{ قاموس اللهجات السديراوية .. ~

[مااارد]

حبيت اطرح موضوع عن اللهجات السديراوية سواء كان من منطقة ( العودة ,,حوطة سدير ،، تمير ،، الغاط ،، الخطامة ، جلاجل ...)

يا ديرتي يا سدير يا أغلى من الماس
ودك مكن فـي خاطـري والتجابـه

أنت الغلا وأنت الوفا وأنت الأنفاس
أحب سهلك والجبـل مـع هضابـه

ياالله عسى مزن الحيا يرمس ارماس
برقه علـى القبلـة حقـوق ٍ سحابـه

يسقـي ديـار ٍ حبهـا مالـه قيـاس
وادي جلاجل والفقـي مـع شعابـه

وتربـع فيـاض ٍ مـن العـام يبـاس
تلقـى زهرهـا فايـحـات ٍ عـذابـه

نفحة هواهـا كـل ماهـب نسنـاس
تشفي جروح اللي عطيـب ٍ صوابـه

يطرب لها اللي من عنا الوقت محتاس
همـه يـروح ويبتسـم لـه شبابـه

أفخر أنا يا سدير وارفع بك الـرآس
لك منـزل ٍ بالقلـب وايضـاً مهابـه

دار ٍ لهـا بالقلـب عـز ٍ ونـومـاس
جدي وابوي اللي نشـو فـي ترابـه

أهل الوفا والطيـب والعـز والبـآس
مـن بآسهـم تشبـع جيـاع الذيابـه

ربعي هل الطولات لا حميت الطآس
مثل الأسود اللي ربت وسـط غابـه

درب الكرم موروث ساس ٍ على ساس
قولة هلا للضيـف يـا مـرحبابـه

له عندنـا حشمـة وبـن ٍ بمحمـاس
نفـرح إلـى جانـا عزيـز ٍ جنابـه

يقوله اللي يبـدع القـاف باحسـاس
مثايـل ٍ مـثـل الـذهـب يعتنـابـه

والخاتمة صلوا على صفوة النـاس
اللي ومـر بالخيـر والشـر عابـه



الكلمااااااااااااااااات

زهمتي على صديقتس / اي كلمتيها بالتلفون

خاويه ،فاهية / تعبانه او مقصره مثل وشلون فلانة اليوم ؟؟ والله فاهية وخاوية

مصخن / مريض

مهيب لس / ليست حقتك او ليست لكي مثل عطيني لعبتي .. مهيب لس حقتي

عيّ / رفض مثل تامرين احد يجيب لك مويه ورفض

اكبسي بريق الشاهي / ضعي فيه السكر والشاهي

نزقح / طيبين

منطجة ، منسدحه / اي نايمه لكن من دون اغماء العينان

عودي / زوجي

تقهوى عندي بين العشاوين / بين المغرب والعشاء

فقا اثمه / فتح فمه

القش / العفش

انطح فالك / تفضل <<هذا اذا دخل وجاك احد فجاءة وانت تغدى او تقهوى تقولينها

يوه ، يوووم / يماه اي الام عند مناداتها


يتطنز / يسخر ويستهزيء

زليتي الدله / اي صبيتي القهوة بالدلة واجهزت

ثوبها مزلط / اي ماله كموم حفر

لاترزح به / تقال لعدة اشياء مثلا عند فتح الباب وصكه بقوة او عند رمي شيء معين بقوة

انهجي / اسرعي

ابخنيه / انتبهي له

شلي الثوب / اخيطي الثوب


وعندي المزيد والمزيد لكن بشوف مشاركاتكمممم

[كيم هتشن]

واووووووووووووووووووووووو حلوا تسلم ما قصرت
كيم هتشن

[نداااوي]

ثوبها مزلط / اي ماله كموم حفر
ههههههههه والله انك صادق

[ريال فسحه]

هههههههههههههههه

اما مزلط هع

يسلموووو

[فاقده خالتها]

اكبسي بريق الشاهي / ضعي فيه السكر والشاهي

ههههههههههههه كلها صدق

بس هذا ما مرت علي

[رقيقة الاحسآآس]

المشاركة الأصلية كتبت بواسطة مااارد   ثوبها مزلط / اي ماله كموم حفر

[glow=FF0099]يآآآآآ بغضي لذآ الكلمهـ تقهرررني مرررهـ !!
مشكووور اخوي ..[/glow]
& تحيآآآآآآآآآآآآتي &

[أمجاد سدير]

وشدعوى وين الروضه ولا هي تبع المجمعه...

