف أبوي ينتظرني بالعقال
وتعال شوف أنواع الطق ويمكن لالحين موجوده الخطوط إللي سواها بالعقال..
هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههههههههههههههههههههههههههههه
وبس

[فهد القاسم]

المشاركة الأصلية كتبت بواسطة شوق الحجاز   تبي الصراحه؟؟؟؟؟؟ ما عندي مانع أول ما سقت كان معي كرسيدا سيدان المهم كان معي أبوي جمبي وأنا أسوق وكانت السياره قير عادي و كان يبغاني أروح لم القوعية عشان نروح عند جدتي وذا الكلام متى؟؟؟؟؟؟؟؟؟؟؟؟؟ في العيد!! وأنا مشخص ومعطر عمري شوي كذ و أشوف قدامي نقطة تفتيش حقة بوابة الرياض وكان أبي شديد وعصبي وقالي هدي بصوت عالي وأنا رحت فيها وارتبكت وتلخبطت بين الفرامل والكلتش وأقعد أدور وأنا أطالع تحت وشوي ويشوفني أبوي ويستغرب ويعطيني ذاك الكف اللي يخلي راسي يصقع في الدركسون ويقولي وش تسوي وأقوله أدور الفرمل هههههههههههههه بسرعه وأضغط البنزين وأنا أحسبه الفرمل ههههههههههههه الله يعيني المهم ويقولي وقف ياثور وخفت وأنا تعديت التفتيش بدون ما أوقف ويم جا بيطقني عاد تعرفن البزر وش يسوي إذا خاف من الواحد لو جا بيطقه سويت نفس الحركه وشوي كذا أصقع في القزاز حق السيارة ويوم قمت أشوف إني صقعت في العمود حق اللمبه والمشكله في العيد وأول مت نزات من السياره إلا وأسوف أبوي ينتظرني بالعقال وتعال شوف أنواع الطق ويمكن لالحين موجوده الخطوط إللي سواها بالعقال.. هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههههههههههههههههههههههههههههه وبس

هع + هع = هههههه


وش هالموقف


بس ما أدري هو من بنود خيالك ولا من واقعياتك يا شيخ


المهم

صراحه عليك سواقه بعد


أقول كن قلتا للأبوك يوم نزلتا راسك علكي طاح << مبروك زايد على أوكرانيا

ولا صح يا شيخ أذا أبوك عصبي تدري وش أحسن شي


أنك تشطف تريلات الغاز << أقول السرير الأبيض يحتريك


شكرا عـاالموقف الخرافي