وش تتمنى في منطقه سدير

[طير الروضه]

[align=center]السلام عليكم ورحمة الله وبركاته
دعوه للنقاش عن حاجه اهل سدير سياحيا في منطقتهم......
نبي من اهل سدير المشاركه في الموضوع المطروح.وذكر مايحتاجونه سياحيا وترفيهيا مثل استراحات او شاليهات او العاب اطفال.....او غيره
نبي تفاعلكم وشكرا[/align]........

[بنت عززز]

معليش انا ماني منسدير بس اتمنى فيها اشيا كثيره منها اولا الشقق المفروشه الراقيه و2اماكن تاجير سيارات 3ومطاعم سريعه مثل البيتزا هت وهرفي وكودو اقل شي هذا انو يكون موجود فيها وحدائق عامه موفر فيها العاب الكترونيه والعاب امنه للاطفال وتكون الحديقه باشراف راقي للعوايل واحترام الخصوصيه
واماكن لاقامت بازارات ومعارض في فترة الصيفهذا بصراحه اقل شي يكون فيها

[ساهر العرب]

السلام عليكم ورحمة الله وبركاته
بصراحة نتمنى مدينة الصناعية تبنى لانها مرت 10 سنوات ولاشفنا غير توقيع عقود عشرات المليارات ولافيه أي خبر عنها

[اهـ ياطارق 14]

[align=center]ياقلبو تدري وش اتمتى يسير اتمنا """ بكل صراحه

الاستاذ :عبد المحسن الناجم.
والاستاذ : محمد الجنيح

يرجعون للمركز الصيفي زي زمان اول. الحين كل شي تغير يوم راحوا ,مع احترامي لباقي الاساتذه

اخ بس اخ

اتمنى يكون فيه اسواق مليت وانا اروح للحوطه ومجمع زي العثيم وبنده


مع احترامي ,, لبنت عزززز"" بيتزا هوت,كودو. مافيه امل يحطيونه , لو حطوه بيروحن للمجمعه يشترون ويجون اهم شي ما اشتري من سدير هذا كلامهم

العب اكترونيه بكره مكسر او يقولون غالي.

تــقبــــل مــــروري يـــاقــلـبــــــو الصـراحه راحه تحياتي[/align]

[سما نجد]

اولا أشكر بنت عزززز على طرح هذا الموضوع
بالنسبة للى اتمنى في منطقة سدير هو إقامة منتزهات ومسطحات خضراء وكذلك مدينة ترفيهيه لاننا وبصراحه نعاني من هذا النقص في منطقة سدير وكذلك أسواق على مستوى .

[الكنق ابو سيف]

نتمنى منتزهات وحدائق والعاب جميله

[عبدالمحسن الناجم]

شـكــ وبارك الله فيك ـــرا لك ... لك مني أجمل تحية .

اخي أهـ طارق 14 كلماتك وأمنياتك تاج على رأسي لشخص يحمل لي هذه المحبه المخلصة وأتوقع أنك من أبنائي العزيزين على قلبي يكفي أنني ظهرت من هذه الدنيا من خلال السنوات الماضية بذكريات جملية لعددكبير من الأخوة والأبناء وتعلمنا وعملنا مع بعضنا لسنوات عديدة راجياً من الله العزيز القدير أن تكون أعملنا وأقوالنا وأفعالنا خالصة لله سبحانه وتعالى 0
العمل المصاحب للمحبة والإخلاص والبعد عن التحيز والتعالي والكراهية والحسد هو العمل الخالص لوجه الله سبحانه وتعالى أتمنى لكاتب هذه المقاله خاصة ولجميع الأخوة في هذا المنتدى الناجح بكل المقاييس وكذلك لكل أبنائي الطلاب عامة حياة سعيدة بأذن الله تعالى00000 ومبروك للجميع النجاح0

[ابن الاجواد]

أتمنى من تجار سدير ووش كثرهم أن يلتفتوا قليلاً إلى أمهم الحنون سدير

يعني ما يحتاج أذكر أسماء .. كلنا نعرف تجار سدير

بل تجار سدير يملكون أكثر المنتجعات والمدن الترفيهية والسياحية في المملكة .. وما فكروا أبداً أن يستثمروا ولو مجرد استثمار(ن) بسيط في منطقة سدير