عندي بعض الاضافات

(افطني له)......يعني انتبهي له

صيدتس........قصدك

مهجوج.........مفتووح

مطبق_مقحاف.....اناء الاكل

هذا الي اذكر

وشكرا لك ع الموصوع

[ظبا نجد]

المشاركة الأصلية كتبت بواسطة أمجاد سدير   وشدعوى وين الروضه ولا هي تبع المجمعه... عندي بعض الاضافات (افطني له)......يعني انتبهي له صيدتس........قصدك مهجوج.........مفتووح مطبق_مقحاف.....اناء الاكل هذا الي اذكر وشكرا لك ع الموصوع

اي من جد وين الروضة ؟؟

شكرا لك ع الموضوع جدااا ممتع

تقبلـ مروري ..

[الكرم والجود]

مشكووور
بس معليش انا سديراوي اباْ عن ام عن جد عن معزبه
وفيه كلمات ماعمري سمعتها مثل

اكبسي بريق الشاهي نقول اكبسي الرز
ابخنيه / انتبهي له والله سالت الوالده الله يخليها تقول اول مره اسمعها

[أمورة سدير]

صح كلامهم فيه كلماات اول مره نسمعها

يعطيكـ العافيهـ

ومشكووور،،،

[الرزينة]

هههههههههه من جد حسيت إني في بيت عماني

حانط : أي طعمه لذيذ <<< تحية لأم خالد

دوتس : تفضلي

جفس : حمش دفش <<< فكينا من الترجمه !!

ويقي : أي طلي <<< كلها يبي لها ترجمه !!

كف يك : أي أبعدها هذي عاد يحذفون الدال حقت اليد مدري ليه !!

دزف فنقر : دعوة جدي ولستني فاهمتها !!

مهوب صيدي : اي ليس قصدي

هماااااه : ذا الكلمة الاستئنافيه بين كل كلمة وكلمه يقولونها !!
وبالذات أهل العوده

تول : شاهي الورق بعد مايتصلح * ذا الكلمة أول ماسمعتها من
بنت عمتي احسبها فرنسيه !!

مدزديه : أي أحسن

هيتو : تعالو

<<< عاد موب كنتس مسختيها بالحتسي الزايد

عاد أنا قرويه يجوز لي هالحكي أحسه من ذهب << بليز لاعمرتس تعبرين



كل الشكر لك مارد

وترى يمكن أرجع <<< جاز لها الموضوع !

[ظبا نجد]

المشاركة الأصلية كتبت بواسطة الرزينة   هههههههههه من جد حسيت إني في بيت عماني حانط : أي طعمه لذيذ <<< تحية لأم خالد دوتس : تفضلي جفس : حمش دفش <<< فكينا من الترجمه !! ويقي : أي طلي <<< كلها يبي لها ترجمه !! كف يك : أي أبعدها هذي عاد يحذفون الدال حقت اليد مدري ليه !! دزف فنقر : دعوة جدي ولستني فاهمتها !! مهوب صيدي : اي ليس قصدي هماااااه : ذا الكلمة الاستئنافيه بين كل كلمة وكلمه يقولونها !! وبالذات أهل العوده تول : شاهي الورق بعد مايتصلح * ذا الكلمة أول ماسمعتها من بنت عمتي احسبها فرنسيه !! مدزديه : أي أحسن هيتو : تعالو <<< عاد موب كنتس مسختيها بالحتسي الزايد عاد أنا قرويه يجوز لي هالحكي أحسه من ذهب << بليز لاعمرتس تعبرين كل الشكر لك مارد وترى يمكن أرجع <<< جاز لها الموضوع !

ههههههههههههههههههههههههههههههههه
ياحبيلك والله تقوطرين عسسسسسل
اي تكفين ارجعي نبي مصطلحات زيادة
<<شف الميانة كأنه موضوعها
وشكرررراً مرة ثانية لصاحب الموضوع ...

[باب الحارة3]

وه يازين حتسينا والله

بس فيه كلمنات غريبتن علي

زي:

يوه ، يوووم
ابخنيه

اما الباقي كلبوه مفهوم وخاصة مزلط

[إماراتيه]

ياسلام والله رمستكم حلوة
ياريت اتعود عليها شراتكم
ممكن اتعلموني كلمات اكثر
انا بس اعرف كلمات قليلة مرة من بنت خالي
اهي شراتكم سعودية
واشكر صاحب الموضوع واااااايد

[نـــــ"الوجود"ـــور]

ههههههههههههههه

مشكوووور أخوي على الكلماات الحلوه...

وخاااااااااااااصه (نزقح)