أنا قلت ما يحتاج أذكر أسماء لأننا نعرف جميعاً تلك الأسماء

ووالله ثم والله لو تجار سدير يلتفتون شوي لسدير أن تصير سدير من أفخم وأرقى وأجمل مناطق السعودية .. لكن للأسف مستثمرين كل أموالهم في الرياض والدمام وجدة بل خارج المملكة ولا واحد منهم فكر أنه يستثمر في مسقط رأسه الحقيقي وديرته اللي تربى بها إلين صار رجّال

لو نلتفت إلى بعض المناطق القريبة منّا .. نشوف كيف أن تجار هاك المناطق استثمروا في بلدهم بالرغم من إن أمكانياتهم لا تُقارن أبداً بإمكانيات تجار سدير .. لكن حبهم لديارهم دفعهم لهالشي .. فليش تجار سدير ما يقتدون بهم ؟ !

أعيد وأكرر ما يحتاج ذكر أسماء أولئك التجار لأننا جميعاً نعرفهم ونعرف حجم تجارتهم الله يبارك لهم فيها

[طير الروضه]

[align=center]السلام عليكم ورحمة الله وبركاته
الاخوه الاعزاء اشكر لكم تفاعلكم مع الموضوع.....
انا اشوف إن لو فيه استراحات حلوه للايجار اليومي وشقق مفروشه ولا ننسى شاليهات خصوصا في هالحر.........
ويا اخي ابن الاجواد كلامك طيب..بس تتوقع التجار مافكرو في ديرتهم انا اشوف انهم خايفين من الاستثمار ومنحاشين.......
خلك من التجار لو واحد على قد حاله يعني توه بادي في البزنس وحب يسوي كم شاليه تكون صغيره وخصوصيه للعوائل تتوقع يكون عليها قبل او انه يصور معهن 4×6 ؟........[/align]

[وايلي التويم]

الديره ماينعشها ألا أهلاها

اشك ان سدير راحط تطلع وتنتعش

والي يطلع من سدير ماوده يرجع

ازين مافي سدير وقت السيول والربيع ...

[انتراوي]

اتمنى في سدير يكون هناك منتزهات مثل منتزة اشيقر

[اهـ ياطارق 14]

المشاركة الأصلية كتبت بواسطة عبدالمحسن الناجم   شـكــ وبارك الله فيك ـــرا لك ... لك مني أجمل تحية . اخي أهـ طارق 14 كلماتك وأمنياتك تاج على رأسي لشخص يحمل لي هذه المحبه المخلصة وأتوقع أنك من أبنائي العزيزين على قلبي يكفي أنني ظهرت من هذه الدنيا من خلال السنوات الماضية بذكريات جملية لعددكبير من الأخوة والأبناء وتعلمنا وعملنا مع بعضنا لسنوات عديدة راجياً من الله العزيز القدير أن تكون أعملنا وأقوالنا وأفعالنا خالصة لله سبحانه وتعالى 0 العمل المصاحب للمحبة والإخلاص والبعد عن التحيز والتعالي والكراهية والحسد هو العمل الخالص لوجه الله سبحانه وتعالى أتمنى لكاتب هذه المقاله خاصة ولجميع الأخوة في هذا المنتدى الناجح بكل المقاييس وكذلك لكل أبنائي الطلاب عامة حياة سعيدة بأذن الله تعالى00000 ومبروك للجميع النجاح0

يالبى طيبتك ارجع للمركز وخلنا نفرح ترانا كلنا بنروح عن الدنيا

[أبوفاتن]

نتمنى بحيره وانا عارف هذه من سابع المستحيلات
وكثرة الاشجار وخاصه في المنتزهات البريه

[اتحادي مووت]

اتمنى في سدير مالعب ومنتزهات ومسطحات خضراء ونريد منتزهات لشباب ومالعب خضراء حلوة ونريد مطعم زي العالم مو كناري وهجور ونريد محلات تاجير سيارات ونريد شلالت جملية مو مصلحين الشلالت ولاشغلوة ونريد جلسات حلووووووووة وبس وبس

[المملووحه]

أتمنى في سدير استراااحاات ومرااكز تجااريه زي النااس ومنتزهاات درجه اولى
وعلى فكره في المجمعه بيتزاا هت
تقبلوو مروووري